Éxodo 10:21 - Biblia Dc en Mixe de Quetzaltepec

²¹ Ënet ja Dios ojts t'ënëëmë ja Moisés: Xajë'ëk yë mkë'ë ets yujkxaj tsajpkëjxm ets kyootsëtya'ajëty ma tëkokyë Egiptë kyajpnën, yajxon jëtu'un kyootsëtyëkoyëty, jëtu'un yaj'ixëty mëpaatëp yowë yajtoonë.

Biblia Mixe de Quetzaltepec

²¹ Ënät ja Tios ojts t'ënëëmë ja Moisés: Xajë'ëk yë mkë'ë ets yujkxaj tsajpkëjxm ets kyootsëtya'ajëty ma tëkokyë Egiptë kyajpnën, yajxon jëtu'un kyootsëtyëkoyëty, jëtu'un yaj'ixëty mëpaatëp yowë yajtoonë.

Éxodo 10:21 ပူးပေါင်းရင်းမြစ်များ

Job 5:14

Ko xyiiny'äty, jëtu'unyë yaj'ixy tyontë xyajtë akootstuuypyën, jëtu'un jyuuky'atë tä jeexyë akootstuuy xëmë yajpaatën.

Salmos 105:28

Ojts yë Dios najtskäxë yë kootsajtën ets naaxwiinyëtë wyintujktaay, e yë Egiptë ja'ayëty ka'ap ojts tmëjpëjkta'aktë ja Dios ja y'aaw y'ayuk.

Salmos 35:6

Wä'än yë nyë'ë tyu'u tkukootsë ets wä'än nokts twë'ëmy, yë Dios kyukäjpxy yë'ë ixjëtit pajëtitëtëp.

Salmos 78:49

Dios ojts jëtu'un yë tsyip y'äkë tnajtsmatsë; yë joot'an, tëytyu'unën ets monyëtukyë, mëti'ipë ojts tnikajpxtën ko ënety ëyo'on y'ita'any.

Éxodo 7:19

Tä yë Dios näjyëtu'un t'ënëmaay yë Moisés: Ënëëmë yë Aarón wä'än tnajtstijë yë tyajk jam ma mëjnëëjën, ma nëëwokën, ma nëë'akëyën ets ma Egiptë ja'ayëty yë nyëëjëty tyajnipätën ets oy tyimmaajëty ma jaty yë nëë tyaj'itën, tëkokyë ne'pnyën y'awinpijta'aja'any. Aak ne'pnyën jyajta'aja'any yë nëë, oy yë'ëjëty mëti'ipë japën ma tsiiyën ëkë ma nëëtu'tsën.

Éxodo 9:22

Ënet ja Dios t'ënëmaay ja Moisés: Yujkxaj yë mkë'ë tsajpjotm ets wä'än tka'ay yë tëtsn tuu ma tëkokyë yë nyaax kyajpnën yë Egiptë ets näjyëtu'un ma ja'ayëtyën ets ma jëyujkëtyën.

Proverbios 4:19

Yë ëxëëkja'aytyëjk yë nyë'ë tyu'ujëty api'its akoots yajpaaty. Ka'ap tnijawëtë maa të kyunäpëtë ko muum kyëtawtë.

Eclesiastés 2:14

Yë ja'ay mëti'ipë wijyën oy winë t'ixy tkoy, e mëti'ipë tsuujën jëtu'un jyëtity akootstuuypyën. Je'eyëp ko tëëjës nijawë ko tu'knax yë ja'ay kyëjxta'aja'antë.

Eclesiastés 6:4

jä'ä ko pi'k ëna'k mëti'ipë ooky miinpën naaxwiinyëtë, mëti'ipë miimp ja'ajtpën akootstuuy ets ka'ap yajnijawë,

Ezequiel 32:7

Ko ënety nyajkutëkoy, nyajkootsëjäämpyës yë tsajp ets nyajpi'itsäämpyës yë mëtsa'a; yë xëëw ntukwinkupëkëjäämpyës yë yoots ets po'o ka'ap nëjkx tyi'kxy jyäjy.

Mateo 27:45

Ojts kyootsë ja naaxwiinyëtë, kujkxyëëw ënety, ets jëtu'un y'ijty jënäkyxyëëwpaat.

Marcos 15:33

Ko kyujkyxyëëw'ajty, tääts ja naaxwiinyëtë kyootsëy, jäänëm xyiinytyäky mëj jënäkyxyëëw.

Lucas 23:44

Jää ënety kujkyxyëëwën ko ja it ojts kyootsëtyëkoy, jeky koots y'ijty, mëj jënäkyxyëëw ojts jatëkok jyajtä'äky.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 28:29

jëtu'unyë mjaakton mjaakmatsëty tä tu'uk yë wiintsën ko muum mnëjkxëty. Oy tii xyjyajjaaktuna'anëty, ka'ap m'ëk oypyëtsë'ëmxënëty. Je'eyë ja'ay nëjkx mëk myajtunyë ets ka'ap tsow mëjuyëtëty, nëjkxëp yë ja'ay o'ktëy mtunyë ets oy ja näypyutëkë xyjyatsokëty ni pën mkaputëkëja'anëtëty.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

2 Pedro 2:17

Yë jëtu'unpë yaj'ijxpëjkpëtëjkëty, jëtu'un yë'ëjëty ijxtëm tu'uk ja nëëjutën mëti'ipë ka'ap tii nëë tmëëtëtyën, ijxtëm ja yoots wyimpapojyën ko ka'ap tyu'uja'any. Paaty ja Dios pyëjkta'aka'anëtë akootstuuy.

2 Pedro 2:4

Dios ka'ap ojts tnime'kxy ja anklëstëjk mëti'ipë ka'ap myëmëtoowën, jap ojts tpëjktä'äky ëyoowtaknjoty, kupi'its kukoots ets kuwëëny kuxotsy jap tuk'ëwxity ja tëytyu'unën.

Judas 1:13

Jëtu'un ëxëëk y'ëtë'ëtstë y'ëna'antë ijxtëm yë mejyën, ijxtëm yë nëë o'pky pyëti'ikyën. Jëtu'un yë'ëjëty ijxtëm tu'uk yë matsa'a tsajpjotm tyu'utëkoyën, ets y'ita'any xëmëkyëjxm akootstuuy.

Judas 1:6

Ets ja anklëstëjk mëti'ipë ka'ap ojts oy tyajtu'uye'eytyën ja tyuunk ets t'ëxmajtstë mëti'ipë ënety ja Dios të tyuk'ënä'ämëtën, akootstuuy ojts pyëjkta'akëtë. Japts y'ëwxitë koonëm ja paye'eyën y'itëty.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.