Ester 9:25 - Biblia Dc en Mixe de Quetzaltepec

²⁵ e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Biblia Mixe de Quetzaltepec

²⁵ e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Ester 9:25 ပူးပေါင်းရင်းမြစ်များ

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

Ester 3:6

e jä'ä ko tëë ënety tnijawë ma tsyoonyën ja Mardoqueo, paaty ja winma'any tpaty ko ka'ap yi'iyëty atu'uk timyaj'ooka'any. Ënet tyëjkëy winma'any ixtääpyë wi'ix mëpaat tëkokyë ja Jutiiyë ja'ay tyajkutëkoyën mapaat ja yajkutujkpë Asuero ja naax kajpn tnitänën.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Ester 7:4

Jä'ä ko tëëjës nijawë ko ëëtsëty ets nnaax nkajpnës tëëjës nyajtook nyajyaktë ets ni'ëmukë nkëjxta'a ntëkooytya'atëtyës. Ëjts ka'apës jeexyë wi'ix n'ëna'any koos jeexyë je'eyë të nyajtooktë ets nmëtuntëtyës, ja mëtsip ka'ap jeexyë nëkoo jëtu'un tyimtuuntëkoy ma ja yajkutujkpën.

Ester 7:5

Ënet ja Asuero tyajtëëy: ¿Pën jëtu'un ets tii ja ja'ay xyëëwajtyp mëti'ipë jëtu'un ëtëtspën?

Salmos 140:8

Wintsën, këtii xy'ëwa'atsëty ets ja ëxëëkja'aytyëjk tpaatëty ja mëti'ipë tsyojkën'ajtëpën; këtii xy'ëwa'atsëty ets tuun'ëtë'ëtstëty mëti'ipë myääytyëp tyajtëpën. Mëti'ipës xynyawa'k xynyatënaaytyëpën, në'ix pa'at'ix nyaxtë tyëkëtë; wä'än jam tkëtakta'ay ja pojkën ma yë'ëjëtyën mëti'ipë yë'ëjëty kë'ëm kyajpxpëtsëëmtëpën.

Salmos 141:10

Wä'än jap kë'ëm tka'atë ëxëëkja'aytyëjk ma tejpxyën mëti'ipë kë'ëm të tni''ixëtën, e ëjts minës yë njä'ä n'ëkyajtu'uye'ey.

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

Salmos 7:17

Nmëjpëjkta'akäämpyës yë Wintsën jä'ä ko oy winë tnipaye'ey; n'ëwäämpyës yë ëy mëti'ipë kyuuy'iipyën yë Wintsën yë xyëëw, yë xyëëw Ni'ik Këjxmëpë.

Salmos 94:23

Yë Wintsën yë'ë nëjkx jëna'a tyajkutuky ets ëxëëkja'aytyëjk yi'iyë yë y'ëxëëktu'un y'ëxëëk kajpxën yajkutëkoyëtëty. Yë nTios'ajtëm nëjkx kë'ëm yajkutëkoyëtë.

Proverbios 26:27

Ko ja'ay jyuttajy, kë'ëm jap kyuka'anaxy; mëti'ipë ja'ay yajtsaawinkëpijpën, kë'ëm nyätyukninäkyë.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Isaías 22:25

Wäänë y'ita'any tääts nëjkx kyuka'anaxy, ka'ap nëjkx mëj'äämpy y'ëk'ijnë, ets ka'ap nëjkx ja'ay jam tii t'ëkpatnë. Jëtu'un ja Wintsën të tnikäjpxy, mëti'ipë maaytyääyëpën winë.

Abdías 1:15

Jëtu'un tä xytyuunyën ja wiinkëtypë, näjyëtu'un myajtuna'any: Koonëm xy'ëxajëty mëti'ipë mnitëjkëyëpën.

Mateo 21:44

E mëëtpë ja tsaa, pën jam ka'ap ma yë'ëjën, tukwop tuka'atsë jyata'any; ets pën ya'atë tsaa tukka'apäjtëp, way way jyata'any.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.