Éxodo 12:29 - Biblia Dc en Mixe de Quetzaltepec

²⁹ Kujktsyu'um ënety, ko ja Dios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënety kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënety jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Biblia Mixe de Quetzaltepec

²⁹ Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Éxodo 12:29 ပူးပေါင်းရင်းမြစ်များ

Salmos 78:51

Ojts yë'ëpaat tyaj'ooky jap Egiptë kajpnjoty ja yajkutujkpë ja kyä'äxkopk ets jënu'un ja Egiptë ja'ayëty ja y'u'unk y'ëna'k tmëët'atën mëti'ipë kä'äxkopkën.

Éxodo 4:23

Tëë n'ënëëmë etsës yë n'u'unk nmaay xy'ëxmajtsëty, wä'änës min xy'ëwtatë, e jä'ä ko ka'ap niwi'ixtsow xy'ëxmatsa'any, tyam nyaj'ookëpës ënät yë mkä'äxkopk.

Salmos 135:8

Yë'ë ojts tyaj'o'kta'ay ja kä'äxkopktëjk ma ja Egiptë ja'ay ja y'u'unk y'ëna'këtyën, ets näjyëtu'un ojts tyaj'o'ktaay ja jëyujk tsajpkaa ja kyä'äxkopk mëti'ipë ënety yë'ë jyä'ä'ajtëpën.

Salmos 105:36

Yaj'o'ktaay jap Egiptë tëkokyë kä'äxkopktëjk ma ja Egiptë ja'ayëtyën.

Salmos 136:10

Mëti'ipë ojts tyaj'o'kta'ayën ja kä'äxkopktëjk ma ja y'u'unk y'ëna'kën ja Egiptë ja'ayëty, jä'ä ko yë tsyojkën jya'awën winë xëëw winë jëmëjt yë y'ijtëy.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Hebreos 11:28

Mëët ko myëpëjky ja Moisés tyuun ja ëmaayxyëëw ko t'ënëmaay ja Israel ja'ayëty ets ja ne'pyny nëjkx tuknikoytyë ja tyëjk aaw ets ja yajja'ay'o'kpë mëti'ipë Dios kyäjxën ka'ap tyaj'ooktëty ja kä'äxkopk mëti'ipë Israel ja'ayëtyën.

Éxodo 13:15

Ko yë yajkutujkpë ka'ap kyäjpxyjyä'äykyujkëy ets ka'ap xy'ëxmatsantës, yë Dios yë'ë ojts tyaj'o'kta'ay yë kä'äxkopktëjk ma Egiptë ja'ayëtyën ets näjyëtu'un ja jyëyujkëty ja y'u'unkëty mëti'ipë më''ëka'any mëxu'unk'ajtën. E paaty jëtu'un ëëts ja Dios ntukwintsë'ëkëtë tu'kë'ëyë yë jëyujk, mëti'ipë ëka'any miintëpën naaxwiiny ets mëti'ipë yä'äyëtyën, jëtu'un ja Dios nmo'otës mëti'ipë ja n'u'unkëtyës kyutëkats'ajtypyën, mëti'ipë më''ëka'any mëxu'unk'ajtëpën, ja ye'etyëjkpë.

Hebreos 12:23

Näy tëë xymyëwinkontë nimay ja Dios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Dios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Dios ojts pyëjkta'akëtë oy wa'ats,

Zacarías 9:11

Jëtu'un yë Wintsën y'ënä'äny: Jerusalén, mëët ja käjpxytyu'unën mëti'ipë ja ne'pny myë'ijtypyën, njuutäämpyës jap nëëjutjoty yë ja'ayëty mëti'ipë jap tsumy matsy ijtëpën.

Jeremias 38:13

Ënet ja Jeremías two'onpëtsëëmtë mëët ja tejpxy. Yë Jeremías jam ojts je'eyë këwent'aty jyaak ijty ma këwent'ajtpë y'itën.

Jeremias 38:6

Ënet tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënety jap tii nëë, yi'iyë nëë mo'onts, paaty yë Jeremías myo'onts jë'ënë.

Isaías 51:14

Mëti'ipë o'ktëy të yajtunyën pyätyp ja xëëw ma y'ëwaatsëpëtsëma'anyën; ka'ap jap pujxn tëkoty y'ooka'any ets ka'ap ja kyä'äyën y'ukën tyaj'ëmaaytya'aka'any.

Isaías 24:22

wa'ats tpëjkmujkta'aja'any ets jutjoty t'apëkëja'any. Jap tsum matsy tyaj'ita'any, ok tmo'oja'any tëytyu'unën.

Job 34:20

Yë ja'ayëty poj'am y'ooktë ko kyootsë; ëtëtstëp ënantëp yë ja'ay ets y'atëkoytyë; yë yajkutujkpë atëkoopy ets ka'ap yë'ëjëty naaxwiinyëtë ja'ay yaj'atëkoyë.

Éxodo 9:6

Ko kyomjëpom'ajty jëtu'un ja Dios tjantyuuny. Tëkokyë yë jëyujk tsajpkaa japëpë Egiptë ënety yajpaatën, ojts y'o'kta'atë, e ja jyëyujk tsyajpkaajëty ja Israel ja'ayëty ka'ap ojts niwi'ix jya'ajtëpë, nitu'uk kya'o'ktë.

Éxodo 12:28

E ënät ojts nyëjkxta'atë ets tuuntë tä ënety ja Wintsën të tuk'ëne'emyën ja Moisés ets ja Aarón.

Salmos 78:50

Ojts tnajtsmatsë ja y'ëwa'an'ajtën. Ka'ap ojts tnimä'kxë ja jyuuky'ajtënëty; jam tkë'ëyäjky ma ja o'ktaknën;

Habacuc 3:5

Yë'ë winye'eyëp mëkëtypë ëyo'on jotmay ets yë'ë ix'am panëjkxëp mëk jëënpa'am.

Génesis 15:14

E ëjts ntëytyunäämpyës näjyëtu'un mëti'ipë ënety ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Éxodo 11:1

Tä ja Dios t'ënëmaay ja Moisés: Njaakyajminäämpyës tu'uk yë ëyo'on ma mëj'ënä'ämpën ets ma tëkokyë yë Egiptë ja'ayëtyën. Ko ja jëtu'unpë tyunëtëty jyatëtëty ka'ap nëjkx yë mëj'ënä'ämpë je'eyë m'ënë'ëmxëty nëjkxtë, nëjkxëp kë'ëm mtimnyiminëtë ets nëjkx mënu'kxtä'äky myajtsoonëtë.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.