Esdras 9:6 - Biblia Dc en Mixe de Quetzaltepec

⁶ ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Biblia Mixe de Quetzaltepec

⁶ ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Esdras 9:6 ပူးပေါင်းရင်းမြစ်များ

Génesis 13:13

Ja ja'ayëty ja jampë tsyëënëtën Sodomë ëxëëk ënety jyä'äy'atë. Ets aakjä'ä ënety ja pokytyuuntëp, mëti'ipë Dios ka'ap ninu'un tsokyën.

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

2 Crónicas 28:9

E jamts ijty tu'uk ja Wintsën ja tyuunpë yajpaaty jä'ä xyëëwajtyp Obed, ojts jam tjëjpye'eytsyoy ja tsiptuunpë ja'ayëty mëti'ipë jam Samaria ënety jajtëpën ets t'ënëmaay: Ja Wintsën, ja m'aptëjk ja Wyintsënëty, yë'ë të tukjoot'anpëky ja Judá, paaty miitsëty të myajtukë'ëtëkëtë. Je'eyëp ko miitsëty nëkooyë näjyëtu'un ja mëku'ukëty të xytyimniwa'kënëtë.

Esdras 9:13

E mëët koos ja nëë poky mëjwiin këjää të ntuntë ets ënät o'ktëy të njajt të nkëpäjnëtës, e oyën ka'ap jëtu'un të xytyim tëy tyuntës ijxtëm ënety jyapaatë'atyën, ix ja ëwaatsëtuuy'ajtën jatëkok të xymyo'otës,

Esdras 9:15

Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Salmos 38:4

Kë'ëmës winë ëxëëk n'ëktuny ets kë'ëmës ka'ap n'ëkmëmëta'akanë;

Salmos 38:5

Mëëtkyëjxm koos yë ntsuuwinma'any nyajtuny, nipu'uts kupu'utsës ets xu'kp jojkpës näjyawëty.

Éxodo 32:31

Tä ja Moisés jatëkok jam pya'tëjkëy ma ja Dios ijty jam kyëtä'äkyën ets t'ënëmaay: Janty tëy jëtu'un ko yë naax kajpn mëj këjää të pyokytyuny ko të tyajkojtë tu'uk yë awinax aak pu'ts pujxn jëtu'unpë kyëxë'ëkyën tsajpkaajën.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënety ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënety jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Isaías 59:12

Tëë yajxon mijts nyajjoot'anpëktë, ja nëë poky mëti'ipës të ntuntën jä'äs xëmë ka'ap xyajjotkujk'atë; ëxëëk ëëts të n'ëtë'ëtstë ets tëë mëj këjää ja nëë poky ntuntës.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 31:19

Ojts tëkok n'ëxmatsy nmajtstu'uty, mëkës jatëkok njawë; kë'ëmës të nmëmay të nmëtajy ko nmëët'ajtypyës ja poky, paaty mëk nnäkyätykyoxyës mëët ja tsëtyu'un, koos nja'amyetsy wi'ixës ojts ntuuntëkoyën koos n'ëna'k'ajty.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënety ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Lamentaciones 3:42

Ëëtsajtëmë tëë ntuuntëko'oyëmë ets tëë nkäjpxykyumëtoownajxëmë ets mijts ka'ap të mpokymye'kxy.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

Lucas 15:21

Ënet t'ënëmaay ja tyeety: Tatë, tëëjës nmëtëkoy ja Dios ets mijts, ka'apës tyam xy'ëknitëjkënë xytyijëtyës m'u'unk.

Lucas 18:13

E ja yajkukëpäjtpë, jëkäm jam tyänë, ets ni kya'ijxë'ëky, je'eyë nyäkyätsykyupyë ets y'ënä'äny: Dios Teety, pa'ëyoowkës, pokyjya'ayës ëjts.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Apocalipsis 18:5

jä'ä ko yë pyokyëty tëë nyipäjnë tsajpwinmpaat ets nijëna'a ja Dios tkaja'atyëkoyä'äny ja pyokytyu'unënëty.