Esdras 3:10 - Biblia Dc en Mixe de Quetzaltepec

¹⁰ Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënety ja David të tyajkutukyën, mëti'ipë ënety yë'ë yë Wintsën të tyuk'ëne'emyën.

Biblia Mixe de Quetzaltepec

¹⁰ Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënäty ja David të tyajkutukyën, mëti'ipë ënäty yë'ë yë Wintsën të tyuk'ëne'emyën.

Esdras 3:10 ပူးပေါင်းရင်းမြစ်များ

Zacarías 4:10

Ja ja'ayëty mëti'ipë ka'ap të tmëjpëjkta'aktën ko wäänaty ja tuunk të tyu'uye'ey, nëjkxëp ok tukxoonta'aktë ko ënety ja Zorobabel tyajjëjpëtsëmy ja tuunk. Ënet ja tsajpjotmëtë kukäjpxy xyjyaak ënëmaayës: Ya'atë wëxtujkpë kutë'kxn yë'ë Wintsën yë wyiin jyëjp mëti'ipë tyukjëtijtëtyëpën yë naaxwiinyëtë.

2 Crónicas 35:15

E ja ëëpë yaxpë mëti'ipë ja Asaf jyä'äy'äjtypyën, ojts ja tyuunk t'atänëtën jëtu'un tä ojts ja David, Asaf, Hemán ets Jedutún tni'ënä'ämëtën. Ja mëti'ipë y'atënaaytyëpën ja tsajptëjk'aaw nijä'äjaty ojts tkëwent'atë; jä'ä ko ja myëku'uktëjkëty mëti'ipë Leví ja'ayëtyën yë'ë ojts tyaj'o'oyëtya'atë winë mëti'ipë kyäytyëpën y'uuktëpën.

1 Crónicas 23:5

Nimajktaxk mil mëti'ipë kyëwent'atëpën ja tëjk'aaw ets wiinkpë ja nimajktaxk mil mëti'ipë xëmë ja Wintsën wyin'ëw wyinya'axtëpën, tyaj'ëna'antëty ja xyuxnëty y'akëty tukwinxu'ux tukwinwoptëty ja Wintsën.

1 Crónicas 16:42

Ya'atë ja'ayëty yë'ë ijty yaj'ënantëp yë ak, pujxn awojpmujk ets winë mëti'ipë ja ëy tyukpa'ënantëpën mëti'ipë ja Wintsën tyukwin'ëëwtëpën. Ja Jedutún ja y'ëna'k yë'ë ojts yajtuknipëktë t'atänëtëty ja tëjk'aaw.

1 Crónicas 16:37

Tä ja David tuknipëjky ja Asaf mëët ja myëku'uktëjk ets tkëwent'atëty ja Wintsën ja kyaaxë, oy jam tii tyimyajtuna'anëty, winjëpom.

1 Crónicas 15:27

David yë'ë ënety wyit'ajtyp ookwyit ets aakjëtu'un ja wyitëty ja Leví ja'ayëty mëti'ipë ja kaaxë pyakëëytyëpën, ja ëëpëty ets ja Quenaías mëti'ipë tu'uwinye'eypyën ma ja Wintsën ja kyaaxë yajmënëjkxyën; ëpëky ja David tniyä'äp'aty tu'uk ja mëjwit ookwyit.

1 Crónicas 15:24

E ja teetytyëjkëty Sebanías, Josafat, Natanael, Amasai, Zacarías, