Esdras 7:6 - Biblia Dc en Mixe de Quetzaltepec

⁶ Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Biblia Mixe de Quetzaltepec

⁶ Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Esdras 7:6 ပူးပေါင်းရင်းမြစ်များ

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Esdras 5:5

E ja Wintsën mëët jä'äkyëjxm ko yë'ë kë'ëm Kyëwent'ajtyp ja jutië ja'ayëty mëti'ipë ja tuunk yajtu'uye'eytyëpën, ka'ap ojts ja tuunk wya'akwë'ëmy, je'eyëm tyu'uye'ey; koonëm ja aaw ayuk tuknikäjxtë ja yajkutujkpë Darío ets jä'ä t'ëwxijtë ja Darío ja y'ëtsoowinpijtën.

Esdras 6:22

Wëxtujk xëëw tnixëëwtuuntë ja tsajpkääky ka'apë tsyooymyëëtëtyën, jä'ä ko mëjwiin ojts tja'awëkyëta'aktë ko Persië yajkutujkpë pyutëjkëy ma ja Wintsën ja tsyajptëjk ënety të kyojyën, mëti'ipë ja Israel ja'ay y'ëwtajtëpën.

Esdras 7:21

E ëjts yajkutujkpë Artajerjes, tyamës ja ënä'ämën npëjktä'äky ets ja kutuunktëjkëty jampë yajpaatën xëëwkëtä'äky wiinkonpë ma Éufrates nëëjën ets tmo'otëty tii tyim amëtoowpyën yë teety Esdras mëti'ipë yaj'ijxpëjkpën,

Esdras 7:28

ets mëët ko tyajnikëxë'ëky ja y'oyjyot y'oywyinma'any ma ja yajkutujkpën ets ma ja wintsëntëjkën ets ko të xymyo'oyës ja amëk'ajt jotmëk'ajtën ets tyu'ukmuktë ja mëjja'aytyëjkëty, Israel ja'ayëty ets të yajkäjpxy'äty ko jatëkok nwinpita'antës jam Jerusalén.

Esdras 7:5

Abisúa, Finees, Eleazar ets Aarón, mëti'ipë më''ëka'any teety'ajtën.

Esdras 8:1

Yaa ja xyëëw myintë ja ye'eytyëktëjkëty mëti'ipë nyikopk'ajtën ja jyiiky myëku'ukëty, mëti'ipë yajaamyujktën, ko ja yajkutujkpë Artajerjes yajkutujky, mëti'ipë winpijtën mëët ja Esdras jam Babilonyë, ma jam tsyo'ontën ets nyëjkxnëtë jam Jerusalén.

Esdras 8:18

E ja Wintsën tyuun ja mëyajtën, miin ja Serebías, Leví ja'ay, yë'ë y'ok yë Mahli, mëët tyimmiiny ja y'u'unk y'ëna'k ets ja myëkä'äxtëjk; nimajkmokxtëkëëk nyiwinë'ajtë.

Esdras 8:22

Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënety kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Esdras 8:31

Ma myajkmäjtsk anyën ja mëët tu'uk po'opë, ma jajëmëjt tsyo'ontä'äkyën, jää jam ëëts ntso'ontë ma Ahavá mëjnëëjën ets ojts nëjkxtës jam Jerusalén. Mëj këjää yë Wintsën xypyutëjkëtyës, ka'apës maa wi'ix njajtë ets ka'ap ma pën ojts xy'atsë'ëk xy'ajawëtës.

Nehemías 12:26

Ya'atë ja'ayëty jää jyuuky'ajtë ma yajkutujkyën yë Joaquim, myaank yë Josué ets yë'ë Josadac y'ok'u'unk; ets ma yajkutujkyën yë Nehemías ets ma ja teetyën ets yaj'ijxpëjkpë Esdras jyuuky'äjtyën.

Nehemías 12:36

ëpëky ja jyiiky myëku'ukëty mëti'ipë xyëëwajtëpën Semaías, Azarel, Milalai, Guilalai, Maai, Natanael, Judá ets Hananí, mëti'ipë ijty tyukxuxtëpën ja xuxn mëti'ipë David jyä'äy'ajtën, mëti'ipë myëtuunën ja Wintsën. Jam jëjp'am jam nyijkxy ja yaj'ijxpëjkpë Esdras.

Nehemías 2:12

tsu'umës ojts tma'aypëti'iky, etsës ntso'ony mëët tu'uk mäjtsk nja'ayës, ni pënës nkatuk ëwaanë mëti'ipës ënety ja Wintsën të xytyuk'ëne'emyën ntunëtyës mëët yë Jerusalén. Yi'iyës ojts nyajnëjkxyës yë njëyujkës mëti'ipës ntukpo'kxypyën.

Nehemías 2:18

Koos ntukmëmëtyaktaaytyë wi'ix ënety ja Wintsën mëj këjää të xypyutëkësën ets wi'ix ënety ja yajkutujkpë janty'oy të xy'ëëw'ëtsoy xykyäjpx'ëtsoyësën, ënät y'ëtsoowtë: Wi'ix ko nkatuuntso'onëm, tsojk niwa'këm yë tuunk. Tääts jëtu'un xim yam nyäjyotkujkmooyëtë.

