Ester 2:21 - Biblia Dc en Mixe de Quetzaltepec

²¹ Ma jam jëtu'un yë Mardoqueo y'u'unyën, këmoontëjk winm, ënät tmëtooy ko myëtya'aktë yë Bigtán ets Teres, mëti'ipë ënety nyiwintsën'ajtëpën ja tsiptuunpë ja'ayëty, jampë kyëwent'atën ma kutujkëntëjkën. Ya'atë nimäjtskpë ja'ayëty yë'ë ënety nyimëtyaktëp wi'ix tyaj'ooka'antë ja yajkutujkpë.

Biblia Mixe de Quetzaltepec

²¹ Ma jam jëtu'un yë Mardoqueo y'u'unyën, këmoontëjk winm, ënät tmëtooy ko myëtya'aktë yë Bigtán ets Teres, mëti'ipë ënäty nyiwintsën'ajtëpën ja tsiptuunpë ja'ayëty, jampë kyëwent'atën ma kutujkëntëjkën. Ya'atë nimäjtskpë ja'ayëty yë'ë ënäty nyimëtyaktëp wi'ix tyaj'ooka'antë ja yajkutujkpë.

Ester 2:21 ပူးပေါင်းရင်းမြစ်များ

2 Samuel 16:11

Ets tni''ijxwinpijty yë Abisai ets ja tsyiptuunpë wintsën, t'ënëmaay: Pën yë'ëpaatës yë nkë'ëm u'unk xyaj'ooka'any, wi'ixpëm jëtää yë ja'ay ka'apës mpën'atyën tä yë Benjamín y'u'unk y'okën. Wä'än t'ixy pën xypyojkpës, yë Wintsën ënät të tyuk'ëne'emyë.

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënety yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

2 Reyes 12:20

Kë'ëm ojts ja tyuunpëtëjk nyikäjpxytyunëty ets y'o'ky jap ma naax y'apojtsë'ëkyëtyën ma txëëwatyën Silá.

2 Reyes 21:23

Ja Amón ja tyuunpëtëjk ojts nyikäjpxytyunëty ets jap yaj'o'kë jap tëkoty ma ja akujktëjkën.

Esdras 4:6

E jää ma tyëjkëyën yë yajkutujkpë Asuero, jää tu'uk yë noky tkäjxtë yë myëtsip yë Israel ja'ayëty ets tuknikäjxtë ja Asuero, jä'ä yajni'ë'ënëtyëp ja Judá ja'ayëty ets ja Jerusalén ja'ayëty.

Ester 2:19

Jä'ä xëëw ma ënety ja to'oxy'ëna'këty yajmënëjkxtën jam ma ijtaknën, mëti'ipë tëë twinkuwa'akëtën ja yajkutujkpë, yë Mardoqueo jam ënety y'u'unyë tëjkwinm ma ja akujktëjkën.

Ester 6:1

Jä'ä tsu'um, ja yajkutujkpë ka'ap myääy, paaty tni'ënä'ämëy ja noky ets tyajmintëty ma jap myinyën këxja'ay tëkokyë winë mëti'ipëjaty tuunëp jajtëpën ma ja naax kajpnën ets yajtukwinkukajpxëty.

Ester 6:2

Jap t'ijxpatë wi'ix ojts tëkok ja Mardoqueo tnijawën, ko nimäjtsk ja ja'ayëty, mëti'ipë nyiwintsën'ajtëpën yë tsiptuunpëtëjk, mëti'ipë këmoontëjk kyëwent'ajtëpën, Bigtán ets Teres xyëëwajtëp; ojts tjatuknipëjktaakëtë ets tyaj'ooka'antë ja yajkutujkpë Asuero.

Salmos 144:10

Mijts myajmëtäkpy yë yajkutujkpëtëjk jam tsipjotm; tëë xyajtso'oky yë mtuunpë David, mijtsës xyajtso'okëp ma ja'ayëtyën mëti'ipës xyaj'ookantëpën, kuwaankës ma ja'ayëtyën ka'apës n'ixy'ätyën, mëti'ipë win'ë'ëntëpën, mëti'ipë y'a'oykyë'ë xyajjë'ktëpën awin'ëënë ko waantakën tuntë.

Daniel 2:49

Ojts näjyëtu'un yë Daniel t'amëtoy; ets yajkutujkpë tpëjkta'akëty yë Sadrac, Mesac ets Abed-negó ma mëj'äämpyëtypë tuunkën, mëti'ipë yajpatpën ma Babilonyë ja'ayëty yë y'itjotëtyën. Yë Daniel jam ojts wyi'imy wintsën ma ja yajkutujkpën.