Esdras 4:6 - Biblia Dc en Mixe de Quetzaltepec6 E jää ma tyëjkëyën yë yajkutujkpë Asuero, jää tu'uk yë noky tkäjxtë yë myëtsip yë Israel ja'ayëty ets tuknikäjxtë ja Asuero, jä'ä yajni'ë'ënëtyëp ja Judá ja'ayëty ets ja Jerusalén ja'ayëty. အခန်းကိုကြည့်ပါ။Biblia Mixe de Quetzaltepec6 E jää ma tyëjkëyën yë yajkutujkpë Asuero, jää tu'uk yë noky tkäjxtë yë myëtsip yë Israel ja'ayëty ets tuknikäjxtë ja Asuero, jä'ä yajni'ë'ënëtyëp ja Judá ja'ayëty ets ja Jerusalén ja'ayëty. အခန်းကိုကြည့်ပါ။ |
Ënet ja Amán t'ënëmaay ja yajkutujkpë Asuero: Maajaty ja yajkutujkpë t'ëne'emyën ja naax kajpn, tää tu'uk kajpn mëti'ipë tëkatsy juukyajtpën; wiink ja wyinma'any tmëëtëty, ka'ap jyëtu'unëty tä ja nimaypyë ja kajpnën, jä'ä ko ka'ap tpatuntë ja ënä'ämën mëti'ipë mijts yajkutujkpë të xyjyanikäjpxyën. Tyaapë kajpn ka'ap y'oyëty ko je'eyëm yajpaat'ëtë'ëtsy ma mijts m'ëne'emyën myajkutukyën.
E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.
Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.