Ester 8:16 - Biblia Dc en Mixe de Quetzaltepec

¹⁶ ja Jutiiyë ja'ayëty jëtu'un nyäjya'awëtyë tä xëëw jeexyë pyëtsimyën koots it, akujk jotkujk nyäjya'awëtyë tii yowë tyimpëjk tyimpatëp.

Biblia Mixe de Quetzaltepec

¹⁶ ja Jutiiyë ja'ayëty jëtu'un nyäjya'awëtyë tä xëëw jeexyë pyëtsimyën koots it, akujk jotkujk nyäjya'awëtyë tii yowë tyimpëjk tyimpatëp.

Ester 8:16 ပူးပေါင်းရင်းမြစ်များ

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Salmos 112:4

Jëtu'un jyäjy tyi'kxy tä jëënën akootstuuy ets yajkutë'kxtë ja ja'ay mëti'ipë oy juuky'ajtëpën, mëti'ipë pa'ëyoopën, mëti'ipë oy nipaye'epyën ets mëtëy winë tuny.

Salmos 118:27

Yë Wintsën yë'ë Tios'ajtp; yë'ë xykyutë'kx xykyujajëm. Wä'än tso'ontä'äky ja xëëw, mënëjkxtë ja aay xye'enty kepyxye'enty, jam pëjkta'aktë ma ja wintsë'këntyakn ja wyajën.

Salmos 18:28

Mijts, Wintsën, xymyoopyës yë të'kxën jajën; ets mijts Dios, mëti'ipës nTios'ajtypyën xykyutë'kxpës maas nkupi'its nkukootsën.

Salmos 30:12

Paatyës n'ëna'any Wintsën, ko ka'apës njëkyepy amonyë n'itëty: mijts nkuuy'ëëwäämpy ets nmëjpëjkta'aka'any, xëmë nkukajpxëja'any winë.

Salmos 97:11

Jam'ajtp yë të'kxën jajën ma oyjyä'äytyëjkëtyën; yë xoontakën yë'ë ojts yajtuknipëjktaakëtë ja'ayëty mëti'ipë juuky'ajtëpën mëët yë näywyinkutsë'kën.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Proverbios 28:12

Ko yë wa'ats ja'aytyëjk myëta'aktë, xoontaktëp ja ja'ayëty; ko yë ëxëëkja'aytyëjk myëta'aktë, näyu'tstaayëp yë ja'ay.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.