Esdras 4:12 - Biblia Dc en Mixe de Quetzaltepec

¹² Tyam ëëtsëty nikajpxtë ets mijts myajtuknijawë ko ja jutië ja'ayëty mëti'ipë të xykyexyën ets wyimpitëty ma nyaax kyajpnëtyën yaa Jerusalén maas ntsëënëtën, tëëjës ja jya'të ets tëë ja tniwa'aktë ja tsajptëjktuunk ma ya'atë ja naax kajpnën mëti'ipë käjpxy kyumëtoownajxtëpën ets ëxëëkpë kyajpn'atyën. Tëë ja potsy'ëjx tyaj'o'oyëtya'atë ets tam ja potsy këjää tnayajtu'uye'eynyëtë.

Biblia Mixe de Quetzaltepec

¹² Tyam ëëtsëty nikajpxtë ets mijts myajtuknijawë ko ja jutië ja'ayëty mëti'ipë të xykyexyën ets wyimpitëty ma nyaax kyajpnëtyën yaa Jerusalén maas ntsëënëtën, tëëjës ja jya'të ets tëë ja tniwa'aktë ja tsajptëjktuunk ma ya'atë ja naax kajpnën mëti'ipë käjpxy kyumëtoownajxtëpën ets ëxëëkpë kyajpn'atyën. Tëë ja potsy'ëjx tyaj'o'oyëtya'atë ets tam ja potsy këjää tnayajtu'uye'eynyëtë.

Esdras 4:12 ပူးပေါင်းရင်းမြစ်များ

2 Reyes 18:20

¿Ëkë jä'äjën m'ëna'any ko ja aaw ayuk oypyë yajmëtoyën näjyëtu'un yë tsyowpaaty tä ja jot winma'anyën mëti'ipë yajmëët'ajtpën ko ja jëën tsip yajniwinmayë? ¿Pën mtuk'ijxpejtyp ets ënät ka'ap mëj xy'ëk'ijxnëtyës?

2 Reyes 24:1

Ma ënety ja Joaquim yajkutukyën, yë Nabucodonosor jampë yajkutukyën Babilonyë, ojts tnitëkë yë naax kajpn jam Judá; yë Joaquim tëkëëk jëmëjt kyëpejty ma Nabucodonosor yajkutukyën. Ok ja wyinma'any tyajtëkajtsy ets tnipëtë'ky ja Nabucodonosor.

2 Crónicas 36:13

Ënet ojts tmëtsiptsoony ja yajkutujkpë Nabucodonosor, mëti'ipë ënety të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Esdras 4:15

wä'än tyajpaye'ey jap nokyjyot yajxon ma ëëts ja nkutujkpëty ja nyoky pëjkë'ëky tyaj'ityën. Ma ënät jap tnikäjpxyën ko ya'atë naax kajpn je'eyë kyäjpxykyutëjy ets ko kutsë'ëkë yajpaaty ma wiinkëtypë ja naax kajpnën ets ko tëëyëp ojts ëxëëk y'ëk'ëtëtstëpë paaty ojts y'ëkkutëkooytyëpë.

Esdras 4:19

e tëëtsës ja ni'ënä'ämë ets tuntëty ja paye'eyën. E janty tëy jëtu'un ojts tääpë ja'ayëty tëëyëp ëxëëk jyänty ëtë'ëtstë, ojts tnikäjpxytyunëtë yë yajkutujkpë kanaak'ok mëti'ipë ojts jya'ënä'äma'antën,

Esdras 5:3

E ja Tatenai, mëët ja Setar-boznai ja myëku'uktëjk, mëti'ipë yajkutujkpën ma ja naax kajpnën jampë yajpaatën winkon ma ja Éufrates nëëjën, ojts nyëjkxtë ets t'ënëmaaytyë: ¿Pën të m'ënä'ämëtë ets ya'atë tsajptëjk xynyiwa'akëtëty ets xykyoj'oyëtëty, ix jam ja kepy të xyajpäjtaaynyëtë? ¿Nikajpxtë tiijaty ja'ay txëëwatë mëti'ipë tyaapë tuunk nyiwintsën'ajtëpën?

Esdras 5:9

Tëës nyajtëwtë ja jutië ja'ayëty mëti'ipë nyiwintsën'ajtëpën ja tuunk, pën ja y'ënä'ämën pyatuunëtëp ko ja tsajptëjk tkoj'oyëtëty ets ja potsy tkepywyinwopëtëty,

Nehemías 1:3

Tääjës xy'ëtsoowtë: Mëti'ipë ojts kyä'äktën ets ka'ap yajwojpëtsëëmtë nyaaxjotyëty, jam tsyënaaytyajknpëjktë ma mutskëtypë ja kajpnën, yë'ëjëty yajxon jam mëk y'ëyoownëtë ets natsëtyu'unënëp kë'ëm ko n'ëk'ijxmëty wi'ix jyatën kyëpätën. E yë Jerusalén kajpn ënät, yë'ë tëë ja pyoty jyijtë'ktaaynyë ets ja nyitëjk'aaw jëna'ajëp ja ja'ay t'ano'ktutaaynyë.

Nehemías 6:6

tyaa tyaj'ëna'any: Jëtu'un yajmëtoy'äty ja'ay kyajpxtë myëtya'aktë ets näjyëtu'un Guésem y'ënä'äny, ko mijts ets jutië ja'ayëty mnipëtë'ëkantëpëk yë kuttujkën, paatyëk ja mpotyëty të xykyojts'oyëtë mëti'ipë ja mnaax mkajpnëty kyuwäänpyën. Näyjyëtu'un tnikäjpxy tnimëtya'aktë ko mijtsëk mtëkëjaanp yajkutujkpë,

Ester 3:8

Ënet ja Amán t'ënëmaay ja yajkutujkpë Asuero: Maajaty ja yajkutujkpë t'ëne'emyën ja naax kajpn, tää tu'uk kajpn mëti'ipë tëkatsy juukyajtpën; wiink ja wyinma'any tmëëtëty, ka'ap jyëtu'unëty tä ja nimaypyë ja kajpnën, jä'ä ko ka'ap tpatuntë ja ënä'ämën mëti'ipë mijts yajkutujkpë të xyjyanikäjpxyën. Tyaapë kajpn ka'ap y'oyëty ko je'eyëm yajpaat'ëtë'ëtsy ma mijts m'ëne'emyën myajkutukyën.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Daniel 3:8

Ënet ja caldeo ja'ayëty ojts ya'atë winma'any tpaatë ets ja pyoky ojts t'ixtaayëtë ja jutië ja'ayëty ets ojts tni'ëënëtë ma ja yajkutujkpën Nabucodonosor,

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Hechos 24:5

Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

1 Tesalonicenses 5:22

Ixmatstë mëti'ipë ka'ap y'oyëtyën.