Ester 1:12 - Biblia Dc en Mixe de Quetzaltepec

¹² E ja yajkutujkpë to'oxytyëjk ka'ap tmëmëtooy ja yajkutujkpë Asuero, paaty jyoot'anpëjky. Tä ënätyë ja wyintsëntëjk tyajtëëy tii mëpaat tunyën.

Biblia Mixe de Quetzaltepec

¹² E ja yajkutujkpë to'oxytyëjk ka'ap tmëmëtooy ja yajkutujkpë Asuero, paaty jyoot'anpëjky. Tä ënätyë ja wyintsëntëjk tyajtëëy tii mëpaat tunyën.

Ester 1:12 ပူးပေါင်းရင်းမြစ်များ

Génesis 3:16

Tä t'ënëmaay ja to'oxytyëjk: Mëjwiinëp këjääjëp yë mpëjkën m'ijxën ko u'unk maay xyajmin xyajja'tëty. Ets mëët yë pëjkën ijxën xyajmëxu'unk'atëty yë m'u'unk maay. E mtsojkën ënety jëtu'un mëët'ajtyp ma ja mniye'etyëjkën. Ets yë'ë myëët'atëp yë ënä'ämën kuttujkën ma mijtsën.

Ester 1:11

ets nëjkx twowtë ja yajkutujkpë to'oxytyëjk Vasti ets tmëminëty ja kujän mëti'ipë ja yajkutujkpë to'oxytyëjk yajtuuntëpën, jëtu'un ja naax kajpn t'ixëty wi'ix ja yajkutujkpë to'oxytyëjk y'oy tsyujëtyën, jä'ä ko ja yajkutujkpë Vasti janty'oy ënety kyëxë'ëky.

Ester 1:13

Ja yajkutujkpë Asuero jä'ä ënety nyijawëjäämpy wi'ix ja tëyajtën y'ënä'änyën ko ja jëtu'unpë ja jotmay jyää'aty, jëtu'un ënety jam tuny'atë ko tiijotmay ja yajkutujkpë tpaaty ma yë'ë jyuuky'ajtënën, yë'ë patëtëp tpaye'eytyëty ja ja'ay mëti'ipë nyija'awëtëpën ja ënä'ämën tëyajtën.

Ester 7:7

Ënet ja yajkutujkpë Asuero yajxon jyoot'anpëjky ets wyä'ätsë'ky, jap ojts nyijkxy tëjk'ëjxy ma ja pëjykyamën. E ja Amán ko t'ijxy ko tëë ja yajkutujkpë tuknipëjktaakë ko yaj'ooka'anyë, ënät tyëjkëy nu'kxtakpë ma ja Ester yajpaatyën ets t'ënëmaay ko wä'än pyokmye'kxyë.

Salmos 74:1

Dios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Salmos 79:5

Mijts Wintsën, ¿Jëna'apaat mijts mjoot'anpëka'any? ¿Xëmë yë mjoot'an tyoyä'äny tä jëënënë?

Éxodo 32:19

Ko yë Moisés jam jyä'äjty ma Israel ja'ayëtyën, ënät t'ijxy ja awinax mëti'ipë ënety të tyajkojtën, jëtu'unpë kyëxë'ëkyën tä tsajpkaajën ets ja mayjyä'äy tjantywyin'äts tjantywyimputë; yë Moisés yajxon jyänty joot'anpëjky ets tnajtsjëpijpëy ja tsaatsetsy, mëti'ipë aak tsaajën mäjtskëty ojts tukpu'ujëtyääy jam kopk'ëjxm.

Éxodo 32:22

Ets ojts yë Aarón y'ëtsoy: Wintsën këtiis xytyukjoot'anpëkëty. Mijts wa'ats xynyijawë ko ya'atë naax kajpn yë'ë tyäty tyunantëp yë ëxëëkpë.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

Proverbios 20:2

Ko tu'uk yë yajkutujkpë jyoot'anpëky, jëtu'un tä kaa nyiitsyën; pën yajjoot'anpëkëp jam ënety nyäpyëjktä'äkyë o'kënjëjp'am.

Daniel 2:12

Ënet ja yajkutujkpë jyoot'anpëjky ets ni'ënä'ämëy ja ijxpëkyjyä'äytyëjk ets wijyjyä'äytyëjkëty mëti'ipë jam Babilonyë yajpatëpën ets y'ooktëty.

Daniel 3:13

Ja Nabucodonosor yajxon ojts jyoot'anpëjknë ets tnikäjxëy ja Sadrac, Mesac ets Abed-negó. E ko jam myiintë,

Daniel 3:19

Ko ja Nabucodonosor jëtu'un tmëtooy ja ëna'ktëjk y'ëna'antë, tsaptsëm ojts ja wyiin jyëjp jyajta'ay mëët ja joot'anë. Ënet ni'ënä'ämëy ets tyaj'aanpëktëty ja jëënjut wëxtujk'ok;

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Efesios 5:22

To'oxytyëjkëty pëkpyë, myëmëtowëp ja nyiye'etyëjk, jëtu'un ijxtëm jeexyë yë'ë tmëmëtowtën ja Wintsën.

Efesios 5:24

Je'eyëp ko jëtu'un ijxtëm ja mëpëjkpëtëjk tmëmëtowtën ja Kristë, näjyëtu'un ja to'oxytyëjk tmëmëtowtëty ja nyiye'etyëjk.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

1 Pedro 3:1

Näyjyëtu'un miitsëty to'oxytyëjkëty, mëmëtowtëp ja mniye'etyëjkëty; ets jëtu'un, pën jam pën ka'ap ja Dios ja y'aaw y'ayuk tmëpëky jyëkyejpy myëpëkëty, ko t'ixëty oy winë yajtuny, ets ka'ap kyopkpëkyëty yajmëëtmëtya'akëty,