Esdras 5:13 - Biblia Dc en Mixe de Quetzaltepec

¹³ Kom ok tu'uk ja yajkutujkpë mëti'ipë xyëëwajtypyën Ciro, Babilonyë ja'ay ojts tyajkutuky ets ya'atë tsajptëjk jatëkok yajkoj'oyëty.

Biblia Mixe de Quetzaltepec

¹³ Kom ok tu'uk ja yajkutujkpë mëti'ipë xyëëwajtypyën Ciro, Babilonyë ja'ay ojts tyajkutuky ets ya'atë tsajptëjk jatëkok yajkoj'oyëty.

Esdras 5:13 ပူးပေါင်းရင်းမြစ်များ

Esdras 6:14

Jëtu'un'äämpy ja jutië ja'ayëty mëti'ipë ja tuunk tyu'uwinye'eytyëpën ojts tyajtu'utëkëtë ja tsajptëjktuunk, jëtu'un y'atëëy ja y'aaw y'ayuk ja Wintsën ja kyäjpxynyajxpë Hageo ets Zacarías, ja y'u'unk y'ëna'k ja Idó. Tääts y'apatëy ja tuunk jëtu'un tä ënety ja Wintsën të tni'ënä'ämën, mëti'ipë y'ëwtajtëpën ja Israel ja'ayëty, mëti'ipë nyi'ënä'ämëtën ja yajkutujkpëtëjkëty Ciro, Darío ets Artajerjes, jampë y'ënä'ämtën Persië.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Jeremias 27:22

Yajmënëjkxta'ajantëp jam Babilonyë ets jeky jam y'ita'any, koonëmës ëjts ntuknipëjktaakëty jëna'a jatëkok wyimpitëty ma të yajmutsoonyën. Ëjts Wintsën, ëjts ënaanp.