Esdras 5:11 - Biblia Dc en Mixe de Quetzaltepec

¹¹ Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Biblia Mixe de Quetzaltepec

¹¹ Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Esdras 5:11 ပူးပေါင်းရင်းမြစ်များ

Génesis 24:3

Ets nikajpx mëët yë Dios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

1 Reyes 6:38

e ma myajktu'uk jëmëjtpetyën ja kyutujkën, ma ja po'o y'änyën mëti'ipë yajtijpën Bul, mëti'ipë mëtuktujkpo'ojën ma tääpë jëmëjtën, jää ojts ja tsajptëjk yajkoj'apety, jëtu'un tä ënety të tuknipëjktaakëtën. Wëxtujk jëmëjt ja Salomón tuunk'ajty.

1 Reyes 9:10

I'px jëmëjt ënety të nyäxy ma ja Salomón tkoj'apatëyën ja tsajptëjk ets ja akujktëjk,

Esdras 5:10

tëëjës näjyëtu'un nyajtëwtë tiijaty ja ja'ay xyëëwajtëp mëti'ipë nyiwintsën'ajtëpën ja tuunk ets yajkuja'ajëty, jëtu'un yajtuk'ëwaanëty ja yajkutujkpë.

Salmos 119:46

Nimëtya'akäämpyës yë m'ënä'ämën mtëyajtën ma ënä'ämpëtëjkëtyën, ets ka'apës ntsëtyuna'any,

Salmos 136:26

Mo'otë yë kukkajpxën ja'awëkyëtakkën yë Dios tsajpjotmëpë y'ityën, jä'ä ko yë tsyojkën jya'awën winë xëëw winë jëmëjt yë y'ijtëy.

Daniel 3:26

E ko jëtu'un kyajpxtaay, ënät ja Nabucodonosor ojts jam nyijkxy jëënjut ëkë'ëm ets mëk yujk'ënany: Sadrac, Mesac ets Abed-negó, miitsëty, Dios Ni'ik Këjxmëpë m'u'unk'ajtëtëp, pëtsëmtë jap ets yam mintë. Ënet nitëkëëk pyëtsëëmtaaytyë jap jëënjutjoty,

Jonás 1:9

Tä Jonás y'ëtsooy: Hebreo ja'ayës ëjts, Wintsënës n'ëwtatyp, mëti'ipë nyiTios'ajtypyën yë juukymyejy ets naaxwiinyëtë.

Mateo 10:32

Pën xynyikajpxpës ma ja'ayën, näjyëtu'unës nikajpxa'any maas ja nTeetyën tsajpjotmëpë.

Lucas 12:8

Tyam miits nëëmëtë, pën oy xynyikajpxpës ma ja'ayëtyën, näjyëtu'un oy yë naaxwiinyëtë ja'ay yë y'U'unk nyikajpxëtëty ma Dios yë y'anklësën.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Romanos 6:16

Miits mnija'awëtëp pën mnäkyë'ëyajkëtëp ijxtëm ja mëtuunpë nitookpyën ma tu'uk ja wintsënën ets tëë m'ëna'antë ko yë'ë xymyëmëtowa'antë; mëtuunpë nitookpyë miitsëty mnaxtë ma tääpë ja wintsënën mëti'ipë mmëmëtoowtëpën; e näjyëtu'untsën miits mnaxtë tä ja mëtuunpë nitookpyën, ko yë'ë xymyëmëtowtë ja poky ets myaj'ookëtë, ëkë ko xymyëmëtowtë ja Dios ets mjuuky'atë ma ja oypyë ja nipaye'eyën.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.