Esdras 5:16 - Biblia Dc en Mixe de Quetzaltepec

¹⁶ Tä ja Sesbasar tjanty yajtso'ontäky ja tuunk, tä tnitajëy ja tsajptëjk ja nyipotsy'ëjx; tyampaat yë'ëtsën ëëts ntuunk'ajtëp, ka'anëm y'o'oyëtyä'äynyëm.

Biblia Mixe de Quetzaltepec

¹⁶ Tä ja Sesbasar tjanty yajtso'ontäky ja tuunk, tä tnitajëy ja tsajptëjk ja nyipotsy'ëjx; tyampaat yë'ëtsën ëëts ntuunk'ajtëp, ka'anëm y'o'oyëtyä'äynyëm.

Esdras 5:16 ပူးပေါင်းရင်းမြစ်များ

Esdras 3:10

Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënety ja David të tyajkutukyën, mëti'ipë ënety yë'ë yë Wintsën të tyuk'ëne'emyën.

Esdras 3:8

Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënety jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënety të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

Esdras 5:14

Tëës näjyëtu'un nyajtukmëmëtya'aktës ko ja yajkutujkpë Ciro ojts jatëkok jap tjuuty ma ja Babilonyë ja tsyajptëjkën ja pu'ts pujxn ets poop pujxn mëti'ipë ënety ja Nabucodonosor të tyajpëtsëmyën ma ja tsyajptëjkëtyën ja Israel ja'ayëty jam Jerusalén ets tukë'ëtëjkëy yë Sesbasar mëti'ipë ënety yajkutujkpën.

Esdras 5:15

Ciro ojts tuknipëky yë Sesbasar ets tkë'ëyajkta'ajëty ya'atë apëjk atu'unën ma Israel ja'ayëty tsyajptëjkëtyën, wä'än jatëkok tkoj oyëtë ja tsajptëjk jämyëm ma ojts y'ëk'ijtpën.

Esdras 5:2

Ënet ja Zorobabel, Salatiel myaank ets Josué, Josadac myaank tyëjkëtyë tuunpë ets jatëkok tniwa'këtyë ja tsajptëjktuunk jam Jerusalén, e ja Dios ja kyäjpxynyajxpëtëjk jä'ä jam tyimmëët'ajtyp ets tputëkë.

Esdras 6:15

Ma tyëkëëk anyën yë Adar po'o jää ojts kyoj'apaatë ja tsajptëjk, yë'ë ënety yajkutujkp yë Darío jam Persië.

Hageo 2:18

Tyam, ma y'i'px taxk anyën yë mëtaxtujk po'opë, tëë nyipëtë'ëkë yë ntsajptëjkës.

Zacarías 4:10

Ja ja'ayëty mëti'ipë ka'ap të tmëjpëjkta'aktën ko wäänaty ja tuunk të tyu'uye'ey, nëjkxëp ok tukxoonta'aktë ko ënety ja Zorobabel tyajjëjpëtsëmy ja tuunk. Ënet ja tsajpjotmëtë kukäjpxy xyjyaak ënëmaayës: Ya'atë wëxtujkpë kutë'kxn yë'ë Wintsën yë wyiin jyëjp mëti'ipë tyukjëtijtëtyëpën yë naaxwiinyëtë.

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.

Juan 2:20

E ja jutiis ja'ayëty jëtu'un y'ënëmaayëtë: Wëxtyikxy tëtujk jëmëjt ya'atë mëjtsajptëjk të yajkojy, ¿e mijts tëkëëk xëëw xykyoja'anyë?