Esdras 9:5 - Biblia Dc en Mixe de Quetzaltepec

⁵ Ënet ojts wäänë ja monyëtukyë xynyiwa'atyës ets tamës jëtu'un ja nwit nixox'aty koos ntëjkëy kajpxtakpë ma Wintsën Tiosën,

Biblia Mixe de Quetzaltepec

⁵ Ënät ojts wäänë ja monyëtukyë xynyiwa'atyës ets tamës jëtu'un ja nwit nixox'aty koos ntëjkëy kajpxtakpë ma Wintsën Tiosën,

Esdras 9:5 ပူးပေါင်းရင်းမြစ်များ

1 Reyes 8:22

Ënet ja Salomón jam wya'ak'o'oyëy ma ja Wintsën ja wyintsë'këntyaknën. Tam ënety ja naax kajpn të tyu'ukmuky, tääts ojts tyujkxajy ja kyë'ë jam tsajpwinm,

1 Reyes 8:38

Oy tyimtii'ëyo'onëty, pën ja ja'ay ëmuumtu'ukjot jyootwinpity ets tnajtsxajëty ja kyë'ë yaa ma ja mtëjkën,

1 Reyes 8:54

Ko ja Salomón kyajpxtaay ets tyajkëjxy ja jyiiytyäky nyu'kxtakën ma ënety jam të kyoxtänën winkon ma wintsë'këntyaknën ets të xyajjë'ëky jamtsow tsajpwinm,

2 Crónicas 6:13

Jam kyëxwä'ky ma ënety të yajni''ixën këjxm, tsuxkpujxn mëët yaj'oytyuuny, tu'kxajpk ja tu'kkë'ënux y'ayenyëty, tu'kxajpk ja tu'kkë'ënux myëjwiinëty ets tëkëëk kë'ënux kyëjxmëty, mëti'ipë ënety tëkot'itkujky të yajkojyën. Jamts nyäkyoxtënaaytyakë, tam ënety ja mayjyä'äy yajpaaty tu'kmukyë ets txajë'ky ja kyë'ë mäjtskëty, tsajpkëjxm tyujkxajy,

Nehemías 1:4

Koos nmëtooy jëtu'unpë ja ayuk, jëtu'unyës ntimjyënuuntaay ets jämyë nyaaxwe'tsy täätsës ntëjkëy yaxpë, kanaak xëëw nmoony ntukjkyës, ojtsës n'ayuu'aty ets nmëjëëytyäky nmënu'kxtäkyës ja Wintsën jampë tsajpjotm y'ityën tsyëënën.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Salmos 143:6

Jamës yë nkë'ë nnajtsxajë ma mijtsën koos nkajpxtä'äky, jä'ä ko nyajmëyäjtypyës yë mputëjk mpupäjtën jëtu'un tä yë naaxwiinyëtë nëë tyajmëyätyën.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Éxodo 9:29

Ets ja Moisés y'ëtsooy: Je'eyës yaa mpëtsëmëty etsës yam yë Dios nmëpëjktsowa'any mëët mijtskyëjxm ets wä'än ja tëtsn tuu tnaxy, näjyëtu'un këtiipë y'ëkwëtsujknëty ets ënääw y'ëk'ënanëty. Jëtu'un'äämpy xynyijawëty ko yë naaxwiinyëtë Dios yë jyä'ä'ajtyp.

Éxodo 9:33

Ko yë Moisés jap tsyo'ony ma kajpnën, ma ënety mëët të myëtyä'äkyën ja mëj'ënä'ämpë, ënät ojts ja Dios tmëpëjktsoy, tä ënätyë ja tëtsn tuu nyäxy, ja ënääw wëtsukëty ka'ap ojts y'ëk'ëtëts y'ëk'ënanëtë.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Daniel 10:2

Jä'ä xëëw ëjts mon tukës ojts nyajpaaty ets jëtu'un y'ijty tëkëëk sëmaan.

Lucas 22:41

Tääts ja Jesús ojts nyijkx ëpëky, tu'kjamën ko tu'uk yë tsaa naska'tsëmëty. Jamts ojts nyäkyoxtënaaytyä'äkyë ets ja Dios tja'amyejtsy:

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Dios ojts nja'amyätstës.

Efesios 3:14

Yë'ëkyëjxmës nwinkoxtänë ja Dios,