Esdras 8:16 - Biblia Dc en Mixe de Quetzaltepec

¹⁶ Ënet yajkäjxtë ja Eliézer, Ariel, Semaías, Elnatán, Jarib, Elnatán, Natán, Zacarías ets Mesulam, aak mëjja'aytyëjkëty ets ojts yajkäjxtëpë ja yaj'ijxpëjktëjkëty mëti'ipë xyëëwajtëpën Joiarib ets Elnatán,

Biblia Mixe de Quetzaltepec

¹⁶ Ënät yajkäjxtë ja Eliézer, Ariel, Semaías, Elnatán, Jarib, Elnatán, Natán, Zacarías ets Mesulam, aak mëjja'aytyëjkëty ets ojts yajkäjxtëpë ja yaj'ijxpëjktëjkëty mëti'ipë xyëëwajtëpën Joiarib ets Elnatán,

Esdras 8:16 ပူးပေါင်းရင်းမြစ်များ

1 Reyes 3:11

paaty t'ënëmaay: Mëët koos të xy'amëtoy të xypyëjktsoy ya'atë ets ka'ap yë'ëjëty ja yenyjyuukyajtën, ëkë ja wit meeny, ëkë ma ja mëtsip y'ookëty tyëkoyëtyën, ni'ikyë të xy'amëtoy ja wijy'ajtën kujk'ajtën wi'ix winë xymyëtoow'itëtyën ets wi'ix m'ënä'ämëtyën,

1 Crónicas 12:32

Ma ja Isacar ja jyä'äyën, mëti'ipë nyija'awëtyëpën wi'ix ja xëëw po'o myiny kyëtä'äkyën ets tii mëpaat ja Israel ja'ayëty tuntën; jä'ä nyiwinë'ajtë mëti'ipë ojts tniwintsën'atyën nimäjtsk mëko'px ja mëti'ipë nyikopk'ajtën ja jyä'äyëty.

1 Crónicas 26:14

Ja Selemías ko ojts yaj'ijxpëtsëmy ja tyuunk ma nija'awënën jam ojts tyuka'ayë ma ja tëjk'aawën xëëwpëtsëmtsyowpë, e ja myaank Zacarías, mëti'ipë mëjwinkajpxpë ijty ijtpën, yë'ë ojts tyuka'ayë ja tëjk'aaw anëkëjxytsyowpë.

2 Crónicas 2:12

Ets ëpëky, ja aaw ayuk tjaaknikajpxëy ets y'ënäny: Kënu'kxy mëjjawë y'ity yë Wintsën, mëti'ipë y'ëwtajtëpën yë Israel ja'ayëty, mëti'ipë yajkoj pyëjktakën ja tsajp ets naaxwiinyëtë, jä'ä ko tëë tmo'oy yë yajkutujkpë David, tu'uk myaank mëti'ipë wijyën kujkën ets nyija'ap winë, mëti'ipë tyam tyuknipëjktakëpën tkoja'any tu'uk yë tsajptëjk, mëti'ipë tyukmëyoxäämpyën yë Wintsën ets näjyëtu'un tkojja'any tu'uk yë kutujkëntëjk ma y'ënä'äm yajkutukëtyën yë'ë kë'ëm.

Esdras 10:21

E ma ja y'u'unk y'okën ja Harim: Maaseías, Elías, Semaías, Jehiel ets Uzías.

Esdras 10:39

Selemías, Natán, Adaías,

Esdras 8:13

Elifélet, Jeiel ets Semaías, nimäjtskpë yë'ë y'u'unk y'ok yë Adonicam, mëët nitëkë'px ja ye'etyëjktëjk, mëti'ipë ok jaakmiintën.

Esdras 8:15

Ni'ëmukë ojts ntu'ukmujkta'atës jam nëë'ëkë'ëm ma txëëwatyën Ahavá, tëkëëk xëëw jam n'ijtës. Ko yaj'ijxmujktaay ja ja'ay pënjaty ënety jam yajpatpën, ka tu'uk kyayajpaty Leví ja'ay.

Esdras 8:17

ets nëjkx t'ixtë ja Idó, mëti'ipë jam kutuunk'ajtpën Casifiá jëyëjp yajtukmëmëtyaktaaytyë wi'ix t'ënëëmëtëty ja Idó ets ja myëku'uktëjkëty mëti'ipë jam tuuntëpën ma tsajptëjkën jam Casifiá, yë'ë y'amëtoowtëp ets pyaminëtëty ja ja'ay mëti'ipë tuntëpën ma ja Wintsën ja tsyajptëjkën.

Esdras 8:18

E ja Wintsën tyuun ja mëyajtën, miin ja Serebías, Leví ja'ay, yë'ë y'ok yë Mahli, mëët tyimmiiny ja y'u'unk y'ëna'k ets ja myëkä'äxtëjk; nimajkmokxtëkëëk nyiwinë'ajtë.

Proverbios 2:6

Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Proverbios 20:5

Mëti'ipë ja'ay ayu'utsy winë myëmääpy myëtäjpyën, jëtu'un yë'ë tä tu'uk yë këk nëë'akëyën; e ja'ay mëti'ipë wijyën pojën tnijawë.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

2 Timoteo 2:7

Winmay wintaj mëti'ipës nnikäjpxypën, ja Wintsën mtukja'akyukëtëp tu'kë'ëyë winë.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.