Esdras 4:7 - Biblia Dc en Mixe de Quetzaltepec

⁷ Ma ënety ja Artajerjes yajkutukyën, jampë Persië yajkutukyën, yë Bislam, Mitrídates, Tabeel ets ja myëku'uktëjk, ojts tnijayëtë ja Artajerjes. Arameë ayuk'äämpy ojts tja'atë ja noky ets mëët wi'ix nyiwijyën.

Biblia Mixe de Quetzaltepec

⁷ Ma ënäty ja Artajerjes yajkutukyën, jampë Persië yajkutukyën, yë Bislam, Mitrídates, Tabeel ets ja myëku'uktëjk, ojts tnijayëtë ja Artajerjes. Arameë ayuk'äämpy ojts tja'atë ja noky ets mëët wi'ix nyiwijyën.

Esdras 4:7 ပူးပေါင်းရင်းမြစ်များ

2 Reyes 18:26

Tääts ja Eliaquim, Sebná ets ja Joah t'ëtsoowtë ja Asiria tsiptuunpë: Tun yë mëyajtën harameo ayuk tukmëkajpxtëkës, ëëtsëty wa'ats nja'akyukëtëty, këtiis xymyëkajpxtë mëët yë hebreo ayuk jä'ä ko yë ja'ayëty mëti'ipë jam potsykyëjxm ku'ijxnajxtëpën wa'ats jam tmëtowtë.

Esdras 4:1

Ko ja Judá ets ja Benjamín myëtsiptëjk tnija'awëtyë ko tëë jatëkok wyimpitë ja Jerusalén ja'ayëty ma ja nyaax kyajpnëtyën ets ko tam tkojjë'ëktë ja Wintsën ja tsyajptëjk, mëti'ipë ja Israel ja'ayëty Tyios'ajtëpën,

Esdras 4:17

Ënet ja yajkutujkpë Artajerjes tyuknikäjxëtë ya'atë ja aaw ayuk: Yajtuknikexy ya'atë noky ja Rehúm, tsiptuunpë wintsën ets ja Simsai, mëti'ipë jääpyën ets ja myëku'uktëjk jampë tsyëënëtën Samaria ets mëti'ipë jam tsënaaytyëpën maatsow xëëw pyëtsimyën ma ja Éufrates mëjnëë nyäxyën: Tyam nkajpxpo'kxtë,

Esdras 4:8

Yë Rehúm mëti'ipë tsiptuunpë wintsënën ets Simai mëti'ipë jääpyën, yë'ë kyäjxtë ja noky ets tmooytyë ja Artajerjes, ma tni'ëënëtën ja Jerusalén ja'ayëty.

Esdras 4:9

Jëtu'un ojts ja noky kyojy mëti'ipë kyäjxtën ja Rehúm, mëti'ipë tsiptuunpë wintsën'ajtpën ets ja Simsai mëti'ipë jääpyën mëët ja myëku'uktëjk mëti'ipë yajkutujktëpën, mëti'ipë poky nyipaye'eytyëpën ets mëti'ipë kutuunk'ajtëpën jam Persië, Erec, Babilonyë ets Susa, ja kanaakpë ja kajpn mëti'ipë ja Elám nyitënääpyën ets maajaty tëkokyë yë kajpnën mëti'ipë jam yajpatëpën ma tsyënaaytyaknpëjktën ja ja'ayëty mëti'ipë yajnëjkxën tsumy matsy ja Asnapar ets maajaty ja it naaxwiinyëtën mëti'ipë xëëwkëtä'äkytsyow yajpatëpën ma Efrates nëë nyäxyën: Jëtu'un ja noky tyaj'ëna'antë: Tyam ëëts nijayëtë ja yajkutujkpë Artajerjes, ëëtsëty ja tyuunpëty mëti'ipë tsënaaytyëpën maatsow yë xëëw kyëtä'äkyën, winkon ma mëjnëë nyäxyën mëti'ipë txëëwajtpën Éufrates:

Esdras 5:6

Ojts tu'uk ja noky tnijaaytyu'utë mëti'ipë kyäjxtën ja Tatenai, jampë yajkutukyën Éufrates winkon mëët ja Setar-boznai ets ja myëku'uktëjk jampë näjyëtu'un y'ënä'ämtën winkon ma Éufrates nëëjën,

Esdras 7:1

Kom ok, ma ënety yajkutukyën yë Artajerjes jam Persië, ojts jam jyuuky'äty tu'uk ja'ay mëti'ipë xyëëwajtypyën Esdras, yë'ë y'u'unk y'ok yë Seraías, yë Azarías ets Hilquías,

Esdras 8:36

Ok ojts ja kutuunktëjkëty yajtuknijawëtë wi'ix ënety ja yajkutujkpë ja ënä'ämën të tyäkyën, ma ja kutuunktëjkëtyën mëti'ipë jam yajpatëpën ma ja Éufrates y'itjotmën, mëti'ipë ojts pyutëkëtën ko ja naax kajpn tkoj'o'oyëtë ja tsajptëjk.

Nehemías 2:1

Tëkok, ma ënety nisán po'o y'änyën, ma y'i'px jëmëjtpetyën ma ja yajkutujkpë Artajerjes ënety tyunyën, uukyës ënety ja n'apëjkëp, koos ojts xy'ijxpaaty moonp tujkpës ënety,

Isaías 36:11

Ënet ja Eliaquim, Sebná ets Joah t'ëtsoowtë ja Asiria ja'ay mëti'ipë tsiptuunpë nyiwintsën'ajtypyën: Tun mëyajtën, arameë ayukës tukmëkajpxtëk ka'apës nwinjawëtë hebreo ayuk, jä'ä ko tam ja'ay potsykyëjxm jyatëtë wa'ats jam tmëtowtë.

Daniel 11:2

E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.

Daniel 2:4

Ënet ja wijyjyä'äytyëjkëty ojts t'ëtsowtë ja yajkutujkpë mëët yë arameë ayuk: Mëj'äämpy yë yajkutujkpë y'ity. Tukmëmëtyaktëk ëëtsëty mëti'ipë të xywyinkuma'ayën ets yam myajtuknijawëty tii jëtu'un ja mkuma'ay jyatijäämpyën.