Ester 8:17 - Biblia Dc en Mixe de Quetzaltepec

¹⁷ Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Biblia Mixe de Quetzaltepec

¹⁷ Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Ester 8:17 ပူးပေါင်းရင်းမြစ်များ

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënety winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

Nehemías 8:10

Ets ja Esdras y'ënëmaayëtë: Nëjkx mkaytyë m'uuktë akujk jotkujk, uuktë pëktë mpa'aknëëjëty, wowtë witstë mëti'ipë ka'ap tii të tnipëjktaakën ma jyëën tyëjkën jä'ä tyampë xëëw tëë yajtuknipëjktaakë ets Wintsën tjä'ä'atëty. Këtiimës yë mmontë mtuktë jä'ä ko ja Wintsën ja jyotkujk'ajtën yë'ë nwa'anëm tsoktakn.

Ester 9:19

E ja Jutiiyë ja'ayëty mëti'ipë tsënaaytyëpën ma ja mutsk kajpnën, mëti'ipë ka'ap nyapotsyëtyën, jää xyëëwtuuntë ma myajkmajkts'anyën yë Adar po'o. Tääts jää xyiktë y'ëwë'ktë ets xoontä'äky yajpatë ma ja xëëw ënety tyunyë jyätyën, nixim niyam nyämyooyëtë ja näynyamo'ojë.

Ester 9:2

Maajaty ja it naaxwiinyëtë tnitänën ja yajkutujkpë Asuero, ojts tyu'ukmujkta'atë ja Jutiiyë ja'ayëty ets tjëjpkuwa'akëja'antë ja myëtsip mëti'ipë ënety të myäy të tyajtën ko yaj'ooka'anëtë. Ni pën ojts jä'ä xëëw kya'ëknipëtë'kënëtë, jä'ä ko ja myëtsipëty ojts jatëkok tsyë'ëkëtëkëtë.

Ester 9:22

jä'ä ko, jä'ä xëëw jä'ä po'o ojts ja Jutiiyë ja'ayëty ja myëtsip tyajkutëkoytyë ets jä'ä xëëw jä'ä po'o ojts ja monyëtukyë y'ëxmatsëtë mëti'ipë xi'iky xony awinpijtën. Ya'atë xëëw mëj'äämpy nyäjxy, paaty ojts ja ënä'ämën tyajwë'ëmtë ko jää mëpaat ja'ay xyi'iktë xyoonta'aktë; jää näjyëtu'un tyajmuktëty ja ayajk ako'onën mëti'ipë tyukputëkëtëpën ja ëyoopëja'aytyëjk.

Ester 9:27

yë Jutiiyë ja'ayëty jëtu'un ojts tkäjpxy'atë ko ya'atë xëëw pa'u'unk pa'ëna'k mëpaat yajtuny, ma ja Jutiiyë ja'ayëtyën ets ma ja ja'ayëtyën mëti'ipë tyuktëjkëpën ja Jutiiyë ja'ay ja myëpëjkënëty; winjëmëjt ya'atë xëëw yajtunëty, nitu'kjëmëjt kyaninaxëty. Mäjtsk xëëw ja ja'ay xyëëwtuntëty ma ënety tukka'ayën ets jëtu'un yajkuuytyunëty ja ënä'ämën mëti'ipë të tkäjpxy'atën;

Ester 9:3

Tëkokyë ja kutujkëntëjkëty mëti'ipë ënä'ämtëpën ma ja naax kajpnën, aakyë'ë ojts tputëkëtë ja Jutiiyë ja'ayëty, jä'ä ko yë'ë tsyë'këtëp ja Mardoqueo.

Salmos 105:38

Yë Egiptë ja'ayëty janty'oy ojts nyäjya'awëtë ko t'ijxtë tsyo'onëtë ja Israel ja'ayëty, jä'ä ko tëë ënety y'ënu'kxënyëtë mëët ja tsë'ëkë.

Salmos 18:43

Tëës mijts xyajnitso'oky ma ja naax kajpnën mëti'ipë käjpxy kyumëtoownajxpën. Tëës xypyëjktä'äky yajkutujkpë ma ja naax kajpnën ets të xymyëtunyës ja ja'ay ka'apës ënety n'ixy'ätyën.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënety ja mnaax mkajpn të nyajxta'atë, ja mëti'ipë të xyjyä'äniwa'anyën.

Deuteronomio 11:25

Ni pën nëjkx xykyayajmëta'aktë ko ënety mtsiptuntë. Jä'ä Ko yë Wintsën yë'ë yajkëta'akäämpy yë mëktsë'ëkë ma mmëtsiptëjkëtyën ma ënety muum mnaxtën, jëtu'un tä të twinwanën.

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Josue 2:11

Ko yajmëtoy'äty ko miitsëty ni pën mkawinkuwa'akëja'anëtë, ni'ikyë ja'ay tsyë'ëkëtë. Jä'ä ko Dios mëti'ipë mTiosajtëpën, jëtu'un Tyios'aty yaa naaxwiiny tä jam tsajpjotmën.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

1 Samuel 25:8

Jyëkyejpy xyajtëwëty yë mtuunpëtëjk ets xymyëpëkëty. E paaty ënät yam npëjktsoy ets ya'atë ëna'ktëjkëty wäänë xypya'ëyowëty mëti'ipë yam mnimiinëpën ma mjëën mtëjkën ma myajpaatyën oy mëk ets xymyo'ojëty wäänë yë jë'kxy pëky ëkë tii jam mëët'ajtypyën, jëtu'un yë'ëjëty ets jëtu'unës ëjts, jä'ä ko jëtu'unës ëjts ma mijtsën tä jeexyë mmaankën.