Esdras 7:13 - Biblia Dc en Mixe de Quetzaltepec

¹³ Tëës ënä'ämën nyajwë'ëmy ma tëkokyë yë Israel ja'ayëtyën mëti'ipë yaa ijtëpën tsënaaytyëpën ma ja it naaxwiinyëtën mëti'ipës n'ëne'empyën ets nyëjkxëty mëët mijts jam Jerusalén pën nëjkxantëp, wä'än teetyëty ëkë wä'än Leví ja'ayëty.

Biblia Mixe de Quetzaltepec

¹³ Tëës ënä'ämën nyajwë'ëmy ma tëkokyë yë Israel ja'ayëtyën mëti'ipë yaa ijtëpën tsënaaytyëpën ma ja it naaxwiinyëtën mëti'ipës n'ëne'empyën ets nyëjkxëty mëët mijts jam Jerusalén pën nëjkxantëp, wä'än teetyëty ëkë wä'än Leví ja'ayëty.

Esdras 7:13 ပူးပေါင်းရင်းမြစ်များ

Esdras 6:1

Ënet ja yajkutujkpë Darío, ni'ënä'ämëy ets yaj'ixta'ajëty ya'atë noky mëti'ipë pëjkë'ëky yaj'ijtëpën ja Babilonyë ja'ayëty,

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Salmos 148:6

Yë'ë ojts tyajta'tspëky winë ets y'itëty xëmëkyëjxm, ojts tyajwë'ëmy tu'uk ja ënä'ämën këtiipë pën tyajma'atëty.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Ester 9:14

Ja yajkutujkpë ojts tkupëky. Ënet ojts yajkajpxwä'kxy ja ënä'ämën jam Susa ets ja okpë yajkutëëytyë, ja nimajkpë Amán ja y'u'unk y'ëna'k.

Ester 3:15

Ja noky ënätyë ye'eywya'kxtaay, jä'ä ko jëtu'un ënety ja yajkutujkpë të tni'ënä'ämë, ya'atë noky ojts jam Susa yajkajpxwä'kxy. E ja yajkutujkpë uktëp mukëtëp ënety jap mëët ja Amán, tyam ja ja'ayëty mëti'ipë jam Susa kukajpnajtëpën myoontëpë tyujktëpë.

Esdras 5:13

Kom ok tu'uk ja yajkutujkpë mëti'ipë xyëëwajtypyën Ciro, Babilonyë ja'ay ojts tyajkutuky ets ya'atë tsajptëjk jatëkok yajkoj'oyëty.

Esdras 1:3

E paatyës yam nyikäjpxy, pën jää yaa pën mëti'ipë jam kukajpn'ajtpën ma Wintsën nyaax kyajpnën, yë Wintsën putëkëtëp ets nyëjkxtëty jam Jerusalén, ma Judá y'itjotmën, ets tkojtëty ja tsajptëjk, ja Wintsën Tsyajptëjk mëti'ipë yë Israel ja'ayëty y'ëwtajtëpën, jä'ä ko tääpë Wintsën yi'iyëm jam kukajpn'ajtp Jerusalén.

2 Crónicas 30:5

tä tkajpxwa'kxtaaytyë ja aaw ayuk, tyajtso'ontaktë jam Beerseba jampaat Dan, ma twoowtsowtën ja ja'ayëty ets myintëty jam Jerusalén xëëw'ajtpë, ma yajmëjjawëja'anyën ja ëmaayxyëëw mëti'ipë ja Wintsën jyä'ä'ajtypyën, mëti'ipë ja Israel ja'ayëty y'ëwtajtëpën. Jä'ä ko ka'ap ijty nëkooyë ja'ay jëtu'un ya'atë xëëw tnimintë, jëtu'un tä ënety jyaminyën kuja'ay.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Dios mëti'ipë Daniel y'ëwtajtypyën. Jä'ä ko juuky Dios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.