Éxodo 13:13 - Biblia Dc en Mixe de Quetzaltepec

¹³ E yë krukts ko më''ëka'any y'u'unk tyajmëxu'unk'atëty, yë'ë mtukutëkats'atëp tu'uk yë tsajppax ëkë tu'uk yë kupixyny, yë'ë wintsë'kën'atëp mëët ko ënety më''ëka'any tu'uk ja y'u'unk të tyajmëxu'unk'aty. Ko xykyayaka'antëty ja kupixyny, tääts nëjkx ja krukts u'unk xytyimyaj'ooktë, yo'kwiity nëjkx xyaj'ooktë. Näyjyëtu'un ënät ko tu'uk më''ëka'any myëxu'unk'atëty ja m'u'unkëty m'ëna'këty, nëjkxëp tu'uk ja wintsë'kën xyaktë, mëti'ipë mtukutëkats'atëpën.

Biblia Mixe de Quetzaltepec

¹³ E yë krukts ko më''ëka'any y'u'unk tyajmëxu'unk'atëty, yë'ë mtukutëkats'atëp tu'uk yë tsajppax ëkë tu'uk yë kupixyny, yë'ë wintsë'kën'atëp mëët ko ënäty më''ëka'any tu'uk ja y'u'unk të tyajmëxu'unk'aty. Ko xykyayaka'antëty ja kupixyny, tääts nëjkx ja krukts u'unk xytyimyaj'ooktë, yo'kwiity nëjkx xyaj'ooktë. Näyjyëtu'un ënät ko tu'uk më''ëka'any myëxu'unk'atëty ja m'u'unkëty m'ëna'këty, nëjkxëp tu'uk ja wintsë'kën xyaktë, mëti'ipë mtukutëkats'atëpën.

Éxodo 13:13 ပူးပေါင်းရင်းမြစ်များ

Éxodo 34:20

Yë'ë mtukunaxëp yë krukts kä'äxkopkpë tu'uk yë kupixyny; e pën kajts ënety xyaka'antë tu'uk ja kupixyny, ja krukts nëjkxëp xyo'ktëjtë. Näyjyëtu'un ko ja m'u'unkëty maayëty më''ëka'any myintëty naaxwiiny, nëjkxëp ja nyi'ayajk nyi'ako'onën xyajkëtë ets ma ëjtsën këtii pën xynyiminëtyës pën ka'ap tii tmëminy.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.

Éxodo 12:21

Ënet ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw.

Éxodo 12:3

Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Éxodo 13:2

Ëpëky pëjkta'ak nitëkokyë yë m'u'unk m'ëna'këty mëti'ipë kä'äxkopkëtyën. Jä'ä ko yë Israel ja'ayëty yë kyä'äxkopkëty ëjts yë njä'äniwäämpy, näjyëtu'un yë jyëyujk kä'äxkopkëty.