Esdras 7:1 - Biblia Dc en Mixe de Quetzaltepec

¹ Kom ok, ma ënety yajkutukyën yë Artajerjes jam Persië, ojts jam jyuuky'äty tu'uk ja'ay mëti'ipë xyëëwajtypyën Esdras, yë'ë y'u'unk y'ok yë Seraías, yë Azarías ets Hilquías,

Biblia Mixe de Quetzaltepec

¹ Kom ok, ma ënäty yajkutukyën yë Artajerjes jam Persië, ojts jam jyuuky'äty tu'uk ja'ay mëti'ipë xyëëwajtypyën Esdras, yë'ë y'u'unk y'ok yë Seraías, yë Azarías ets Hilquías,

Esdras 7:1 ပူးပေါင်းရင်းမြစ်များ

2 Reyes 22:4

Nëjkx xy'ixy yë Hilquías, mëti'ipë nyikopk'ajtypyën yë teetytyëjkëty ets xy'ënëëmëty, ko wä'än t'ijxmujkta'ay yë meeny mëti'ipë jap tsajptëkoty yë ja'ay myëmiintëpën ets näjyëtu'un mëti'ipë të tyajmuktën ma ja'ay jam kyëpätën tsajptëjk ëkë'ëm,

2 Reyes 22:8

Tä ja Hilquías, mëti'ipë teety wintsënën, tukmëmëtyäky ja Safán, mëti'ipë ja noky kyëwent'ajtypyën ma jap winë myiinta'ayën kuja'ay, ko tëë ënety tpaaty tu'uk ja noky jap tsajptëkoty ma myinyën kuja'ay ja ënä'ämën tëyajtën ets tukë'ëtëjkëy ja Safán ets ojts tkäjpxy.

2 Reyes 25:18

Ja ja'ay mëti'ipë ja tsiptuunpë nyiwintsën'ajtypyën, ojts näjyëtu'un tmatsy ja teety wintsën mëti'ipë txëëwajtpën Seraías ets ja Sofonías, nän teety näjyëtu'un mëti'ipë ënety mëët tyunyën ets ëpëky tëkëëk ja tsajptëjk kutuunk mëti'ipë ijty ja tsajptëjk'aaw y'atënaaytyëpën ets kyëwent'ajtëpën.

1 Crónicas 9:11

Azarías, myaank yë Hilquías, myaank yë Mesulam, myaank yë Sadoc, myaank yë Meraiot, myaank yë Ahitub, mëti'ipë jap mëj'äämpy tuumpën ma ja Wintsën ja jyëën tyëjkën;

2 Crónicas 34:15

Tääts ënätyë tuk'ëwa'anëy ja Safán, mëti'ipë kyujääpyën winë ets tkë'ëmooy ja noky.

2 Crónicas 34:9

E tyaapë ja'ayëty ënätyë ojts tninëjkxtë ja teety Hilquías ets tukë'ëtëjkëtyë ja meeny mëti'ipë ja ja'ay yajktën ma tsajptëjkën ets mëti'ipë ja Leví ja'ayëty ënety të tyajmuktën ma ja Manasés ja'ayëtyën, Efraín ja'ayëty, Judá ja'ayëty, Benjamín ja'ayëty ets Jerusalén ja'ayëty, mëti'ipë wë'ëmtën jam Israel.

Esdras 4:7

Ma ënety ja Artajerjes yajkutukyën, jampë Persië yajkutukyën, yë Bislam, Mitrídates, Tabeel ets ja myëku'uktëjk, ojts tnijayëtë ja Artajerjes. Arameë ayuk'äämpy ojts tja'atë ja noky ets mëët wi'ix nyiwijyën.

Esdras 6:14

Jëtu'un'äämpy ja jutië ja'ayëty mëti'ipë ja tuunk tyu'uwinye'eytyëpën ojts tyajtu'utëkëtë ja tsajptëjktuunk, jëtu'un y'atëëy ja y'aaw y'ayuk ja Wintsën ja kyäjpxynyajxpë Hageo ets Zacarías, ja y'u'unk y'ëna'k ja Idó. Tääts y'apatëy ja tuunk jëtu'un tä ënety ja Wintsën të tni'ënä'ämën, mëti'ipë y'ëwtajtëpën ja Israel ja'ayëty, mëti'ipë nyi'ënä'ämëtën ja yajkutujkpëtëjkëty Ciro, Darío ets Artajerjes, jampë y'ënä'ämtën Persië.

Esdras 7:10

Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Esdras 7:12

Tyam ja yajkutujkpë Artajerjes tkajpxpo'kxy ja teety Esdras, yaj'ijxpëjkpë, mëti'ipë nyija'apën ja ënä'ämën tëyajtën ja Wintsën ja jyä'äy tsajpjotmëpë yajpaatyën.

Esdras 7:2

Salum, Sadoc, Ahitub,

Esdras 7:21

E ëjts yajkutujkpë Artajerjes, tyamës ja ënä'ämën npëjktä'äky ets ja kutuunktëjkëty jampë yajpaatën xëëwkëtä'äky wiinkonpë ma Éufrates nëëjën ets tmo'otëty tii tyim amëtoowpyën yë teety Esdras mëti'ipë yaj'ijxpëjkpën,

Nehemías 11:11

ets Seraías, myaank yë Hilquías, myaank yë Mesulam, myaank yu Sadoc, myaank yë Meraiot, myaank yë Ahitub, mëti'ipë jap tsajptëkoty ijtëpën yajpatpën, ma ja nTios'ajtëmë ja tsyajptëjkën.

Nehemías 2:1

Tëkok, ma ënety nisán po'o y'änyën, ma y'i'px jëmëjtpetyën ma ja yajkutujkpë Artajerjes ënety tyunyën, uukyës ënety ja n'apëjkëp, koos ojts xy'ijxpaaty moonp tujkpës ënety,

Nehemías 8:1

Ënet ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.