Ester 3:13 - Biblia Dc en Mixe de Quetzaltepec

¹³ tä yajkäjxwa'kxtaay ja ënä'ämën maajaty ja yajkutujkpë Asuero tnitänën. Ma ja nokyën jä'ä jap kujayë ijtp ko y'o'kta'atëty ja Jutiiyë ja'ayëty tu'kxëëyë, mëj mutsk, yä'äy to'oxy ets yajpëjkëtya'atëty winë mëti'ipë myëët'ajtëpën. Ja xëëw mëti'ipë ënety të yajpëjktä'äkyën, jää ojts tukka'ay ma majktëkëëk y'änyën ja mëmajkmäjtsk po'opë, mëti'ipë yajtijpën Adar.

Biblia Mixe de Quetzaltepec

¹³ tä yajkäjxwa'kxtaay ja ënä'ämën maajaty ja yajkutujkpë Asuero tnitänën. Ma ja nokyën jä'ä jap kujayë ijtp ko y'o'kta'atëty ja Jutiiyë ja'ayëty tu'kxëëyë, mëj mutsk, yä'äy to'oxy ets yajpëjkëtya'atëty winë mëti'ipë myëët'ajtëpën. Ja xëëw mëti'ipë ënäty të yajpëjktä'äkyën, jää ojts tukka'ay ma majktëkëëk y'änyën ja mëmajkmäjtsk po'opë, mëti'ipë yajtijpën Adar.

Ester 3:13 ပူးပေါင်းရင်းမြစ်များ

2 Crónicas 30:6

Tä ja kukäjpxy ye'eywya'kxtaaytyë, jä'ä myënëjkxtëp ja yajkutujkpë ja y'aaw y'ayuk, ma ja ënä'ämën kuttujkën tpëjktäkyën: Miitsëty Israel ja'ayëty yajwinpitë jatëkok ja mjot mwinma'anyëty ma ja Wintsënën, mëti'ipë ja Abraham, Isaac ets ja Jacob Tyiosajtën ets yë'ë mnijootwinpitëtëty ets näjyëtu'un ja ja'ayëty mëti'ipë të tkukä'äktën ja Siria ja'ayëty, Sirië yajkutujkpëty.

Ester 7:4

Jä'ä ko tëëjës nijawë ko ëëtsëty ets nnaax nkajpnës tëëjës nyajtook nyajyaktë ets ni'ëmukë nkëjxta'a ntëkooytya'atëtyës. Ëjts ka'apës jeexyë wi'ix n'ëna'any koos jeexyë je'eyë të nyajtooktë ets nmëtuntëtyës, ja mëtsip ka'ap jeexyë nëkoo jëtu'un tyimtuuntëkoy ma ja yajkutujkpën.

Ester 8:5

ets y'ënäny: Pën yë yajkutujkpë myëtoopy oy mëti'ipës yam n'amëtoowäämpyën ets pën xyänty tsyojkyp xyääntyjya'apës, wä'än tu'uk noky tyajja'ay ma yaj'akajpxtukëtyën ja ënä'ämën mëti'ipë ja Amán ojts tyajkojyën, ma tjatuknipëjktakëyën jeexyë ja Jutiiyë ja'ayëty y'o'kta'atë mëti'ipë tsënaaytyëpën maajaty ja kajpnën mëjpë mutskpë mapaat ja ënä'ämën kuttujkën y'ityën.

Ester 9:1

Ma majktëkëëk y'änyën ja mëmajkmäjtsk po'opë, mëti'ipë tyijtëpën Adar, jää ojts ja yajkutujkpë ja ënä'ämën tpëjktä'äky ets tyunëtëty jyatëtëty ja mëti'ipë ënety të tuknipëjktaakëtën, ma y'o'kta'atëty ja Jutiiyë ja'ayëty, je'eyëp ko jää tëkatsy ojts wyimpëtsëëmnë, yë'ë ojts jää myëtaknëtë ja Jutiiyë ja'ayëty.

Ester 9:10

Ya'atë nimajkpë yë'ë ënety ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

Ester 9:5

Ja Jutiiyë ja'ayëty ojts tkupujxta'atë ja myëtsiptëjk mëti'ipë ojts jyayaj'ooka'anëtën; wa'ats tyajkutëkooytyääytyë mëti'ipë ënety të jyayaj'ooka'anëtën.

Job 9:25

Jëtu'unës yë nxëëw njëmëjt pyëyi'iky pe'tym tä pën pyëyi'ikyën ets ka'ap ja jotkujk'ajtën tpaaty.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Jeremias 51:31

Wintu'uk patu'uk yë käjpxy yajpkpë tuk'ëwaanëtë yë Babilonyë yajkutujkpë, ko tëë yë nyaax kyajpn yajnitëkë ets tëë yë myëtsip myëmëtä'äkyë.

Romanos 3:15

yajja'ay'o'k pëyi'ikyë nyinëjkxtëp,

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

1 Samuel 22:19

Ko jëtu'un yë Doeg t'ëkyaj'o'ktaay ja teetytyëjkëty, tä ojts jam nyijkxy Nob, ma teety kyukajpn'atën ets tyaj'o'ktaay ja to'oxytyëjkëty, ye'etyëjktëjk, pi'k ëna'këty ets ja mëti'ipë ënety je'eyë myinyëmën naaxwiiny. Näy ots tyaj'o'kta'ay ja jëyujk, tsajpkaa ets tsajppax.