Esdras 4:20 - Biblia Dc en Mixe de Quetzaltepec

²⁰ jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Biblia Mixe de Quetzaltepec

²⁰ jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Esdras 4:20 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

1 Reyes 4:24

Ko jëtu'un winë nyipety, yë'ëkyëjxm ko ja Salomón aakyë'ë ënety y'ënä'ämtääpy tëkokyë ja naax kajpn mëti'ipë jam yajpatëpën matsow xëëw kyëtä'äkyën ma yajtijyën Éufrates, tsyo'ontä'äky jam Tirsá, tyimja'ty jampaat Gaza, aak ojts yë Salomón ya'atë ënä'ämpëtëjk tmëmëtakta'ay ets ko ënety nimay mëët ja näykyajpx'oyë të tuny.

1 Reyes 5:1

Ko ja Hiram, jampë y'ëne'emyën Tirë, tnija'awëy ko jä'ä ja Salomón të tyëjkënë yajkutujkpë, ja David ja myaank ets tkutëkë ja tyeety; ënät tkejxy ja kyutënääpyë jam ma ja Salomón, jä'ä ko Hiram oy ijty mëët nyäjyawëty yë David.

1 Reyes 5:4

E tyam tëëjës yë Wintsën ja jotkujk'ajtën xymyo'otës oymyaajëty, tyam ka'apës ma pën xymyëtsip'atë.

1 Crónicas 18:13

David ojts jam jyä'äy t'ëxmatsy mëti'ipë tsiptuuntëpën ma ja Edom y'itjotmën, tëkokyë Edom ja'ayëty aakyë'ë David ojts y'ënä'ämta'ajëtë; David yajxon ënety Wintsën pyutëkëty oy matsow tyimnëjkxy.

1 Crónicas 18:3

David nän ka'ap tyajmëtäky ja Hadad-ézer, jampë Sobá yajkutukyën, jamtsowpë yajpaatyën ma Hamat y'itjotmën, jää ojts ka'ap y'ëkmëtaknë ma ënety tniwa'akanën ja Éufrates mëjnëë itjot.

1 Crónicas 18:6

Ojts ja David jam ja tsyiptuunpëtëjk tyajwë'ëmy Damaskë, ja Siria ja'ayëty ojts tmëtuntë ja Israel ja'ayëty ets ojts yajtukupëktë ets kyëpätëty. Jëtu'un ijty ja David xëmë Wintsën pyutëkëty oy maa tyimnëjkxy.

1 Crónicas 19:19

Ko ja Hadad-ézer jyä'äy t'ixjtë ko ka'ap ja Israel ja'ayëty të yajmëta'akëtë, ënät tkajpx'o'oyëtë mëët ja David ets jä'ä ojts ja David tu'ukyë tim myëtuunëtë. Jä'ä xëëw ojts ja sirië ja'ayëty y'ënanëtë ko ka'ap nijëna'a ja Amón ja'ay t'ëkputëkëjanëtë.

2 Crónicas 17:11

Ni'ikyënëm ja filistejë ja'ayëty tmëmiintë winë tä apëjk atu'unënyën, tä pu'ts pujxnën, poop pujxnën ets näynyamo'ojë. Näyjyëtu'un ja Árabe ja'ayëty ojts tmëmintë wëxtujk mil ja wëxtujk mëko'px yë kupixyny ets näjyëtu'un ja tsajppax.

2 Crónicas 9:14

ëpëky mëti'ipë ja ato'kpëtëjk ets ja tu'uye'epyëtëjk kyëpäjtëpën. Näy ëpëky mëti'ipë ja Arabië yajkutujkpë ets ja wiinkëtypë ja yajkutujkpëtëjk myëmiintën, näjyëtu'un ja pu'ts pujxn ets ja poop pujxn ets tmo'otë ja Salomón.

Esdras 4:13

Ets näjyëtu'un ntuknijawëtë ko pën ya'atë naax kajpn yaj'o'oyëp jatëkok ets pën yajpojts'o'oyëtyääpy ja pya'a nyux, ya'atë ja'ayëty kajts ja ënät y'ayakëja'an y'akonëja'antëty ets ko ënät jyëtu'un'atëty maajën ja wit meeny tsyoonëty.

Esdras 4:16

E paaty ëëts ja nkutujkpëty ntuk'ëwaanëtë pën ya'atë naax kajpn yajkoj'o'oyëp jatëkok, ëëts ja nkutujkpëty tëkooyaanp ja mëjwiin këjää ets ka'ap nëjkx t'ëkjëkyäjpnë y'ënä'ämëty jam Éufrates.

Esdras 4:19

e tëëtsës ja ni'ënä'ämë ets tuntëty ja paye'eyën. E janty tëy jëtu'un ojts tääpë ja'ayëty tëëyëp ëxëëk jyänty ëtë'ëtstë, ojts tnikäjpxytyunëtë yë yajkutujkpë kanaak'ok mëti'ipë ojts jya'ënä'äma'antën,

Esdras 4:21

E paaty yam mijts n'ënëëmëtë ets xy'ëtuktëty tääpë tuunk, wä'än jëtu'unyë t'ëwxitynyëm ëjtsnëm kë'ëm jatëkok nikajpxëp.

Esdras 7:24

Mëk xyjyä'ämyätstëty ko ja'ayëty mëti'ipë tuuntëpën ma tsajptëjkën, tä yë teetyën, Leví ja'ayëty, tsajptëjk këwent'ajtpëty, tsajptëjk atënääpyëty, pätpë ja'axpëty mëti'ipë tuuntëpën ma tsajptëjkën ka'ap tjëkyepy kyëpätëty ets ka'ap tjëkyepy ni'ikyë tii n'amëto'owmëty.

Salmos 72:8

Wä'än yë'ë t'ënä'ämta'ay yë naaxwiinyëtë ja'ay mapaat yë mëjnëëmejy nyäxyën ets mapaat jyä'tyën, tsyo'onta'akëty jam ma Éufrates mëjnëëjën ets jampaat ma naaxwiinyëtë jyëjpkëxyën.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Ezequiel 19:11

Mëjatyëty ojts xye'enty tpëjktä'äky, ojts yë yajkutujkpëtëjk tajk'atë, këjxm yajxon yoony, jampaat kyu'ujty yootsjotm.

Mateo 9:9

Ko ja Jesús jam tsyo'ony, ënät ojts t'ijxpaaty tu'uk ja ja'ay mëti'ipë xyëëwajtypyën Mateo. Jam ënety ja Mateo y'u'unyë ma ja Roma yajkutujkpë yajmëkëpetyën ets t'ënëmaay: Pamiinkës. Ënet ja Mateo wya'kujkëy ets tpatso'ony.