Éxodo 14:24 - Biblia Dc en Mixe de Quetzaltepec

²⁴ E kujk ënety ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Dios jap ënety yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Biblia Mixe de Quetzaltepec

²⁴ E kujk ënäty ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Tios jap ënäty yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Éxodo 14:24 ပူးပေါင်းရင်းမြစ်များ

Job 22:13

Mijts jëtu'un të m'ëna'any, ko yë Dios ka'ap tii t'ixy, yë'ë yëkyoots ëtujkëp. Jëtu'un të m'ëna'any ko yë Dios ka'ap tii t'ixy jä'ä ko jämyë nyäxy tyëkë tsajpjotm.

Job 34:20

Yë ja'ayëty poj'am y'ooktë ko kyootsë; ëtëtstëp ënantëp yë ja'ay ets y'atëkoytyë; yë yajkutujkpë atëkoopy ets ka'ap yë'ëjëty naaxwiinyëtë ja'ay yaj'atëkoyë.

Job 34:29

E ko Dios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Job 40:12

Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

Salmos 104:32

Ko t'ixy yë naaxwiinyëtë, ënätyë yu'kxpëky; jëënjok ënätyë tim napëtsëëmp tunkëjxm kopkëjxm ko tmëyu'kxë.

Salmos 48:5

e ko t'ijxtë ja naax kajpn, tääts ojts tsyë'ëkëtë ets tsyëtyuuypyëjktë, jëtu'un kyäktaaytyë.

Salmos 78:14

Ko xyiiny'äjty yoots ojts mëët tyu'uwinwowëtë, e ko kyoots'ajty jëënmëët tyu'uwinwoowëtë.

Salmos 90:4

Janty tëyajtën jëtu'un, ko ja kanaak jëmëjtpë jëtu'un xyjyawë tä jeexyë tyu'kxëëwëtyën, yë ëxë'ëypyë nyäxyën jëtu'un tä jeexyë tyu'ktsojkyëtyën ko kyoots'aty.

Éxodo 13:21

Ko xyiinyäjty, yoots ojts mëët yë Dios tyu'uwinwowëtë, e ko kyootsajty tu'uk yë jëën kyutë'kxëtë. Paaty tjëkyejpy ets nyë'ëye'ey tyu'uye'eytyëty xëëny koots.

Éxodo 14:25

Ënet mya'taay ja kepy wintëkäämpë nyiye'eypyäjn ets oywyi'ix ojts jyaak nëjkxtë, paaty ojts y'ëna'antë ja Egiptë ja'ayëty: Nikë tsojk ntimkyukäkëmë yë Israel ja'ayëty, jä'ä ko jëtu'un kyëxë'knë yë Tyiosëty yë'ë yowë kuwanëtëp ets yë'ë nitsiptuunëtëp ma ëëtsajtëmën.

Amós 9:4

ko ënety të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

1 Samuel 11:11

Komjëpom tëkëëkpëky ojts yë Saúl tyajwä'kxy yë tsiptuunpëtëjk, e kajts ënety xyiinyënëm ko jam tyëjkëtyë ma ja myëtsipëty jam jyajta'aktën. Wa'ats tyaj'o'ktaaytyë ja Amón ja'ayëty ets jëtu'un tyimkujkxyëëwëy. E mëti'ipë ojts jyaakwë'ëmtën juuky ojts nyäpyuwa'ktuta'ajëtë ets nitu'uk ojts kyawë'ëmtë.