Esdras 9:15 - Biblia Dc en Mixe de Quetzaltepec

¹⁵ Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Biblia Mixe de Quetzaltepec

¹⁵ Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Esdras 9:15 ပူးပေါင်းရင်းမြစ်များ

Salmos 130:3

Wintsën, Wintsën, ko jeexyë mijts xy'ëkmëjpëjktä'äky yë nëë poky, ni pën jeexyë kyajuuky'äty

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Juan 8:21

Ënet ja Jesús t'ënëmaaykyojnëpë ja mayjyä'äy: Nëjkxpës ets miits xy'ixta'aja'antës, je'eyëp ko mku'ookëjantëp miits ja mpokyëty. Maas nnëjkxyën, ka'ap tjëkyepy jam mnëjkxtëty.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Daniel 9:14

Paaty mijts Wintsën jëtu'un të xytyuknipëjktaakë etsës të xytyuknikäxtë ja ëxëëkajtën; jä'ä ko mijts Wintsën mëtëy winë xytyuny, e ëëtsëty ka'apës të nmëjpëjkta'aktë mëti'ipë mijts të xyjyanikäjpxyën.

Ezequiel 33:10

Mijts ye'etyëjk, ënëëmë yë Israel kajpn: Miitsëty jëtu'un m'ëna'antë: Ujts nyajpatëmë mëët yë nëë poky ets ëxëëktu'un ëxëëk kajpxën. Paaty jëtu'un njajtëmë tä jeexyë ajuuky mputsëmën. ¿Wi'ix n'ëk juuky'ajtmëty?

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

1 Corintios 15:17

ets pën ka'ap ja Kristë ojts jyuukpyiky, ka'ap miits yë mmëpëjkën tii tsowëty, jëtu'un miits je'eyëm m'itë pokyjotm.

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 116:5

Yë Wintsën, wa'ats yë'ë ets pa'ëyoop najts'ëyo'owëp, yë Dios janty'oy yë jot winma'any tmëëtëty.

Salmos 119:137

Wintsën, mwa'ats mijts ets aak tëyajtën winë xytyuny, tëkokyë yë m'aaw m'ayuk aak tim tëyajtën yë'ë.

Ezequiel 7:16

Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.

Josue 22:15

Tä ojts tyu'upëktë ets jam jyajtë Galaad ma ënety jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë:

Esdras 1:4

E pën tso'ontëp ma ja nyaax kyajpnëtyën ma tyam y'itën, wä'än ja myëjëën myëtëjk tputëkëtë mëët ja wit meeny, jëyujk tsajpkaa, ets ja ayajk ako'onën mëti'ipë yajtukniyajkëpën ja Wintsën ja jyëën tyëjk jam Jerusalén.

Nehemías 9:8

M'ijx ko mijts ënety mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.