Ester 5:14 - Biblia Dc en Mixe de Quetzaltepec

¹⁴ Ënet ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

Biblia Mixe de Quetzaltepec

¹⁴ Ënät ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

Ester 5:14 ပူးပေါင်းရင်းမြစ်များ

2 Samuel 16:21

Ets ja Ahitófel t'ëtsooy ja Absalón: Mëëtko'knë yë to'oxytyëjkëty mëti'ipë yë mteety ijty myëët'ajtypyën, jampë të tyajwë'ëmyën tëjk këwent'ajtpë ma ja kutujkëntëjkën. Jëtu'unts ja ja'ay tnijawëtëty ko mijts tëë yajxon xymyëtsiptsoony yë mteety, jëtu'un'äämpy ja ja'ayëty ni'ikyë mmëjwa'kpätëtëty mëti'ipë mpukajpxëyëpën.

1 Reyes 21:25

Ka'ap ojts maa jëtu'unpë yajkutujkpë nijëna'a tyuny, mëti'ipë ojts yi'iyë tyo'oxytyëjk nyätyuk'ëne'emyën, ijxtëm yë Ahab tyuunën yë tyo'oxytyëjk Jezabel ets je'eyë ojts nëkoo tii ëxëëkjaty tyuktuuntëkoyë jam Wintsën wyintum.

1 Reyes 21:7

Ënet ja Jezabel, mëti'ipë ja Ahab tyo'oxytyëjk'ajtypyën y'ëtsoowë: Yaa Israel, mijts yaa m'ënä'ämp ¿këtiijë? Kay uuk akujk jotkujk. Ëjts nija'ap wi'ixës yam tääpë Nabot y'uvëkam mpatës ets mijts xyjyä'ä'atëty.

Ester 6:4

Ënet myiiny ja Amán, jää mëtëy ma ënety jap jëtu'un tyajtëyën ets tyëjkëy tëkoty jäätsow ma ja yajkutujkpë myä'äy pyo'kxyën, yë'ë ënety y'amëtowäämpy ja yajkutujkpë ets ja Mardoqueo yajyo'ktëyëty ma ja o'kpäjnën mëti'ipë ja Amán ënety të tuknipëjktaakën. Tä ja yajkutujkpë tyajtëëy: ¿Pën jap jëtijtp tëjkwiin?

Salmos 37:14

Yë ëxëëkja'aytyëjk janty jëtu'un yë tëypyujxn tjakë'ëkë'ë'atë, ets tyi'pxnëty wo'onë'ëky tjatimyaj'itë ets tyajtsëtyuta'antë ja ëyoopëja'ay mëti'ipë yu'unk naxym yajpatëpën.

Salmos 37:32

Yë ëxëëk ja'ay je'eyë tpa'ixy tpawoony yë ja'ay mëti'ipë oy juukyajtpën, ets nimay nitajë wi'ix tyaj'ookëtyën;

Salmos 9:15

Yë ja'ayëty ka'apë Dios t'ëwtatën, kë'ëm të nyäyajnëjkxëtë o'këntum, ma ja o'ktaknën mëti'ipë myëku'uk të tukni'oytyunëtën, kyë'ëmteky jap të jyänë ma ja tejpxyën mëti'ipë të tyu'utstën.

Proverbios 1:18

Yë ja'ayëty jëtu'unpë tii tuntën, kë'ëm nyätyukni'oytyunëtë yë o'ktakn, ets jyuuky'ajtënëty ëtsë'ëkëtuuy tpëjkta'aktë.

Proverbios 4:16

yë ëxëëkja'aytyëjk ka'ap jotkujk nyäyjyawëtë pën ka'ap tii tuuntëkoy tkajpxtëkoytyë. Yajtëkooytyëp yë tsyuu myä'äyëty ko pën wi'ix muum tuna'antë.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Romanos 3:15

yajja'ay'o'k pëyi'ikyë nyinëjkxtëp,

Apocalipsis 11:10

Oy ets akujk jotkujk ja naaxwiinyëtë ja'ay nëjkx nyäyjyawëtë ko t'ixtëty ko tëë ja ja'ay y'ooktë. Nëjkxëp nixëëwtuntë ets nyämyo'ojëtë ja näykyumayë nixim niyam, jä'ä ko tääpë ja käjpxynyajxpëtëjk je'eyë ijty y'atsipëtë.