Ester 1:19 - Biblia Dc en Mixe de Quetzaltepec

¹⁹ Pën yë yajkutujkpë y'a'ijxëp ets yajja'ajëty tu'uk yë noky, ma ja'ay yajtuknijawëtëty wi'ix ja ënä'ämën tëyajtën y'ënä'änyën ets jëtu'un jap wyë'ëmëty këxja'ay nokyjoty ma ja Medë ja'ay Persië ja'ay yajtuknijawëtën ko: Ja yajkutujkpë tyo'oxytyëjk Vasti, ka'ap nijëna'a t'ëkwinkuwa'kënëty ja yajkutujkpë. Ets ma yajtijyën yajkutujkpë nëjkxëp yajpëjkë jëtu'unpë ja xëëw ets yajmo'ojëty wiinkpë to'oxytyëjk.

Biblia Mixe de Quetzaltepec

¹⁹ Pën yë yajkutujkpë y'a'ijxëp ets yajja'ajëty tu'uk yë noky, ma ja'ay yajtuknijawëtëty wi'ix ja ënä'ämën tëyajtën y'ënä'änyën ets jëtu'un jap wyë'ëmëty këxja'ay nokyjoty ma ja Medë ja'ay Persië ja'ay yajtuknijawëtën ko: Ja yajkutujkpë tyo'oxytyëjk Vasti, ka'ap nijëna'a t'ëkwinkuwa'kënëty ja yajkutujkpë. Ets ma yajtijyën yajkutujkpë nëjkxëp yajpëjkë jëtu'unpë ja xëëw ets yajmo'ojëty wiinkpë to'oxytyëjk.

Ester 1:19 ပူးပေါင်းရင်းမြစ်များ

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

Ester 1:18

Ja wintsëntëjk ja tyo'oxytyëjktëjkëty, mëti'ipë jam Persië ets Media tso'ontëpën, ko ënät nijawëtëty wi'ix ja yajkutujkpë Vasti të y'ëti'ityën, tyämyë ënät mëët ja nyiye'etyëjkëty tyajkäjpxykyoja'antë, e ko ënät jëtu'un jyatëty kyëpätëty, nipäxëtëjkëmëp ënät ets ka'ap ënät pën xy'oy'ijxmëty.

Ester 1:21

Ja Memucán ja wyinma'any oy ojts ja mëjja'aytyëjk tmëtowtë, e ja yajkutujkpë ojts jëtu'un tuny,

Ester 2:1

Tëë ënety ja xëëw jëmëjt nyajxnë këjää ko ja yajkutujkpë Asuero jyootja'ajtëyë ja Vasti, mëët wi'ix ënety të y'ëti'itsyën ets wi'ix ënety ja yajkutujkpë Asuero ja ënä'ämën të tkäjxwä'kxyën.

Ester 3:9

E paaty yam tu'uk winma'any njayaka'anyës ets jeexyë tu'uk yë ënä'ämën yajpëjktä'äky ma yajnikäjpxyën wä'än tääpë naax kajpn timkyutëkoy, ëjts tyamës kë'ëm n'ëna'any koos nyaka'any tëkëëk mëko'px ja i'px majk mil tsim, aak poop pujxn, maas ntukë'ëtëkëja'anyën yë kutuunktëjkëty ets jam nyipätëty ma ja yajkutujkpë ja wyit myeeny tyaj'itën.

Ester 8:5

ets y'ënäny: Pën yë yajkutujkpë myëtoopy oy mëti'ipës yam n'amëtoowäämpyën ets pën xyänty tsyojkyp xyääntyjya'apës, wä'än tu'uk noky tyajja'ay ma yaj'akajpxtukëtyën ja ënä'ämën mëti'ipë ja Amán ojts tyajkojyën, ma tjatuknipëjktakëyën jeexyë ja Jutiiyë ja'ayëty y'o'kta'atë mëti'ipë tsënaaytyëpën maajaty ja kajpnën mëjpë mutskpë mapaat ja ënä'ämën kuttujkën y'ityën.

Ester 8:8

Tyamës nyajkutuky nxëëwkyëjxmës, ets miits yam ntuknipëjktëp xyjya'atëty ja noky ijxtëm mëpaat ja jutië ja'ayëty tuk'oy'atën ets xytya'atëty mëët ja kë'ëjiits mëti'ipë ja yajkutujkpë kyë'ëjiits'ajtypyën. Tu'uk ja noky mëti'ipë të tyajkojyën yë yajkutujkpë ets mëti'ipë të tsa'ayën mëët ja kyë'ëjiits ets ëpëky të twinkukäätsë, ka'ap tjëkyepy pën tyajma'atëty.

Daniel 6:17

Ko ja Daniel jap kemyjoty yajkujëpijpëy, ënät ojts yaj'akë'ëy mëët tu'uk yë mëjtsaa ets t'atsaay ja yajkutujkpë mëët ja kuttujkën ets ja wintsëntëjkëty ja kyutujkënëty ets jëtu'un yajpatunëty ja ënä'ämën mëti'ipë ënety të tkäjpxykyutëjyën ja Daniel.

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.