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënety ja Wintsën mëët ja pyutëjkën nmëtä'äkyës.

Nehemías 4:15

Koos ja nmëtsiptëjk tnija'awëtyë ko jëjp'ixy ënety nyajpaatës ets ko tëë ja Wintsën tjijtma'ta'ay ja winma'any tä të tjanipëjktaakëtën, ënät jatëkok ntuuntëjkëtyës ets mpataaytyës nijä'äjaty ja ntuunkëtyës ma ja potsy n'akojëtënës.

Nehemías 8:1

Ënet ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.

Nehemías 8:13

Komjëpom myujktë ja mëjja'aytyëjk, teetytyëjkëty ets Leví ja'ayëty ets t'ixpëka'antë mëët ja yaj'ijxpëjkpë Esdras ja aaw ayuk mëti'ipë ja ënä'ämën tëyajtën nyimëtyäkpyën,

Nehemías 8:4

Ja yaj'ijxpëjkpë Esdras jam ojts kyuwa'akë ma tu'uk kepyën tënaaypyäjn, mëti'ipë yë'ë të tyimyajtuktsätsën. Tam ënety näjyëtu'un pya'atänëty a'oytsyow yë Matatías, Semá, Anías, Urías, Hilquías ets yu Maaseías. Tam ënety näjyëtu'un pya'atänëty y'anajny'äämpy yë Pedaías, Misael, Malquías, Hasum, Hasbadana, Zacarías ets Mesulam.

Nehemías 8:9

Ko ja ja'ay tmëtoow'ijtë ja ënä'ämën ets tja'akyujkëtyë wi'ixjaty y'ënä'änyën tä tyëjkëtyë jëëpyë yaxpë, ko jëtu'un t'ijxy ja yajkutujkpë Nehemías ets ja yaj'ijxpëjkpë Esdras ënät t'ënëmaaytyë ja naax kajpn ko këtii myontëty tyuktëty jä'ä ko ja xëëw po'o jä'ä ënety ja Wintsën të yajtuknipëjktaakë ets jää yajmëjjaw yajaantyjyawëty.

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kuttujkën mëti'ipë jaantyëtypë.

Salmos 109:27

Wä'än tnijawëtë ko mijts jëtu'un mWintsën'ajtp, mijts winë të xytyuny të xykyäjpxy mëët yë mmëkajtën.

Salmos 147:19

Yë Jacob, mëti'ipë näjyëtu'un yajtijpën Israel, ojts yajtuknijawë yë y'aaw y'ayuk ets y'ënä'ämën tyiyajtën.

Salmos 45:1

Janty oypyë yë aaw ayuk tyam nmääpy ntäjpyës; yë nyä'änës jëtu'un të tii yajtukja'ayën mëti'ipë jääpyëtëjk tyukjaaytyëpën. Tyam nkajpxa'anyës ja ayuk mëti'ipë oy yajmëtoopën, yajkutujkpë wyintuuy.

Salmos 80:18

ets jëtu'un ka'ap nijëna'a ëëts ëpëky nyajpaatëty mëët mijts, mooytyëkës ja juukyajtën ets mijts atu'uk myajja'amyätsëty.

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Isaías 59:1

Yë Wintsën yë myëk'ajtën ka'ap jëtu'un kyixy nyäxy tä oy tiijën ets ka'ap yajnitso'okëty, ka'ap nyatëty ets pën y'ëna'anëty ko ka'ap myëtoy.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Mateo 13:52

Ënet ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kuttujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Mateo 23:2

Yë tsajptëkotyëtë yaj'ijxpëjkpëtëjk ets fariseë ja'ayëty, mëti'ipë ënä'ämën tëyajtën nyija'awëtëpën, yë'ë kyajpxnajxtëp mëti'ipë ja Moisés ojts tni'ënä'ämën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

1 Corintios 1:20

¿Maa ja ixpëkyjyä'äy, ja yaj'ijxpëjkpë ets mëti'ipë tii nyimëtyaktëpën të nyëjkxta'atë? Dios, tsuuwinma'any të tpëjktä'äky ja wijyajtën kejyajtën naaxwiinypë.

1 Corintios 15:1

Mëku'uktëjkëty, ja'amyätstë miits ja oy aaw oy ayuk mëti'ipë të ntuk'ëwaanëtën, yë'ë ya'atë aaw ayuk mëti'ipë miits të xykyupëktën ets yë'ë tyam tu'ukyë myaj'ijtëtëp.

Deuteronomio 28:1

Pën mjantymyëmëtoopyën yë mWintsën ets mpatuunëp ja y'ënä'ämën tyiyajtën, mëti'ipë tyam të ntuk'ëne'emyën, yë Dios mëj myajnaxa'anyë ets akäjpxy nëjkx muum m'ity wiink naax wiink kajpn.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.