Éxodo 14:3 - Biblia Dc en Mixe de Quetzaltepec

³ Tääts yë Egiptë mëj'ënä'ämpë myäyëty tyajëty: Yë Israel ja'ayëty ka'ap t'ëknija'awënyëtë ma nyëjkxtëtyën, jëtu'unyë jam jyaak kumin jyaak kumatsëtë tä yë ja'ayën mëti'ipë tëë tyëkooynyën jam wintë'ëtstum.

Biblia Mixe de Quetzaltepec

³ Tääts yë Egiptë mëj'ënä'ämpë myäyëty tyajëty: Yë Israel ja'ayëty ka'ap t'ëknija'awënyëtë ma nyëjkxtëtyën, jëtu'unyë jam jyaak kumin jyaak kumatsëtë tä yë ja'ayën mëti'ipë tëë tyëkooynyën jam wintë'ëtstum.

Éxodo 14:3 ပူးပေါင်းရင်းမြစ်များ

Hechos 4:28

Jëtu'un winë të tuntë ijxtëm ënety mijts të xytyuknipëjktaakën tyunëtëty jyatëtëty.

Ezequiel 38:17

Ëjts Wintsën, jëtu'unës n'ëna'any: Mijtsën ojts n'antijy koos ojts tëëyëp njanimëtyä'äky mëët yë nkäjpxynyajxpëtëjkës jam Israel; yë'ëjëty ojts nikajpxtë ko ënety mijts mmina'any ets xynyitëkëja'any yë Israel kajpn.

Salmos 139:4

Ka'anëmës ëjts nkajpxpëtsëmnyëm tii ayuk, ko mijts Wintsën, tëë xynyanija'awënë.

Salmos 139:2

Wa'ats xynyijawë tiijës ntuunpy nkäjpxypën, ets jëkämpaat xynyijawë wi'ixës nmay ntajyën.

Salmos 71:11

Tyaa y'ëna'antë: Ixta'atë ets xymyatstëty, yë Tyios mëti'ipë y'ëwtajtypyën tëë jyä'äytyëkooyënë, paaty tyam ka'ap t'ëkmëët'ajnë pën yajtso'okëtëp.

Salmos 3:2

mayës ja'ay xynyikajpx xynyimëtya'aktë. Ka'ap nitsokën tpaata'any ma Tiosën.

1 Samuel 23:23

Yajxon ixtë tuntë maajëty yë kyuyu'tstakn tmëët'atyën ets maajaty tmëët'atyën yë tyëjkëtyakn. Jëtu'untsës yajxon xytyuk'ëwaanëtëty ets mpanëjkxtëty. E pën janty jamtsën yajpaaty, kë'ëmës yam nëjkx n'ixta'ay piiwnaxy tajnaxy ma Judá jyä'äyën.

1 Samuel 23:7

Ja Saúl ojts yajtuknijawë ko ja David tam ënety yajpaaty Keilá, ets myääy tyäjy: Tëë yë Dios kyë'ëyäkyë maas ëjtsën, paaty yë të nyëjkxpë jam Keilá ets ni'ëtujkpety jam.

Deuteronomio 31:21

E ma ënety ja ëyo'on jotmay tyukëtakënëtë ets o'ktëy jyajnëtë kyëpäjnëtë, ya'atë ëy yë'ë nëjkx t'ëwtë ets tyukja'amyätsëtëty ja nyëë pyokyëty, ja y'u'unk y'okëty nëjkxëp ja tja'amyätstë ets nëjkx t'ëwtë. Jä'ä ko ka'anëm ënety jam nyajja'tënëm, ma ja naax kajpnën mëti'ipës të ntukwinwanëtën. Ëjts wa'atsës nijawë maa ja wyinma'any tyaj'itën.

Jueces 16:2

Ko yë ja'ayëty tnija'awëtyë mëti'ipë jam kukajpnajtëpën Gaza ko yë Sansón tëë jam jyä'ty kyajpnjotmëty, ënät ojts tyajnatuktë ja tëjk ets tu'kxëëw ojts tkëwent'atë ja tëjkëtyakn jam ma ja kajpn yajnitëkën. Ko ojts tsyu'ujënyë tää nyëjkxtaaytyë ma tyëjkëtyën, jëtu'un ojts myäytyë tyajtë ko jopyëp tyaj'ooka'antë ja Sansón ko xyiinytya'akëty

Éxodo 14:2

Ënëëmë yë Israel ja'ayëty wä'än twinpitë ma it naaxwiinyëtën mëti'ipë xyëëwajtypyën Pi-hahirot mëti'ipë itkujky wë'ëmpën ma txëëwatyën Migdol mëët yë mejy, wintuuytsyow ma txëëwatyën Baal-zefón. Jamts tkojtëty yë wyitëjkëty mëti'ipë tyuktsëënëtëpën, ma tääpë naaxën winkonpë ma mejyën.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.