Éxodo 14:21 - Biblia Dc en Mixe de Quetzaltepec

²¹ Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Biblia Mixe de Quetzaltepec

²¹ Ënät ja Moisés ja tyajk jam tnajtstijëy nëëjotm, tä ja Tios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Tios ja naax tyajnitëtstu'uty jam nëëjotm,

Éxodo 14:21 ပူးပေါင်းရင်းမြစ်များ

Isaías 63:12

mëti'ipë ja Moisés tyukpanëjkxën oy tyimmaajëty ja kyënu'kxyajtën, mëti'ipë yajwa'kxën mäjtskpëky ja mëjnëë ets ja nyaax kyajpn të'ëts wa'ats tyajnajxy ets y'awinpijty mëj'äämpy oy tyimmaajëty,

Éxodo 15:8

Ojts tu'uk ja mëkpoj xyajminy ets ja nëë ojts ëpëkyjyäty nyäpyëjktä'äkyë. Yë nëë'o'pyk jëtu'un jya'ajtaay tä tu'uk yë potsyën. Ja nëë ja jampë ënety nëë'itkujky ye'eytyën, jëtu'unyë myëkëtyääytyë.

Salmos 66:6

ojts yë mëjnëë tyajnäywyä'kxyë ets ojts tyajwë'ëmy të'ëtsnaax, ye'epy ojts ja n'ap'ajtëm tuknaxtë ja nëë; paaty tyam tsojk Dios ntukxoontakëmë.

Isaías 51:10

Ko ojts jëtu'un xyajjaty tä ja mëj jëyujkën mëti'ipë jap nëëjotyën ets ojts xyajnëëkutëëtsë ma ënety jap këknëëjoty y'ityën. Tu'ujën jap xyaj'awinpijty ets nyaxtëty të'ëts wa'ats ja mëti'ipë të y'ëwaatsë pëtsëmtën.

Salmos 78:13

Ojts tyajnäywyä'kxyë mäjtskpëky yë mejy, ets yajmejynyajxëtë, myajts'ijt ja mëjmejy ijxtëm jeexyë y'apojtsë'ëkyëtyën.

Salmos 74:13

Mijts ojts xyajnäwyä'kxyë yë mëjmejy mëët yë mmëjajtën, ojts xyajkë'tstëëwë yë kyëpajk yë mëjëtypë jëyujk nëëjotypë y'itën,

Nehemías 9:11

Mäjtskpëky ojts xyajwa'kxtë ja mëjnëë ets nyajxtë wa'ats pëk; e ja myëtsiptëjkëty wa'ats xyajkiintaay jëtu'un tä mëjtsaa kyinyën këknëëjoty.

Josue 4:23

Wi'ix ojts nyäwyä'kxyën mäjtskpëky ets ojts të'ëts wa'ats mnaxtë, jëtu'un ijxtëm ojts jam Tsapts mëjmejy jyäty kyëpetyën, ko ojts ja mejy yajtuknaxy.

Salmos 136:13

Mëti'ipë ojts ja Tsaptsmejy tyajwä'kxën mäjtskpëky, jä'ä ko yë tsyojkën jya'awën winë xëëw winë jëmëjt yë y'ijtëy.

Éxodo 14:16

E mijts kajpë'ëkmës yë mtajk ets xynyajtstijëty jam yë mkë'ë ma mëjmejyën ets nyäwya'kxëtëty mäjtskpëky. Jëtu'unts yë Israel ja'ayëty tuknaxtëty yë mejy të'ëts wa'ats.

Isaías 51:15

Ëjts Wintsënajtp, mëti'ipë mTios'ajtypyën jä'äs nxëëwajtyp Wintsën mëti'ipë maaytyääyëpën winë; ëjts ojts nka'ap yu'kxy yë nëëmejy ets ojts y'ëëtstë kyomtë,

Job 26:12

Mëët yë jyot myëjaaw të tmëmëtä'äky yë mëjmejy; mëët yë pye'tym'ajtën të tyajkutëkoy yë Rahab, mëti'ipë jëtu'unën tä mëj jëyujkën.

Hechos 7:36

Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Génesis 8:1

Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Éxodo 7:19

Tä yë Dios näjyëtu'un t'ënëmaay yë Moisés: Ënëëmë yë Aarón wä'än tnajtstijë yë tyajk jam ma mëjnëëjën, ma nëëwokën, ma nëë'akëyën ets ma Egiptë ja'ayëty yë nyëëjëty tyajnipätën ets oy tyimmaajëty ma jaty yë nëë tyaj'itën, tëkokyë ne'pnyën y'awinpijta'aja'any. Aak ne'pnyën jyajta'aja'any yë nëë, oy yë'ëjëty mëti'ipë japën ma tsiiyën ëkë ma nëëtu'tsën.

Éxodo 14:20

Ja yoots itkujky ojts nyäpyëjktä'äkyë ma ja Israel ja'ayëtyën mëët ja Egiptë ja'ayëty. Ja Egiptë ja'ayëty je'eyë ënety ja yoots t'ixtë janty yëkëm, e jam ma ja Israel ja'ayëtyën të'kxp jajp jam kyëxë'ëky. Paatykyëjxm ja Egiptë ja'ayëty ka'ap tjëkyäjptë tnajtspaatëtëty ja Israel ja'ayëty, jëtu'un nyäjxy ja tsu'um.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Dios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënety jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Josue 3:17

Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

2 Reyes 2:8

Ënet ja Elías nyätyuknijääntutë ja nyijän ets t'axa'tsy, tääts yë'ë mëët ojts ja mëjnëë twojpyu'kxy, ënätyë ja nëëjot nyäwya'kxë mäjtskpëky ets jëtu'un tuknajxtë të'ëts wa'ats, tä jeexyë nëëwintë'ëtstuuy ye'eytyën.

Isaías 23:11

Yë Wintsën tëë yë myëk'ajtën tyaj'ixyë ma mejyjyotën. Tëë ja mëj naax mëj kajpn t'atsë'ëk t'ajawë, ja naax kajpn mëti'ipë ënety ta'tspëky yajpatëpën jam Canaán, wa'ats të tyajkutëkooytyä'äy.

Isaías 43:16

Ojts ja Wintsën tyaj'oyë tu'uk yë tu'u nëëjoty, tu'uk ja najxtakn ma ja nëëkapën;

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Isaías 63:13

Mëti'ipë nëë'itkujky yajnajxën ja nyaax kyajpn ets ka'ap nimaa tyä'äntsi'të, ijxtëm kwaay nyäxyën jam të'ëts'itjotm

Habacuc 3:8

¿Wi'ix Wintsën, tëë yë mëjnëë xytyukjoot'anpëkyë? ¿Ti tëë yë mejy myaj'ëwa'antä'äkyë? ¿paaty yë mkwaay të xytyukwa'tspety ets të mpety jam ma mkepy wyintëkäämpën tëëpë myëtä'äkyën tsipjotmë?

Job 38:24

¿Mëti'ipë tu'u nyëjkxtëp yë të'kxën jajën ko yajkäjxwa'kxtë? ¿Wi'ix yë poj ye'eywyä'kxy mëti'ipë tso'onpën ma xëëw pyëtsimyën?

Salmos 148:8

Xëëw'an, tëtsn tuu, tip ets yoots. Tuupoj mëti'ipë pyatuumpyën ijxtëm të yatuk'ëne'emyën.

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.