Éxodo 12:31 - Biblia Dc en Mixe de Quetzaltepec

³¹ Ënet ja mëj'ënä'ämpë ojts jä'ä tsu'um tmëkäjpxy ja Moisés ets ja Aarón ets t'ënëmaay: Nëjkxtë, winwa'ktutëkës yaa, nitu'kë'ëyë miitsëty Israel ja'ayëty. Nëjkx ëwtatë yë mWintsënëty, ijxtëm të m'ëna'antën.

Biblia Mixe de Quetzaltepec

³¹ Ënät ja mëj'ënä'ämpë ojts jä'ä tsu'um tmëkäjpxy ja Moisés ets ja Aarón ets t'ënëmaay: Nëjkxtë, winwa'ktutëkës yaa, nitu'kë'ëyë miitsëty Israel ja'ayëty. Nëjkx ëwtatë yë mWintsënëty, ijxtëm të m'ëna'antën.

Éxodo 12:31 ပူးပေါင်းရင်းမြစ်များ

Éxodo 6:1

Ënet ja Dios y'ëtsoowë: Tyam xy'ixtëty wi'ixës yam yë mëj'ënä'ämpë ntuna'anyën, yë'ë atsip nëjkx m'ëxmajtsënëtë ma nyaax kyajpnën, yë'ëpaat nëjkx kë'ëm y'ënanë: Nëjkxtë.

Salmos 105:38

Yë Egiptë ja'ayëty janty'oy ojts nyäjya'awëtë ko t'ijxtë tsyo'onëtë ja Israel ja'ayëty, jä'ä ko tëë ënety y'ënu'kxënyëtë mëët ja tsë'ëkë.

Éxodo 10:9

Tä ja Moisés y'ëtsooy: Nëjkxta'ajantëp ëëtsëty ni'ëmukë, mëjja'aytyëjkëty, pi'k'ëna'ktëjkëty, njëyujk ntsajpkaajëtyës, ntsajppaxëty nkupixynyëtyës, jä'ä ko ëëtsëty mëj xëëw tu'uk nyaj'apaatëjantëpës maas nmëjjawëja'antën ja nWintsënëtyës ja xyëëw.

Éxodo 8:8

Ënet ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Éxodo 11:8

E ya'atë wintsëntëjkëty nëjkxëp jää xynyimintës ets koxtänë nëjkx kya'atë ets xy'ënëëmëtëtyës: Tun yë mëyajtën, nëjkxtë ets woownëjkxta'atë tëkokyë yë mja'ay. E ëjts ka'apës jää ntsojktsoona'any pën ka'ap ënety jëtu'un tyunyë jyätyë. Yë Moisés yajxon ënety të jyoot'anpëky, ko ojts jap tsyo'onë ma ja mëj'ënä'ämpën.

Éxodo 10:29

Tääts ja Moisés y'ëtsooy: Oy ko jëtu'un m'ëna'any, ka'apës yaa n'ëkwinpijnëty.

Éxodo 8:25

Ënet ja mëj'ënä'ämpën tnikäjxëy ja Moisés ets ja Aarón ets t'ënëmaay: Oy nëjkx xy'ëwtatë yë mTiosëty, je'eyëp ko nawinkon mnëjkxkojtëty, këtii nëkooyë mtimjyëkämkä'äktëty ets ënät mtimtsyoontëty tu'ukyë yaa Egiptë.

Éxodo 11:1

Tä ja Dios t'ënëmaay ja Moisés: Njaakyajminäämpyës tu'uk yë ëyo'on ma mëj'ënä'ämpën ets ma tëkokyë yë Egiptë ja'ayëtyën. Ko ja jëtu'unpë tyunëtëty jyatëtëty ka'ap nëjkx yë mëj'ënä'ämpë je'eyë m'ënë'ëmxëty nëjkxtë, nëjkxëp kë'ëm mtimnyiminëtë ets nëjkx mënu'kxtä'äky myajtsoonëtë.

Éxodo 12:39

Ka'ap ojts ja ka'ayën ukën oy t'ëknipëjktakënyëtë, jä'ä ko ja Egiptë ja'ayëty mëktä'äky jyänty y'ënëmaayënëtë ets tsyoontëty, paaty ko ënety jam tu'u'am yajpatnëtë, yë'ë ojts tyajmë'ëkykyojtë ja tsajpmookjëtsy mëti'ipë ënety ka'ap tsyooymyëëtëtyën ets tkaaytyë.

1 Samuel 6:6

¿Wi'ix ko ënät miitsëty janty juun yë mjot mwinma'any xypyëjkta'aktëty jëtu'un tä y'ëtë'ëtstën yë Egiptë ja'ayëty ets yajkutujkpë, koonëm ojts ëxëëk ja Dios tyunëtë täänëm t'ëxmajtstë ja Israel ja'ayëty?