Ester 4:14 - Biblia Dc en Mixe de Quetzaltepec

¹⁴ Pën mijts ka'ap tyam wi'ix m'ëna'any ets amonyë m'ity, ja Jutiiyë ja'ayëty wä'änxyëp wiinktsow tpaatëty pën yajtso'okëtëpën, je'eyëp ko nijawë yajxon ko mijts ets mjëëky mmëku'uk kopkpëky ko m'o'kta'atëty. Mijts ka'ap xynyijawë, wä'änxyëp jam të mja'ty ma kutujktaknën ets tyam xypyutëkëty ja mjëëky mmëku'uk ma yajpaatën ëyo'ontum jotmaytyum.

Biblia Mixe de Quetzaltepec

¹⁴ Pën mijts ka'ap tyam wi'ix m'ëna'any ets amonyë m'ity, ja Jutiiyë ja'ayëty wä'änxyëp wiinktsow tpaatëty pën yajtso'okëtëpën, je'eyëp ko nijawë yajxon ko mijts ets mjëëky mmëku'uk kopkpëky ko m'o'kta'atëty. Mijts ka'ap xynyijawë, wä'änxyëp jam të mja'ty ma kutujktaknën ets tyam xypyutëkëty ja mjëëky mmëku'uk ma yajpaatën ëyo'ontum jotmaytyum.

Ester 4:14 ပူးပေါင်းရင်းမြစ်များ

Génesis 22:14

Ok ojts ja Abraham ja xyëëw tpëjktä'äky ja itjotm: Yë Wintsën mëti'ipë yäjkpyën winë. Paaty tyampaat je'eyëm yajtijy ja kopk: Ma kopkën yäjkpy yë Wintsën mëti'ipë mëyajtpën.

2 Reyes 13:5

Tääts ja Wintsën tu'uk tkejxy ja mëti'ipë nitsiptunëtëpën, jëtu'un ja Israel ja'ayëty ojts jatëkok tsyo'oktë ma ja sirië ja'ayëtyën ets jyotkujkëtyë, jotkujk jatëkok y'ijtë ma jyëën tyëjkëtyën.

2 Reyes 19:3

ets ja yajkutujkpë ja y'aaw y'ayuk tukmëtowa'antë: Tyam o'ktëy ëëts njatë nkëpätë, ja tëytyu'unën jä'äs yam nmënajx nyajnajxtëp ets jëtu'un ëëts näjyawëtë naaxkutij naaxkumatsëpë, tä tu'uk yë to'oxytyëjkën mëti'ipë tëë myëjaawkëxyën ets u'unk maay yajminäämpy naaxwiiny.

Esdras 9:9

Oy ëëts tyam ja'ay je'eyë xy'ëkyajmëtuntë mijts ka'apës xy'ëxmatstë; tëëjës mijts xytyuk'ixtë ja m'oyjot m'oywyinma'any ma ja yajkutujkpëtëjkën Persiaja'ayëty, tëëjës ja juukyajtën xymyo'otë ets ja mtsajptëjk jatëkok ëëts nkoj'oyëtëty ma ënety taj xit yajpaatyën. Mijts ëëts të xy'ijx'it të xykyëwent'atë jam Judá ets Jerusalén.

Nehemías 6:11

E ëjts tyaajës n'ëtsooy: Ja'ay jëtu'unpë tä ëjtsën ka'ap tii tkuke'eky, wi'ix ko jap tsajptëkoty kyukääkëty pën tëë tnijawë ko ja'ay yaj'ooka'anyë. Ëjts, tyamës yajxon nyikäjpxy ko jap tsajptëkoty ka'apës jap ntëkëja'any.

Ester 2:15

Yë Ester, yë'ë Abihail tyaak'ajt ets yë'ë Mardoqueo jyämy'ajt; ko ojts tyuka'ayë ets twinkuwa'akëty ja yajkutujkpë, yi'iyë ojts tmënëjkxy mëti'ipë ja Hegai tuknëmaayën tmënëjkxëty. Yë Hegai yë'ë ënety të tyuknipëkyë ja yajkutujkpë ets këwent'atëty ja to'oxy'ëna'k. Yë Ester aak'oy ënety ja to'oxy'ëna'k jyawëty.

Ester 2:17

Ja Asuero oy t'ijxy ja Ester ets mëk tsojkën'ajty. Yë'ë ni'ik tsyojkën'ajt këtiinëm wiinkëtypë ja to'oxy'ëna'k mëti'ipë ënety mëët të y'ijtmukyën ja Ester, paaty ojts jä'ä tmo'oy ja kujän, mëti'ipë oytyunyën mëët yë pu'ts pujxn, mëti'ipë yajtuk'ijxpën ko yajkutujkpë y'ity, jëtu'un ojts yë'ë tkutëkë ja yajkutujkpë Vasti.

Ester 2:7

Mardoqueo tam ijty tu'uk tsyojknëëx, mëti'ipë ojts yë'ë tyajyeekyën ko ja tsyojknëëx mëxu'unknëm nyi'o'ktutë ja tyeety tyaak. Tääts ojts yë'ë tmëwë'ëmy tä jeexyë tnëëx'atyën. Jä'ä xyëëwajtyp Hadasá, nän yajtijp Ester. Yë Ester janty'oy janty tsuj ojts yeeky ets oy kyëxë'ëky.

Ester 4:13

ënät näjyëtu'un t'ëtsoowinpijty mëët ya'atë aaw ayuk: Mijts ijxkëm ënät mmääpyë mtajpë ko, oy mjutiiyë ja'ayëty, mtso'okëp ënät mëët ko jap myajpaaty ma kutujktaknën.

Ester 4:15

Ënet ja Ester t'ëtsoowinpijty ja Mardoqueo:

Job 9:18

je'eyës nëjkx ni'ikyë ntëkë moonpë tujkpë ets ka'apës n'ëk'xajnëty.

Eclesiastés 3:7

Nyixëëw nyijëmëjt pyätyp ko pën wit tukëëtsë ets ko pën wyit'axuyë. Ko pën amonyë y'ity ets ko pën kyäjpxy.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Mateo 24:22

Ko jeexyë ja Dios ja ëyo'on jotmay tkayajkëxy tkayajnaxy, tsip jeexyë ets ja ja'ay tmëmëta'aktë, paaty tyajkëxa'any tyajnaxa'any jä'ä ko tsoky tjawë ja y'u'unk y'ëna'k mëti'ipë të twin'ixyën.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

Jueces 15:6

Ko yë filistejë ja'ayëty t'ijxtë, ënät ojts tpaye'eytya'aktë pën ënety të y'ëti'itsyën. Tääts tnija'awëtyë ko yë'ë Sansón, jä'äkyëjxm ko ënety ja myë't ja tyo'oxytyëjk të pyëjkëty ets ënety të yajmo'oy ja myëku'uk mëti'ipë mëët oy nyäjyawëtyën. Ënet ojts tninëjkxtë ja Sansón ja myë't ets tyajnitooytyë mëët tëkokyë ja y'u'unk y'ëna'k, yë'ëpaat ja to'oxytyëjk mëti'ipë ënety ja Sansón të tjapëkyën.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.

1 Samuel 17:29

Tääts ja David y'ëtsooy: ¿E ëjts tiixës të ntuny? Ëjts je'eyës yam tu'k'aaw mäjtsk'aaw të nkäjpxy?