Éxodo 14:16 - Biblia Dc en Mixe de Quetzaltepec

¹⁶ E mijts kajpë'ëkmës yë mtajk ets xynyajtstijëty jam yë mkë'ë ma mëjmejyën ets nyäwya'kxëtëty mäjtskpëky. Jëtu'unts yë Israel ja'ayëty tuknaxtëty yë mejy të'ëts wa'ats.

Biblia Mixe de Quetzaltepec

¹⁶ E mijts kajpë'ëkmës yë mtajk ets xynyajtstijëty jam yë mkë'ë ma mëjmejyën ets nyäwya'kxëtëty mäjtskpëky. Jëtu'unts yë Israel ja'ayëty tuknaxtëty yë mejy të'ëts wa'ats.

Éxodo 14:16 ပူးပေါင်းရင်းမြစ်များ

2 Reyes 4:29

Tä ja Elisejë t'ënëmaay ja Guehazí: Nänyipëjktaakët, pakap yë ntajkës ets mnëjkxëty jam xim. Ko pën xypyaatëty këtii xykyajpxpo'kxëty; ëkë ko pën mkajpxpo'kxëp këtii xy'ëtsowëty. Tääts jam yë ntajkës xykyëxkapëty ma ja pi'k ëna'k ja wyiin jyëjpën.

Éxodo 14:15

Ënet yë Dios t'ënëmaay yë Moisés: ¿Wi'ixës ko xy'amëtoy yë putëjkën pupäjtën? Ënëëmë yë Israel ja'ayëty wä'än tu'uye'eytyë.

Éxodo 14:26

E yë Dios tyaa t'ënëmaay yë Moisés: Nastijë yë mkë'ë mëët yë mtajk jam nëëjotm ets Egiptë ja'ayëty nyëënikoompäjta'atëty mëët tu'kë'ëyë yë kyepy wintëkäämpë ets kyëwaayëty.

Éxodo 17:5

Tä ja Dios y'ëtsoowë: Jëyëjp mnaxëty ma naax kajpnën ets mëët mnëjkxëty yë mëjja'aytyëjk, mëti'ipë jam yajpatëpën ma Israel ja'ayëtyën. Mkapëp ja mtajk mëti'ipë ojts xytyukwojpyu'kxyën ja mëjnëë ets mnëjkxtëty.

Éxodo 17:6

Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp. Ko jëtu'un ja Moisés tuuny, tam ënety t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn.

Éxodo 4:17

Mkapëp ya'atë mtajk, jä'ä ko yë'ë jëtu'un mëët winë mëj këjää xytyuna'any.

Éxodo 4:2

Tääts ja Dios yajtëëwë: ¿Ti tampë xymyëëtëtyën mkë'ëjotm? Tajk yë'ë, jëtu'un y'ëtsooy yë Moisés.

Éxodo 4:20

Ënet ja Moisés ja y'u'unk y'ëna'k ojts tyajpäjta'ay jëyujkkëjxm, näjyëtu'un ja tyo'oxytyëjk ets tsyo'ontë, nyëjkxnëtë jap Egiptë. Ojts tpakäpy ja tyajk mëti'ipë ënety ja Dios të tyuk'ëne'emyën tpakapëty.

Éxodo 7:19

Tä yë Dios näjyëtu'un t'ënëmaay yë Moisés: Ënëëmë yë Aarón wä'än tnajtstijë yë tyajk jam ma mëjnëëjën, ma nëëwokën, ma nëë'akëyën ets ma Egiptë ja'ayëty yë nyëëjëty tyajnipätën ets oy tyimmaajëty ma jaty yë nëë tyaj'itën, tëkokyë ne'pnyën y'awinpijta'aja'any. Aak ne'pnyën jyajta'aja'any yë nëë, oy yë'ëjëty mëti'ipë japën ma tsiiyën ëkë ma nëëtu'tsën.

Éxodo 7:9

Ko yë mëj'ënä'ämpë m'amëtowëtëty ets xyaj'ixëtëty tu'uk yë mëj'ajtën, yë Aarón yë'ë m'ënëëmëp ets tkajpë'ëkëty yë tyajk ets tnajtsjëpipëty ma yajkutujkpë wyintuuyën ets ja tajk tsa'any y'awinpitëty.

Isaías 10:26

Yë Wintsën mëti'ipë maaytyääyëpën winë, yë'ë tëytyunanëtëp ijxtëm jam jyäjty kyëpejtyën Madián, ma ja tsaajën mëti'ipë yajtijpën Horeb ets nëjkx tyaj'ixyë ja myëj'ajtën tä tyaj'ijxën jap Egiptë.

Habacuc 3:8

¿Wi'ix Wintsën, tëë yë mëjnëë xytyukjoot'anpëkyë? ¿Ti tëë yë mejy myaj'ëwa'antä'äkyë? ¿paaty yë mkwaay të xytyukwa'tspety ets të mpety jam ma mkepy wyintëkäämpën tëëpë myëtä'äkyën tsipjotmë?

Josue 8:18

Ënet yë Wintsën t'ënëmaay yë Josué: Ënëëmë yë ja'ayëty wä'än nitëkëtë yë kajpn Aí. Jä'ä koos tëëjës nkë'ëyäky. Ënet ja Josué ojts tjanty nyi'ënä'ämë ets ja kajpn tnitëkëtëty.