Éxodo 10:25 - Biblia Dc en Mixe de Quetzaltepec

²⁵ Tä ja Moisés y'ëtsooy: Ni'ikyë mëpaat xymyo'otë ja mjëyujk mtsajpkaa, mëti'ipës ja Dios ntukwintsë'ëkëtëpën, mëti'ipës nwintsën'ajtëpën.

Biblia Mixe de Quetzaltepec

²⁵ Tä ja Moisés y'ëtsooy: Ni'ikyë mëpaat xymyo'otë ja mjëyujk mtsajpkaa, mëti'ipës ja Tios ntukwintsë'ëkëtëpën, mëti'ipës nwintsën'ajtëpën.

Éxodo 10:25 ပူးပေါင်းရင်းမြစ်များ

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Dios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Éxodo 10:24

Tä ja yajkutujkpë ojts tmëkäjpxy ja Moisés ets t'ënëmaay: Nëjkx ëwtatë yë mWintsënëty, mënëjkxtë näjyëtu'un yë m'u'unk m'ëna'këty; e yë'ë tëy yë mjëyujk mtsajpkaajëty, mtsajppax mkupixynyëty yaa xyajwë'ëmtëty.

Éxodo 10:26

E yë njëyujk ntsajpkaajëtyës, nyajnëjkxta'ajantëpës yë'ëjëty. Nitu'uk mëpaat yaa kyawë'ëmy ëjts yë njëyujk ntsajpkaajëty, jä'ä ko nwin'ixantëp ëëtsëty mëti'ipë mëpaat yë Wintsën yajtukwintsë'ëkën. Tyam maas ka'ap jam nja'tënëm ka'apës nijawëtë tiijaty mëyataanp.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënety ntsokyën etsës ja nxëëw mëj jaanty y'itëty.