Esdras 8:17 - Biblia Dc en Mixe de Quetzaltepec

¹⁷ ets nëjkx t'ixtë ja Idó, mëti'ipë jam kutuunk'ajtpën Casifiá jëyëjp yajtukmëmëtyaktaaytyë wi'ix t'ënëëmëtëty ja Idó ets ja myëku'uktëjkëty mëti'ipë jam tuuntëpën ma tsajptëjkën jam Casifiá, yë'ë y'amëtoowtëp ets pyaminëtëty ja ja'ay mëti'ipë tuntëpën ma ja Wintsën ja tsyajptëjkën.

Biblia Mixe de Quetzaltepec

¹⁷ ets nëjkx t'ixtë ja Idó, mëti'ipë jam kutuunk'ajtpën Casifiá jëyëjp yajtukmëmëtyaktaaytyë wi'ix t'ënëëmëtëty ja Idó ets ja myëku'uktëjkëty mëti'ipë jam tuuntëpën ma tsajptëjkën jam Casifiá, yë'ë y'amëtoowtëp ets pyaminëtëty ja ja'ay mëti'ipë tuntëpën ma ja Wintsën ja tsyajptëjkën.

Esdras 8:17 ပူးပေါင်းရင်းမြစ်များ

Esdras 2:43

Yë'ë jap tuuntë tsajptëkoty, ja y'u'unk y'okëty ja Sihá, Hasufá, Tabaot,

Tito 1:5

Ko mijts ojts nyajwë'ëmy jam Creta, yë'ëkyëjxm ets xyaj'apaatëty ja tuunk mëti'ipë ënety jam apaatëjaanpën ets xypyëjkta'akëty mëti'ipë nyimëjja'ay'atëpën ja mëpëjkpëtëjk ma ye'eymyuktën, jëtu'un ijxtëm ënety të ntuknipëkyën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Esdras 7:7

Babilonyë tsyo'ony mëët teetytyëjkëty, Leví ja'ayëty ets ja'ayëty mëti'ipë ëëwtëpën, mëti'ipë tsajptëjktuuntëpën ets mëti'ipë tëjk këwent'ajtëpën ma ja tsajptëjkën, kom wëxtujk jëmëjt ma ënety yajkutukyën yë Artajerjes.

Esdras 2:58

Ko yajmëtyoowmujkta'atë ja ja'ayëty mëti'ipë jap tuuntën ma ja tsajptëjkën ets mëti'ipë tuuntën ma ja Salomón ja tyëjkën ja y'u'unk y'okëty, jä'ä nyiwinë'ajtë, tëkëëk mëko'px ja majkta'px majkmäjtsk.

2 Samuel 14:19

Ënet ja yajkutujkpë yajtëëwë: ¿Yë Joab, yë'ë jëtu'un të m'ënë'ëmxëty etsës yaa xynyiminëty këtiijë? Ets ja to'oxytyëjk y'ëtsooy: Tyamës yajxon nikäjpxy Wintsën, ko tëy ijxtëm m'ëna'anyën. Tëy ko yë Joab mëti'ipë mijts myajtsiptuunpë wintsën'ajtypyën yë'ëjës të xyjyänty kyexy ets yë'ëjës näjyëtu'un të xynyajtskajpxë ijxtëm yam mijts të n'ënëëmën.

2 Samuel 14:3

Tääts mnëjkxëty jam ënä'ämpë wyintum ets jëtu'un ja ayuk xynyiwinpitëty tä yam naskajpxëja'anyën. E ko ja Joab tuk'ëwa'anëtyääy wi'ix ja to'oxytyëjk y'ëna'anëtyën,

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënety ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

1 Crónicas 9:2

Ja ja'ayëty mëti'ipë ojts jatëkok wyimpitën ma ja nyaax kyajpnëtyën ets jatëkok jam tsyënaaytyaknpëjktë, jä'ä ja teetytyëjkëty, Leví jyä'äyëty ets ja mëti'ipë jap tsajptëkoty tuuntëpën.

Esdras 8:16

Ënet yajkäjxtë ja Eliézer, Ariel, Semaías, Elnatán, Jarib, Elnatán, Natán, Zacarías ets Mesulam, aak mëjja'aytyëjkëty ets ojts yajkäjxtëpë ja yaj'ijxpëjktëjkëty mëti'ipë xyëëwajtëpën Joiarib ets Elnatán,