Esdras 3:11 - Biblia Dc en Mixe de Quetzaltepec

¹¹ Nimay ja ja'ay ënety twin'ëw twinya'axtë ja Wintsën ets nimay y'ëtsowtë: Kukajpxëtë ja'awëkyëta'aktë ja Wintsën, jä'ä ko yë tsyojkën jya'awën oy yë'ë ets xëmë y'ity. Tëkokyë ja naax kajpn aak xoontaktëp, jä'ä ko tëë ja tuunk tsyo'ontä'äky ma ja tsajptëjk yajkoj oyën.

Biblia Mixe de Quetzaltepec

¹¹ Nimay ja ja'ay ënäty twin'ëw twinya'axtë ja Wintsën ets nimay y'ëtsowtë: Kukajpxëtë ja'awëkyëta'aktë ja Wintsën, jä'ä ko yë tsyojkën jya'awën oy yë'ë ets xëmë y'ity. Tëkokyë ja naax kajpn aak xoontaktëp, jä'ä ko tëë ja tuunk tsyo'ontä'äky ma ja tsajptëjk yajkoj oyën.

Esdras 3:11 ပူးပေါင်းရင်းမြစ်များ

1 Crónicas 16:34

Kukajpxëtë ja'awëkyëta'aktë yë Wintsën, mëët yë y'oyjyot y'oywyinma'any, ko tyajnikëxë'ëky yë tsojkën ja'awën xëmëkyëjxm.

Salmos 106:1

Tukxoontä'äky yë Dios yë xyëëw nyaxëty. Kukajpxëtë yë Wintsën, jä'ä ko oy yë'ë, jä'ä ko yë tsyojkën jya'awën xëmëkyëjxm y'ity.

Salmos 107:1

Kukajpxëtë yë Wintsën, jä'ä ko yë'ë janty'oy Tyios'aty, ets yë'ë winë xëëw winë jëmëjt xytsyojkëm.

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Salmos 135:3

Mmëjpëjkta'aktë Wintsën, jä'ä ko yë'ë oy jot winma'any tmëëtëty; win'ëw winya'axtë xyëëw, jä'ä ko oy Tyios'aty.

Salmos 118:1

Kukajpxëtë ja'awëkyëta'aktë yë Wintsën, ko yë'ë y'oyëty, ets ko yë tsyojkën jya'awën winë xëëw winë jëmëjt yë y'ity.

2 Crónicas 7:3

Ko ja Israel ja'ayëty t'ijxtë ja jëën ets ja Wintsën ja myëj'ajt y'oyajtën mëti'ipë jap tsajptëkoty të kyëtä'äkyën, ënät koxtänë kya'ataaytyë, tyukpatëp ja wyimpok ja naax, t'ëwtajtë jëtu'un ja Wintsën ets tyajnajxtë ja kukkajpxën ja'awëkyëtakkën ma Wintsënën, tniwinpitë ja aaw ayuk ets y'ëna'antë: Jä'ä ko yë'ë janty'oy yë'ë ets tsojkp ja'ap xëmë.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Nehemías 12:24

Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Éxodo 15:21

Tä ja Maria ojts t'ëy ya'atë ëy: Win'ëw winya'axtë yë Dios ets mëjjaw kënu'kxyjyawëtë. Jä'ä ko yë'ë jëtu'un të myëtä'äky mëjwiin këjää, ko të tyajkiinta'ay ja këwaayëty, mëët tu'kë'ëyë ja nyija'ay mëti'ipë tuk'ënyääyëpën.

Lucas 1:50

Xëmë tpa'ëyoy mëti'ipë wiinkutsë'këyëpën.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Salmos 47:1

Tukë'ë'apo'kxmuktë, miitsëty naax kajpn; mëk yë Dios mmëkajpxtë mëët yë xoontakën.

1 Crónicas 16:41

Ojts näjyëtu'un tukmëwë'ëmy ja Hemán, Jedutún ets ja mëti'ipë ojts yajwin'ixtën ets y'ëwtëty ya'axtëty: Kukajpxëtë yë Wintsën, jä'ä ko tsyojkën jya'awën ijtëëp yë xëmë.

Nehemías 12:40

Tääts jam nimäjtsk y'aye'eymyujktë ja ëëpë xuxpë ets jëtu'un tyëjkëtyë tsajptëkoty; etsës nän ojtsës jap ntëkë mëët nikujkwä'kxy ja yajkutujkpëtëjk mëti'ipë ënety xyjyämyëët'ajtëpën.

Salmos 47:5

Yë Dios mëti'ipë Wintsën'ajtpën tëë yë y'ënyääytyakn tpëky ma jam yajkutukëtyën mëët yë xuxpë wojpë ets mëët yë xoontakën mëjpë këjääpë.

Josue 6:5

Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Josue 6:16

Ko ja teetytyëjkëty ojts ja xyuxnëty tukxu'uxtë ma ja wëxtujk'okpë kya'pxnën, ënät ja Josué ojts mëk kyäjpxy ets t'ënëmaay ja mayjyä'äy: tyam ya'axtë joktë ënät mëktä'äky, jä'ä ko yë Wintsën tëë tääpë naax kajpn tkë'ëyäky.

Josue 6:10

E ja maytsyiptuunpëtëjkëty ojts ja Josué y'ënë'ëmxëtë ets amonyë ye'eytyëty, koonëm yë'ë kë'ëm y'ënë'ëmxëtëty jëna'a mëk yujkya'axtëtyën.

2 Crónicas 5:13

Ënet tyëjkëtyë tu'knax xuxpë wojpë, ëëpë yaxpë; tukxoonta'aktë ja Wintsën ja xyëëw ets tyajnaxtë ja kukkajpxën ja'awëkyëtakkën; ja xuxn, ja ak ets ja pujxn awojpmujk jä'ä ja ëy tyukpa'ënantëp, jëtu'un y'ëna'antë: Win'ëw winya'axtë yë Wintsën, jä'ä ko oy yë'ë ets tsojkp ja'ap xëmëkyëjxm. Jää ma ënety jam jëtu'un y'ëwtën ënät ja Wintsën ja myëj'ajtën tkejxy jap tsajptëkoty, jëtu'un tyajnaaxkëtäky tä tu'uk yoots nëma'ajën,

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Salmos 131:1

Wintsën, yë njot nwinma'anyës ka'ap nyäyajnaxyë amëj akëjxm, ets ka'ap në'ix pa'at'ix nja'ay'ätyës, ni yë'ëjës nka''atsoky yë jot winma'any mëjpë këjääpë mëti'ipës ka'ap n'a'ixë npaatëtyën.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Hageo 2:3

Pënjaty y'ijxtën wi'ix ijty oy yë tsajptëjk kyëxë'ëkyën ets ko t'ijxkijpxtëty mëët mëti'ipë tyamën, ¿mëti'ipë ni'ik oy këxë'kp, këtii jyä'äjëty mëti'ipë ijty tëëyëp jääjënë?