Ester 6:10 - Biblia Dc en Mixe de Quetzaltepec

¹⁰ Ënet ja yajkutujkpë t'ënëmaay ja Amán: Oy jëtu'un të m'ëna'any. Tyam ënät mijts n'ënëëmë ets tim poj'am nëjkx xyjyuuty jap yë wit mëti'ipës njä'ä'ajtypyën ets nëjkx xyajtsoony ja kwaay, xox yë Mardoqueo, ja Jutiiyë ja'ayën mëti'ipë jap tëjk ëkë'p ënyääpyën ets jëtu'un xytyunëty tä të m'ëna'anyën. Nitu'uk mëpaat xykyayajninaxy.

Biblia Mixe de Quetzaltepec

¹⁰ Ënät ja yajkutujkpë t'ënëmaay ja Amán: Oy jëtu'un të m'ëna'any. Tyam ënät mijts n'ënëëmë ets tim poj'am nëjkx xyjyuuty jap yë wit mëti'ipës njä'ä'ajtypyën ets nëjkx xyajtsoony ja kwaay, xox yë Mardoqueo, ja Jutiiyë ja'ayën mëti'ipë jap tëjk ëkë'p ënyääpyën ets jëtu'un xytyunëty tä të m'ëna'anyën. Nitu'uk mëpaat xykyayajninaxy.

Ester 6:10 ပူးပေါင်းရင်းမြစ်များ

2 Reyes 10:10

E tyam yajxon xynyijawëtëty ko tëkokyë mëti'ipë yë Wintsën nyikajpxën wi'ix ënety jyata'any kyëpäta'anyën ja Ahab ja y'u'unk y'ëna'k ets ja jyiiky myëku'uk, nitu'uk kyaninaxa'any. Tëkokyë mëti'ipë tyam yaj'ijxp yajtuunpën tëë yë Wintsën tnikajpxta'ay mëët yë tyuunpë Elías.

Ester 6:11

Ënet ja Amán ojts jap tjuuty ja yajkutujkpë ja wyit ma jap pëjkë'ëky y'ityën, ets tmëkäjëy ja kwaay. Tääts txojxy ja Mardoqueo ets tyajtso'ony kwaaykyijxy ets mëk yyä'äxy jyoky ma jam twinwitsyën ja kwaay mëti'ipë ja Mardoqueo tyuk'u'unyääpyën: Jëtu'un ja ja'ay yajkukajpxë mëti'ipë ja yajkutujkpë y'oyjya'apën.

Ester 6:9

Ja wit ets ja kwaay, yë'ë yajtukë'ëtëkëp tu'uk yë yajkutujkpë wyintsën ets yë'ë txoxëty ja ja'ay mëti'ipë yajkukajpxëpën ets nëjkx twijtsjëtity tu'kkajpn jot, tääts ya'axëty jyokëty mëk: Jëtu'un mëpaat yajkukajpxë ja ja'ay mëti'ipë ja yajkutujkpë y'oyjya'apën.

Salmos 31:24

Yajotkujk'atë yë mjot mwinma'anyëty miitsëty ninu'un yë Wintsën xytyuk'ijxpätën.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.