Éxodo 14:28 - Biblia Dc en Mixe de Quetzaltepec

²⁸ Ko ja mëjmejy jatëkok nyämyujkë jëtu'unyë ojts tyajnikoonpäjta'ay ja Egiptë ja'ayëty mëët ja kyepywyintëkäämpëty ets mëët ja kyëwaayëty, tëkokyë ja tsiptuunpëtëjkëty mëti'ipë ënety të tpatëkëtën ja Israel ja'ay jap nëëjoty, nitu'uk ojts kyawë'ëmy juuky mëti'ipë ja mëj'ënä'ämpë tsyiptuunpë'ajtypyën.

Biblia Mixe de Quetzaltepec

²⁸ Ko ja mëjmejy jatëkok nyämyujkë jëtu'unyë ojts tyajnikoonpäjta'ay ja Egiptë ja'ayëty mëët ja kyepywyintëkäämpëty ets mëët ja kyëwaayëty, tëkokyë ja tsiptuunpëtëjkëty mëti'ipë ënäty të tpatëkëtën ja Israel ja'ay jap nëëjoty, nitu'uk ojts kyawë'ëmy juuky mëti'ipë ja mëj'ënä'ämpë tsyiptuunpë'ajtypyën.

Éxodo 14:28 ပူးပေါင်းရင်းမြစ်များ

Génesis 50:9

Ojts näjyëtu'un yë José pyanëjkxyë may yë ja'ay mëti'ipë kepy wintëkäämpëjoty nëjkxtëpën ets mëti'ipë këwaaykyijxyën ets jëtu'un janty nimay nyäpyatëtë.

Génesis 7:18

Yë nëë ni'ikyë kyoom'ëtë'ëtsy ets ja kepy nëëwimye'epyë näjyëtu'un ni'ikyë pyäjt'ëtë'ëtsy.

2 Crónicas 20:24

Ko ja Judá ja'ayëty jam jyajtë ma ënety jam tsyiptuna'antën të'ëts'itjotm, ënät t'ijxtë ko tëëtëm nya'o'ktaaynyëtë ja myëtsipëty, je'eyë kujy ye'epy ja o'kpë yaj'ijxnëtë naaxkëjxy; ma jëtu'un ja mëtsip y'o'ktaaytyën ni pën ojts tka'ëkjëkyäjpnë kyä'äktëty.

Nehemías 9:11

Mäjtskpëky ojts xyajwa'kxtë ja mëjnëë ets nyajxtë wa'ats pëk; e ja myëtsiptëjkëty wa'ats xyajkiintaay jëtu'un tä mëjtsaa kyinyën këknëëjoty.

Salmos 106:22

mëti'ipë ënety të tyaj'ixyën ja myëj'ajtën ma ja Cam y'itjotmën ets ma ja Tsaptsmejyën.

Salmos 136:15

Mëti'ipë ojts tyajji'kxta'ayën ja faraón ja tyuunpë ma ja Tsaptsmejyën, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 78:53

Mëët ojts tyajnëjkxy ja akujkajtën jotkujk'ajtën, këtiipë ja tsë'ëkë tmëët'atëty, e ja myëtsiptëjkëty, nëëjoty ojts kyu'o'këtya'atë ko ja komnëë nyijä'tstëkooyëtë.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Éxodo 15:10

E ko ojts xyajpojyu'kxy, jëtu'unyë ja nëë ojts nyikoonpäjta'ajëtë. Jëtu'unyë jap kyiintaaytyë tä tu'uk yë pujxn kyinyën.

Éxodo 15:19

Ko tyëjkëtyë ja kepy wintëkäämpë ets ja këwaayëty jap nëëjoty, yë Dios yë'ë ojts tyajkutuky ets ja nëë jëtu'unyë nyijä'tstëkooytya'ajëtëty, yë Israel ja'ayëty jëtu'un ja nëë tuknajxtë tä jeexyë wintë'ëtstuuy ye'eytyën të'ëts wa'ats.

Habacuc 3:13

Tëë xypyutëkë ja mnaax mkajpn ets ja yajkutujkpë mëti'ipë kë'ëm mwin'ijxën. Tëë xyajjitsy ja ëxëëk ja'ay ja jyëën tyëjk ets tëë jap xytyim jijtë'ëky ma ja potsy'ëjxën.

Deuteronomio 11:4

Näyjyëtu'un ma tyaj'o'ktaayën tëkokyë ja yajkutujkpë ja tsiptuunpëtëjkëty mëët tu'kë'ëyë ja kepy wintëkäämpë mëti'ipë myëtsiptuuntëpën ets ja kyëwaayëty ets ko tyajkiintaay jam ma Tsaptsmëjnëëmejyën, ma ënety miits myaj'ixjëtit myajpajëtitën. Yë Wintsën yë'ë ojts tyajkutëkooytyä'äy xëmëkyëjxm.

Hebreos 11:29

Mëët ko myëpëjktë ja Israel ja'ayëty, tyuknajxtë ja Tsaptsmejy të'ëts naaxkëjxy. Ko ja Egiptë ja'ayëty näjyëtu'un jyanaxantë, ojts nyëëji'kxta'atë.

Jueces 4:16

Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.