Ester 7:3 - Biblia Dc en Mixe de Quetzaltepec

³ Ënet ja Ester y'ëtsooy: Pën xytyukjotkëtakpës ets xytsyojkpës yë yajkutujkpë, yi'iyës n'amëtoopy ets xypya'ëyow xynyajts'ëyowëtyës ets tpa'ëyow tnajts'ëyowëty yë nnaax nkajpnës ets njëëky nmëku'ukës.

Biblia Mixe de Quetzaltepec

³ Ënät ja Ester y'ëtsooy: Pën xytyukjotkëtakpës ets xytsyojkpës yë yajkutujkpë, yi'iyës n'amëtoopy ets xypya'ëyow xynyajts'ëyowëtyës ets tpa'ëyow tnajts'ëyowëty yë nnaax nkajpnës ets njëëky nmëku'ukës.

Ester 7:3 ပူးပေါင်းရင်းမြစ်များ

Jeremias 38:26

E mijts jëtu'un xy'ëtsowëty ko yë'ëjës të xypyëjktsoy ets ka'ap jatëkok jam myajkäxëty ma Jonatán yë tyëjkën këtiipë jam m'ookëty.

Job 2:4

E ja tsajpjotmëtë kukäjpxy mëti'ipë ni'ë'ënëpën jëtu'un ja Wintsën t'ëtsooy: Ko ja'ay ka'ap tii jyäty kyëpetyë oy xëmë nyäjyawëty. Yë ja'ay nyajts'ijxëtyääpy oytyiijëty mëti'ipë myëët'ajtypyën, nëkoo ko kë'ëm nyäyajtso'okyë.

Ester 7:7

Ënet ja yajkutujkpë Asuero yajxon jyoot'anpëjky ets wyä'ätsë'ky, jap ojts nyijkxy tëjk'ëjxy ma ja pëjykyamën. E ja Amán ko t'ijxy ko tëë ja yajkutujkpë tuknipëjktaakë ko yaj'ooka'anyë, ënät tyëjkëy nu'kxtakpë ma ja Ester yajpaatyën ets t'ënëmaay ko wä'än pyokmye'kxyë.

Ester 4:8

Ojts näjyëtu'un tmo'oy ja noky ma myinyën këxja'ay ja ënä'ämën ko y'o'kta'atëty ja Jutiiyë ja'ayëty mëti'ipë jam Susa yajpatëpën, jëtu'un ja Ester tnijawëty yajxon tii tuunëp jajtëpën. Ojts näjyëtu'un mëktä'äky tuknipëky ja Ester ets tmëmëtya'akëty ja yajkutujkpë Asuero, wä'än tuny mëyajtën ets tuktëkëty ya'atë jotmay.

2 Reyes 1:13

Ënet ja yajkutujkpë mëtëkëëk'ok tkejxy ja tsyiptuunpë wintsën mëët niwëxtyikxymyajk ja tyuunpë. E ja tsiptuunpë wintsën mëti'ipë ënety yajkäjxpën ma ja mëtëkëëk'okpën, jam ojts tyimja'ty ma ja Elías yajpaatyën ets nyäkyoxtënaaytyakë ma yë'ëjën, tmënu'kxtäky: Tun mëyajtën, käjpxynyajxpë, ijxpatkës ets ja'amyäts koos njuukyajtën tsoowpatp ets näjyëtu'un ya'atë niwëxytyikxymyajkpë ntuunpëtëjkës;

1 Reyes 20:31

Ënet ja tsyiptuunpëtëjk y'ënëmaayëtë: Yajnijawë'ajtp ko yë Israel ja'ayëty kyuuytyuuntëp yë y'aaw y'ayukëty ko tii mëët nkäjpxy'ajtmëty; paaty tsojk ntuktëjkëmë tukwit tuktujkxy ets nätyukyo'kpëjkëmëty yë tejpxy, jëtu'unts ninëjkxmëty ja yajkutujkpë jampë yajpaatyën Israel ets n'ijxmëty kajekyën xynyapokymyä'kxmëty ma njuukyajtën'ajtëmën.

Ester 5:8

Pën yë yajkutujkpë janty ënaanp koos xytsyoky xyjyawë, pën ënaanp ko xymyo'oja'anyës tiijës ntimy'amëtoopy, yë'ëjës yam jatëkok n'amëtowäämpy ets yajkutujkpë mëët yë Amán jam jatëkok myinëty ma wiinkpë ja ka'ayën ukën nnipëjktaakënës, ma jatëkok nnixëëtuna'anyën mijts yajkutujkpë. Jäänëmës nikajpxëty mëti'ipës yë yajkutujkpë xy'amëtoopën.

Ester 8:5

ets y'ënäny: Pën yë yajkutujkpë myëtoopy oy mëti'ipës yam n'amëtoowäämpyën ets pën xyänty tsyojkyp xyääntyjya'apës, wä'än tu'uk noky tyajja'ay ma yaj'akajpxtukëtyën ja ënä'ämën mëti'ipë ja Amán ojts tyajkojyën, ma tjatuknipëjktakëyën jeexyë ja Jutiiyë ja'ayëty y'o'kta'atë mëti'ipë tsënaaytyëpën maajaty ja kajpnën mëjpë mutskpë mapaat ja ënä'ämën kuttujkën y'ityën.