Éxodo 15:10 - Biblia Dc en Mixe de Quetzaltepec

¹⁰ E ko ojts xyajpojyu'kxy, jëtu'unyë ja nëë ojts nyikoonpäjta'ajëtë. Jëtu'unyë jap kyiintaaytyë tä tu'uk yë pujxn kyinyën.

Biblia Mixe de Quetzaltepec

¹⁰ E ko ojts xyajpojyu'kxy, jëtu'unyë ja nëë ojts nyikoonpäjta'ajëtë. Jëtu'unyë jap kyiintaaytyë tä tu'uk yë pujxn kyinyën.

Éxodo 15:10 ပူးပေါင်းရင်းမြစ်များ

Génesis 8:1

Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

2 Samuel 18:8

Ja tsip yajxon ojts myëktaknë mëjwiin këjää jä'ä xëëw, ja yukjot ni'ik ja ojts yaja'ay'o'knë këtiinëm jyëtu'unëty ja tujn pujxn.

Nehemías 9:11

Mäjtskpëky ojts xyajwa'kxtë ja mëjnëë ets nyajxtë wa'ats pëk; e ja myëtsiptëjkëty wa'ats xyajkiintaay jëtu'un tä mëjtsaa kyinyën këknëëjoty.

Salmos 135:7

Yë'ë yajpëtë'kpy muum jëkäm yë yoots nëëma'a ma naaxwiinyëtë jyëjpkëxyën; yë'ë näjyëtu'un yaj'ëtëtsyp yaj'ënäämpy yë ënääw wëtsuk ko tyu'uja'any pyoja'any ets jap ma pëjkë'ëky tyaj'ityën yë poj jap tyajpëtsëmy ets ënät tyajpojy.

Salmos 147:18

E ko yë y'ayuk tkexy, tääts jëtu'unyë jyiiywya'kxta'ay; e ko ënät tyajpojy, tääts yë nëë tyajpëyi'iky.

Éxodo 14:21

Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Éxodo 15:5

Jap kya'ataaytyë këkmejyjoty. Jëtu'un kyuka'anajxtaaytyë tsaajën. Ja komnëë ojts nyijä'tstëkoyëtë.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Isaías 11:15

Nëjkxëp yë Wintsën tu'uk yë në'ë tu'u tyaj'ëwa'atsy ma mejy txëëwatyën Tsapts nëëmejy, ets jampaat jya'ta'any ja y'oyajtën ma ja Éufrates mëjnëëjën, tu'uk yë mëkpoj nëjkx tyajnäywyä'kxyë wëxtujkpëky, ets jotkujk nyaxtëty ja ja'ay kë'ëk mëët.

Jeremias 10:13

Mëët yë ënääw tyaj'ëtëtsy tyaj'ënany yë nëë tuu jam tsajpwinm, jam ma naaxwiinyëtë jyëjpkëxyën jam tyajtsoony yë yoots nëma'a ets tyajpa'tëkë tsajpkëjxm ets mëkpoj tyajpëtsëmy, jëtu'un tä jeexyë muum pëjkë'ëky tyaj'ityën.

Jeremias 46:17

Tääts xytyimtijnëtëty ja Egiptë yajkutujkpë: Tääpë faraón nëkoo jyaak ne'emy; ka'ap tii të tuny ma jeexyë të jyotmëk'atyën.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

Mateo 8:27

Mëj'ixy ja ja'ay t'ijxtë ets nyäyajtëëwëtë: ¿Pën ya'atë ja'aynyë? Pojpaat mejypyaat myëmëtoowënë.

Deuteronomio 11:4

Näyjyëtu'un ma tyaj'o'ktaayën tëkokyë ja yajkutujkpë ja tsiptuunpëtëjkëty mëët tu'kë'ëyë ja kepy wintëkäämpë mëti'ipë myëtsiptuuntëpën ets ja kyëwaayëty ets ko tyajkiintaay jam ma Tsaptsmëjnëëmejyën, ma ënety miits myaj'ixjëtit myajpajëtitën. Yë Wintsën yë'ë ojts tyajkutëkooytyä'äy xëmëkyëjxm.