Ester 9:15 - Biblia Dc en Mixe de Quetzaltepec

¹⁵ Ja Jutiiyë ja'ayëty ojts jatëkok tyu'ukmuktë ma myajkmajkts'anyën ja Adar po'o ets tyaj'o'ktë ëpëky nitëkëëk mëko'px ja myëtsiptëjkëty; je'eyëp ko ka'ap ojts nitii tpëjkëtë ets nitii tkatoontë mëti'ipë ënety ja'ay jyä'ä'ajtëpën mëti'ipë të y'ooktën.

Biblia Mixe de Quetzaltepec

¹⁵ Ja Jutiiyë ja'ayëty ojts jatëkok tyu'ukmuktë ma myajkmajkts'anyën ja Adar po'o ets tyaj'o'ktë ëpëky nitëkëëk mëko'px ja myëtsiptëjkëty; je'eyëp ko ka'ap ojts nitii tpëjkëtë ets nitii tkatoontë mëti'ipë ënäty ja'ay jyä'ä'ajtëpën mëti'ipë të y'ooktën.

Ester 9:15 ပူးပေါင်းရင်းမြစ်များ

Ester 8:11

Ma ja nokyën, jap kujayë myiny ma ja Jutiiyë ja'ayëty yajtuknijawëtën; ko oymyaakajpnëty ma muum yajpaatën, ënätyë mëpaat tyu'ukmuktë ets tkuwa'antëty ja jyuuky'ajtënëty; yë'ëjëty, myëët'ajtëp ja kuttujkën ets tyaj'ooktëty ja myëtsip mëti'ipë näjyëtu'un yaj'ookanëtëpën ets tjä'ä'atëty mëti'ipë ënety yajtukni'oktutëpën; wä'än yë'ëjëty ye'etyëjkpë to'oxytyëjkpë, mëjja'ay mutskja'aypyë.

Ester 9:10

Ya'atë nimajkpë yë'ë ënety ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

Ester 9:12

ënät ja yajkutujkpë t'ënëmaay ja Ester: Yë Jutiiyë ja'ayëty tëë tyaj'ooktë nimëkoxk mëko'px yë ja'ay, ëpëky nimajk të tyaj'ooktë ja Amán ja y'u'unk y'ëna'k yaa ma Susa kajpnën. ¿Tiijaty jëtää muum të tjaaktuntë yë Jutiiyë ja'ayëty ma wiinkëtypë kajpnën? Tyam nëmaaykyës tiijaty mjaaktsojkpy ets nmo'ojëty.

Ester 9:13

Tä ja Ester y'ëtsooy: Pën mijts oy xymyëtoy ets pën m'ëwatsyp, wä'än yë Jutiiyë ja'ayëty jëpom jëtu'un tuntë yë myëtsiptëjk ijxtëm ojts yë'ëjëty tjatuknipëjktaakëtën, wä'än jëpom tyajkutëytyë ja jyot nyini'kxëty ja Amán ja y'u'unk y'ëna'k ma o'ktaknën.

Ester 9:14

Ja yajkutujkpë ojts tkupëky. Ënet ojts yajkajpxwä'kxy ja ënä'ämën jam Susa ets ja okpë yajkutëëytyë, ja nimajkpë Amán ja y'u'unk y'ëna'k.

Ester 9:16

E ja Jutiiyë ja'ayëty mëti'ipë jëkäm kukajpnajtëpën, ma myajktëkëëk anyën ja Adar po'o jää ojts myuktë ets ja jyuuky'ajtënëty tkuwantë. Jëtu'un'äämpy ojts tyaj'o'kta'atë ja myëtsip. Jä'ä xëëw, jä'ä ojts ja myëtsip tyaj'ooktë: nitëkë'px majkmokx mil, ka'ap nitii tpëjkëtyë. Ma myajkmajkts'anyën, nän yë'ë po'o, jää ojts pyo'kxtë ets xyëëwtuuntë, xyoontaktë mëët ko ënety të myëta'aktë.

Ester 9:2

Maajaty ja it naaxwiinyëtë tnitänën ja yajkutujkpë Asuero, ojts tyu'ukmujkta'atë ja Jutiiyë ja'ayëty ets tjëjpkuwa'akëja'antë ja myëtsip mëti'ipë ënety të myäy të tyajtën ko yaj'ooka'anëtë. Ni pën ojts jä'ä xëëw kya'ëknipëtë'kënëtë, jä'ä ko ja myëtsipëty ojts jatëkok tsyë'ëkëtëkëtë.

1 Tesalonicenses 5:22

Ixmatstë mëti'ipë ka'ap y'oyëtyën.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.