Esdras 6:21 - Biblia Dc en Mixe de Quetzaltepec

²¹ Ni'ëmukë ja Israel ja'ayëty mëti'ipë ënety të y'itën ëxwopy ixkexy ojts tkaaytya'atë ja kääky uuky mëti'ipë ënety të yajtuknikojën yë ëmaayxyëëw ets may myiintë ja'ayëty mëti'ipë ënety ka'ap të nyätyukpaatëtën ja ëxëëktu'un, ëxëëkajpxën, ka'apë të yajtukwin'ëëntën ja wit meeny; ojts myiinta'atë, tukxoontaktë ja Wintsën, mëti'ipë y'ëwtajtëpën ja Israel ja'ayëty.

Biblia Mixe de Quetzaltepec

²¹ Ni'ëmukë ja Israel ja'ayëty mëti'ipë ënäty të y'itën ëxwopy ixkexy ojts tkaaytya'atë ja kääky uuky mëti'ipë ënäty të yajtuknikojën yë ëmaayxyëëw ets may myiintë ja'ayëty mëti'ipë ënäty ka'ap të nyätyukpaatëtën ja ëxëëktu'un, ëxëëkajpxën, ka'apë të yajtukwin'ëëntën ja wit meeny; ojts myiinta'atë, tukxoontaktë ja Wintsën, mëti'ipë y'ëwtajtëpën ja Israel ja'ayëty.

Esdras 6:21 ပူးပေါင်းရင်းမြစ်များ

Esdras 9:11

mëti'ipë ojts xyjyatuk'ëne'emyën ja mkäjpxynyajxpëtëjk. Ojts xyjyatuk'ëwaanëtës, ko ja naax kajpn ma ënety ëëts ntëkëja'antën ëxëëk ja yajpaaty ets aak toon aak mä'tstëp yë ja'ay, ko aakjä'ä ja ëxëëkpë tyuunk'ajtëp.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Nehemías 9:2

ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënety ja nëë poky tjantytyuntë ets näjyëtu'un ja y'ap y'okëty.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Salmos 93:5

Wintsën, yë m'ënä'ämën mtëyajtën ta'tspëky yajpaaty, Yë mwa'atsajtën yë'ë yaj'oykyëxë'kpy yë mtsajptëjk.

Nehemías 10:28

E ja kunaax kukajpnëty tä ja teetyëtyën, Leví ja'ayëtyën, tëjkëwent'ajtpëtyën, ëëpëty, tuunpëty mëti'ipë tsajptëjk këwent'ajtëpën ets mëti'ipë ëpëky të yajtuknipëktën ets wiinktuunk tuntëty ma tuntëtyën mëti'ipë ja Wintsën nyi'ënä'ämëpën mëët ja y'u'unk tyo'oxytyëjkëty ets y'u'unk y'ëna'këty mëti'ipë maaynyëtëp tajnëtëpën,

2 Crónicas 30:19

pokymyä'kx ya'atë ja'ayëty, oy jëtu'un tkapaatë ja näypyuj näjyä'ätsë tä ja ënä'ämën tëyajtën jyaminyën, japë tsajptëkoty y'ityën.