Éxodo 14:25 - Biblia Dc en Mixe de Quetzaltepec

²⁵ Ënet mya'taay ja kepy wintëkäämpë nyiye'eypyäjn ets oywyi'ix ojts jyaak nëjkxtë, paaty ojts y'ëna'antë ja Egiptë ja'ayëty: Nikë tsojk ntimkyukäkëmë yë Israel ja'ayëty, jä'ä ko jëtu'un kyëxë'knë yë Tyiosëty yë'ë yowë kuwanëtëp ets yë'ë nitsiptuunëtëp ma ëëtsajtëmën.

Biblia Mixe de Quetzaltepec

²⁵ Ënät mya'taay ja kepy wintëkäämpë nyiye'eypyäjn ets oywyi'ix ojts jyaak nëjkxtë, paaty ojts y'ëna'antë ja Egiptë ja'ayëty: Nikë tsojk ntimkyukäkëmë yë Israel ja'ayëty, jä'ä ko jëtu'un kyëxë'knë yë Tyiosëty yë'ë yowë kuwanëtëp ets yë'ë nitsiptuunëtëp ma ëëtsajtëmën.

Éxodo 14:25 ပူးပေါင်းရင်းမြစ်များ

Éxodo 14:14

Miitsëty këtiimës mmaytyë mtajtë, yë Dios yë'ë mnitsiptunanëtëp.

Jeremias 51:21

Mëët mijtskyëjxm nyajkutëkoopyës yë kwaay ënyääpyë. Mëët mijtskyëjxm nyajkutëkoopyës yë pujxnwintëkäämpë ets mëti'ipë yaj'ye'eyëpën.

Job 20:24

Ko tjakukä'äkëty tu'uk yë juunpujxn, yë tsuxkpujxn nëjkx nyaspaatëty.

Deuteronomio 3:22

Ni pën xykyatsë'ëkëty. Jä'ä ko yë mWintsën mkuwa'ananëp ets mnitsiptunanëp.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;

Amós 5:19

Jëtu'un nëjkx jää jyäty kyëpety tä ja'ay tkuke'ekyën yë kaa ets twinkuja'të yë osë, ëkë ko pën tyëkë tyëkoty ets jam kyëxajy ma tu'uk yë tsa'anyën ets tsyu'utsyë.

Salmos 76:6

Niwi'ixtsow tkajëkyepy yu'kxtëty yë kepy wintëkäämpë ets kwaay ko mijts Dios, mëti'ipë Jacob Tyiosajtën, xykyajpx'ëtsë'ëkë.

Salmos 68:12

Tam kyä'äktë ja yajkutujkpëtëjk mëët ja tsyiptuunpëtëjkëty. Jam tëjkwintum, yë to'oxytyëjkëty yë'ë jam pyëjkwa'kxtëp mëti'ipë ja mëtsiptëjk të yajtukniwojptu'utën,

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Job 27:22

yajxon nëjkx mëk tyukja'tyë ets ka'ap pën pya'ëyowëtëty, oy jënu'un jyakä'äkëty.

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Jueces 4:15

Ko jam jyajtë ma mëët tsyiptuna'antën ja Sísara ja tsyiptuunpëtëjk, Wintsën ojts kë'ëm t'ëtsë'këtyä'äy ja tsiptuunpëtëjk mëët ja pujxnwintëkäämpë mëti'ipë myëtsiptuuntëpën ets ja jëtu'unyëpë mëti'ipë ënety ja Sísara jyä'äy'äjtypyën; ko ja Sísara jëtu'un t'ijxy, ënät ojts timtyukjënäky ja pyujxnwintëkäämpë ets ojts teky'am kye'eky.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Deuteronomio 32:31

Yë mëtsip wa'ats tnijawëtë, ko yë kyuwaanpëty, ka'ap jyëtu'unëty tä nkuwaanpë'ajtëmën.

Nehemías 6:16

Ja mëtsip ojts tnijawëtë ets ja naax kajpnëty mëti'ipë mëët ja näpyaatë y'ityën ma naax tsëpa'anën ojts tsyë'ëkëtë, ja myëj'ajt kyëjxm'ajtënëty jëtu'unyë ojts nyaaxkumo'onëtyä'äy tä aay kepy nyaaxkupu'utën, jä'ä ko nyija'awëtyë ko ya'atë tuunk yë'ë ënety mëët ja Wintsën ja pyutëjkën të wyintu'upëky.

Éxodo 15:3

Yë Wintsën yë'ë tu'uk mëjtsiptuunpë. Wintsën, xyëëwajtyp.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Josue 10:14

Tyampaat ka'ap maa yajmëtoy'äty yë xëëw y'ëkwë'ëmnë, tä ojts wyi'imyën tëëyëp ma ja Dios tmëtoow'ijtyën tu'uk ja ja'ay mëti'ipë mëkajpxën, jä'äkyëjxm ko ja Wintsën tputëjkëy ja Israel kajpn.

2 Crónicas 20:29

Ko yajnija'awëy ko ja Wintsën tëë tyaj'o'kta'ay ja mëtsip mëti'ipë ja Israel ja'ayëty tsyip'ijxtëpën, ënät ja wiinkëtypë ja naax kajpn tyuktëjkëtyë ma Wintsënën.

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.

Nehemías 9:11

Mäjtskpëky ojts xyajwa'kxtë ja mëjnëë ets nyajxtë wa'ats pëk; e ja myëtsiptëjkëty wa'ats xyajkiintaay jëtu'un tä mëjtsaa kyinyën këknëëjoty.

Salmos 35:1

Wintsën, jëjpkuwa'akë näjyëtu'un, mëti'ipës xyjyëjpkuwa'këpën; ëtuk mëti'ipës xy'ëtujkpën.

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënety myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.