Ester 9:27 - Biblia Dc en Mixe de Quetzaltepec

²⁷ yë Jutiiyë ja'ayëty jëtu'un ojts tkäjpxy'atë ko ya'atë xëëw pa'u'unk pa'ëna'k mëpaat yajtuny, ma ja Jutiiyë ja'ayëtyën ets ma ja ja'ayëtyën mëti'ipë tyuktëjkëpën ja Jutiiyë ja'ay ja myëpëjkënëty; winjëmëjt ya'atë xëëw yajtunëty, nitu'kjëmëjt kyaninaxëty. Mäjtsk xëëw ja ja'ay xyëëwtuntëty ma ënety tukka'ayën ets jëtu'un yajkuuytyunëty ja ënä'ämën mëti'ipë të tkäjpxy'atën;

Biblia Mixe de Quetzaltepec

²⁷ yë Jutiiyë ja'ayëty jëtu'un ojts tkäjpxy'atë ko ya'atë xëëw pa'u'unk pa'ëna'k mëpaat yajtuny, ma ja Jutiiyë ja'ayëtyën ets ma ja ja'ayëtyën mëti'ipë tyuktëjkëpën ja Jutiiyë ja'ay ja myëpëjkënëty; winjëmëjt ya'atë xëëw yajtunëty, nitu'kjëmëjt kyaninaxëty. Mäjtsk xëëw ja ja'ay xyëëwtuntëty ma ënäty tukka'ayën ets jëtu'un yajkuuytyunëty ja ënä'ämën mëti'ipë të tkäjpxy'atën;

Ester 9:27 ပူးပေါင်းရင်းမြစ်များ

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Ester 9:20

Yë Mardoqueo wa'ats tkëxjaaytyääy tëkokyë wi'ix tyuunën jyaajtën ya'atë jotmay ets tuknikäjxtaay ja Jutiiyë ja'ayëty, mëti'ipë jam tsënaaytyëpën winkon ets mëti'ipë jëkämën, maajaty tnitänën ja yajkutujkpë Asuero,

Ester 9:21

ma ojts tni'ënä'ämën ets tnixëëwtuntëty, jää ma myajkmajkts anyën ets myajkmokx'anyën ja Adar po'o,

Ester 9:28

ets y'ënantë ko tyaapë mäjtsk xëëwpë, niteety ni'ap y'itëty, myëjpëjkta'aktëp ja ja'ayëty, wä'än tpënëty, wä'än tmaakajpnëty, nijëna'a kyayajja'atyëkoyëty.

Salmos 78:7

ets jëtu'un yë'ëjëty tukjotkujk'atëty ja Dios ets ka'ap tja'atyëkoytyëty mëti'ipë yë'ë të tuny të tkäjpxyën, ets näjyëtu'un tmëmëtowtëty ja y'ënä'ämën tyiyajtën,

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Dios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Isaías 56:3

Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Isaías 56:6

Ja jaaypyaat jaaypyo'kxyëty mëti'ipë näkyë'ëyajkëtëpën maas ëjtsën ets xymyëtuuntëpës ets xytsyojktëpës; ënantëp koos xymyëtuna'antë, ka'ap wyi'ixëty, nëkoo ko tpo'kxtë yë npo'kxënxëëwës ets twinkutsë'ëkëtë ets mëk yajpaatë ma ja nkäjpxytyu'unënës,

Ezequiel 16:61

Ko ënety nmo'oy ja mmëkä'äxtëjk to'oxytyëjkpë tä jeexyë xynyëëxëtyën, oy kyakopkpëkyëty tääpë käjpxytyu'unën mpatunëtyës, mijts je'eyëm nëjkx xyjyä'äymyetsy ja m'ëxëëktu'un m'ëxëëk kajpxën ets je'eyëm nëjkx mtsëtyuny.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Dios yajpaaty ma miitsëtyën.

Deuteronomio 5:3

Ka'ap yi'iyëty mëët ja käjpxytyu'unën tuuny ja n'ap'ajt n'ok'ajtëmë, näjyëtu'un mëët ëëts'ajtëmë jënu'un tyam yaa nyajpatëmën.

Josue 9:15

Josué ojts jëtu'unpë ja aaw ayuk tkupëky ets tuuny ja käjpxytyu'unën mëët yë'ëjëty, ënät nyäy'ënanëtë ko ka'ap maa tsip käjpxy tmëët'ata'antë ets jëtu'un ojts tnima'kxtë ja jyuuky'ajtënëty. Näyjyëtu'un ja Israel mëjja'aytyëjkëty ojts t'a'ixëtë.

Jueces 11:40

Paaty jam ma Israel kajpnën, yë to'oxy'ëna'këty xëmë jam kopkëjxm nyëjkxtë taxk xëëw, mëët ko ja ja'amyäjtsën tuntë wi'ix ja Jefté ja nyëëx ojts tyäkyën ma Tiosën.

1 Samuel 30:25

Jä'ä xëëw ojts jëtu'unpë tsyo'ontä'äky jam ma ja Israel ja'ayëtyën, ko tu'knax winë nyätyukpaatëtë ets tyampaat je'eyëm jëtu'un tyu'uye'ey.