Ester 6:14 - Biblia Dc en Mixe de Quetzaltepec

¹⁴ Tam ënety kyakajpxta'aynyëm, ko ja yajkutujkpë ja tyuunpëtëjk myiintë ets yajwowa'any ma ja Ester të wyow të wyitsëtën kääpyë ukpë.

Biblia Mixe de Quetzaltepec

¹⁴ Tam ënäty kyakajpxta'aynyëm, ko ja yajkutujkpë ja tyuunpëtëjk myiintë ets yajwowa'any ma ja Ester të wyow të wyitsëtën kääpyë ukpë.

Ester 6:14 ပူးပေါင်းရင်းမြစ်များ

Ester 5:8

Pën yë yajkutujkpë janty ënaanp koos xytsyoky xyjyawë, pën ënaanp ko xymyo'oja'anyës tiijës ntimy'amëtoopy, yë'ëjës yam jatëkok n'amëtowäämpy ets yajkutujkpë mëët yë Amán jam jatëkok myinëty ma wiinkpë ja ka'ayën ukën nnipëjktaakënës, ma jatëkok nnixëëtuna'anyën mijts yajkutujkpë. Jäänëmës nikajpxëty mëti'ipës yë yajkutujkpë xy'amëtoopën.

Ester 5:14

Ënet ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

Ester 5:5

Nëjkx tim tyam ixta'atë yë Amán ets xyajmintëty, wä'än tyajpajämyëëtë yë Ester. Jëtu'unts ja yajkutujkpë ets ja Amán ojts nyëjkxtë jam ma ënety ja Ester të tnipëjktaakën ja ka'ayën ukën.

Ester 7:1

Yë yajkutujkpë ets ja Amán ojts nyëjkxtë ma ja ka'ayën ukën y'ityën,