Esdras 6:20 - Biblia Dc en Mixe de Quetzaltepec

²⁰ Ja teetyëty ets ja Leví ja'ayëty tëë ënety tpaatë ja näypyuj näjyä'ätsë. Tää tkë'ëyajktë ja wintsë'kën ma ja Wintsënën, tnixëëwtuntë ëmaayxyëëw, jä'ä yatukunajxtëp ja Israel ja'ayëty mëti'ipë ënety ëxwopy ixkexy të y'itën ets ja myëku'uktëjkëty teetytyëjkëty ets yë'ëjëty.

Biblia Mixe de Quetzaltepec

²⁰ Ja teetyëty ets ja Leví ja'ayëty tëë ënäty tpaatë ja näypyuj näjyä'ätsë. Tää tkë'ëyajktë ja wintsë'kën ma ja Wintsënën, tnixëëwtuntë ëmaayxyëëw, jä'ä yatukunajxtëp ja Israel ja'ayëty mëti'ipë ënäty ëxwopy ixkexy të y'itën ets ja myëku'uktëjkëty teetytyëjkëty ets yë'ëjëty.

Esdras 6:20 ပူးပေါင်းရင်းမြစ်များ

2 Crónicas 35:11

Tä tyaj'o'ktë ja jëyujk mëti'ipë ja ëmaayxyëëw tyukmëjjawëjantëpën; ja Leví ja'ayëty jä'ä yaj'o'ktë ja jëyujk e ja teetytyëjkëty jä'ä ja ne'pny xyijkxjëtijtëp jam ma wintsë'këntyaknën mëti'ipë ja Leví ja'ayëty yajktëpën.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Dios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

2 Crónicas 29:34

Je'eyëp ko ja teetytyëjkëty ka'ap ojts y'ëkmaayënëtë tni'ääktëty ja tsajpkaa mëti'ipë yajktëpën ja ja'ayëty ets ja Wintsën yajtukwintsë'ëkëty nino'oky nixämy, paatykyëjxm ja Leví ja'ayëty tputëjkëtyë ja teetyëjk, jä'ä ko ja Leví ja'ayëty nikë tëë ënety ja pujën jä'tsën tpaatë këtiinëm ja teetytyëjkëty.

Éxodo 12:21

Ënet ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw.

2 Crónicas 35:14

Ja Leví ja'ayëty ëpëky ja jyä'äjëty tyaj'o'oyëtë mëët ja teetytyëjkëty ja jyä'äjëty, jä'ä ko ja teetytyëjkëty, ka'ap myëtaktë kë'ëm ja jyä'ä tyaj'oyëtëty mëët ko ja tuunk mëk ojts tyuka'ajëtë; kootspaat tyuuntë ets ënu'kxë jyajtë mëët ko tyaktë ja wintsë'kën: ja tsu'utsy ets ja on ma Wintsënën. Paatykyëjxm ja Leví ja'ayëty yë'ë yaj'o'oyëtë ja kääky uuky mëti'ipë ënety ja teety ets ja Aarón ja y'u'unk y'ok patëtëpën.

2 Crónicas 35:15

E ja ëëpë yaxpë mëti'ipë ja Asaf jyä'äy'äjtypyën, ojts ja tyuunk t'atänëtën jëtu'un tä ojts ja David, Asaf, Hemán ets Jedutún tni'ënä'ämëtën. Ja mëti'ipë y'atënaaytyëpën ja tsajptëjk'aaw nijä'äjaty ojts tkëwent'atë; jä'ä ko ja myëku'uktëjkëty mëti'ipë Leví ja'ayëtyën yë'ë ojts tyaj'o'oyëtya'atë winë mëti'ipë kyäytyëpën y'uuktëpën.