Éxodo 1:20 - Biblia Dc en Mixe de Quetzaltepec

^20-21 Jëtu'un'äämpy ojts yë Israel ja'ay yë nyaax kyajpn myëjë kyëjääjë ets yajxon nyimayëtë ets myëktaktë. E näjyëtu'un ënät ja to'oxytyëjktëjkëty mëti'ipë ja'axtëpën mëëtkyëjxm ko ojts ja Dios tsë'ëkëtë, ojts ja Dios mëj këjää kyënu'kxëtë jyëkyäpëtë ets nimay ja u'unk ëna'k näjyëtu'un myooyëtë.

Biblia Mixe de Quetzaltepec

^20-21 Jëtu'un'äämpy ojts yë Israel ja'ay yë nyaax kyajpn myëjë kyëjääjë ets yajxon nyimayëtë ets myëktaktë. E näjyëtu'un ënät ja to'oxytyëjktëjkëty mëti'ipë ja'axtëpën mëëtkyëjxm ko ojts ja Tios tsë'ëkëtë, ojts ja Tios mëj këjää kyënu'kxëtë jyëkyäpëtë ets nimay ja u'unk ëna'k näjyëtu'un myooyëtë.

Éxodo 1:20 ပူးပေါင်းရင်းမြစ်များ

Salmos 103:11

mëjwiin këjää tsoky tjawë ja'ay mëti'ipë mëjpëjktakëpën, jëtu'un myëjwiin kyëjääjëty tä tsajpën.

Salmos 111:5

Myoopy yë kyä'äyën y'ukën mëti'ipë wintsë'këyëpën. Yë'ë, xëmë tja'amyetsy wi'ix yë käjpxytyu'unën të tunyën.

Salmos 145:19

Yë'ë kyuuytyuunpy ets yaj'atëëpy yë tsyojkën ma ja'ayën mëti'ipë mëjja'aw jaanty ja'awëyëpën. Ko y'amëtoyë yë putëjk pupäjtën, yë'ë ënätyë tmëtoy ets tyajtso'oky.

Salmos 61:5

Mijts, Dios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.

Salmos 85:9

Janty tëyajtën jëtu'un, ko yë Dios winkon yajpaaty, ets tyajnitso'oka'any mëti'ipë mëjpëjktakëpën, ets myëj'ajt y'oyajtën yaa yajpaata'any ma naax'ajt nkajpn'ajtëmën.

Éxodo 1:12

E mëk jyayajtuunëtë yë'ëjëty je'eyëm ojts nyimayëtë'ëtstë. Paatykyëjxm ojts ja Egiptë ja'ayëty ja tsë'ëkë tyuktëkëtë.

Éxodo 1:19

Tyaa y'ixëty, yë to'oxytyëjktëjkëty, mëti'ipë hebreo ja'ayëtyën ka'ap yë jyëtu'un'atë tä yaa yë Egiptë to'oxytyëjkëtyën, yë'ëjëty mëk ets kumëjaaw yë oyëty. Paaty koos ëëtsëty njamiinëtë ets jeexyë nputëkëtës, yë y'u'unk myääyëty tëë tnayajmiinëtë naaxwiiny.

Éxodo 1:7

Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënety yë Israel ja'ayëty yajpatnëtë oymyaajëty.

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Lucas 1:50

Xëmë tpa'ëyoy mëti'ipë wiinkutsë'këyëpën.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.