Éxodo 12:25 - Biblia Dc en Mixe de Quetzaltepec

²⁵ Ko ënety miitsëty jam të mja'ajnëtë ma ja naaxwiinyëtën mëti'ipë ja Dios mo'ojanëtëpën, jëtu'un tä yë'ë twinwa'anëyën, ya'atë xëëw je'eyëm jam xytyuun'ëtë'ëtstëty.

Biblia Mixe de Quetzaltepec

²⁵ Ko ënäty miitsëty jam të mja'ajnëtë ma ja naaxwiinyëtën mëti'ipë ja Tios mo'ojanëtëpën, jëtu'un tä yë'ë twinwa'anëyën, ya'atë xëëw je'eyëm jam xytyuun'ëtë'ëtstëty.

Éxodo 12:25 ပူးပေါင်းရင်းမြစ်များ

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Éxodo 12:24

Ya'atë ënä'ämën kwanë ko xypyatuntëty miitsëty ets näjyëtu'un ja m'u'unkëty m'ëna'këty, jä'ä y'itëty tä tu'uk yë ënä'ämënën winë xëëw.

Éxodo 12:26

E ko ënety ja m'u'unk m'ëna'këty jëna'a myajtëwëtë: ¿Tiitën mnixëëwtuuntëp?

Éxodo 13:5

Ya'atë po'o nëjkx mxëëwtuntë, ko jam myajpatnëtëty, ma ënety ja Dios të mwoownëjkxëtën, ma ja jë'kxy pëky ka'ap y'ëmaaytyä'äkyën. Jam ma tsyëënëtën yë Canaán ja'ayëty, Hit ja'ayëty, Amor ja'ayëty, Heve ja'ayëty ets Jebús ja'ayëty, mëti'ipë ojts tukwinwanën ja aptëjk, ko miitsëty mo'oja'anëtë.

Éxodo 13:10

Paaty miitsëty winjëmëjt ya'atë xëëw xytyuntëty ma ënety tpaatyën.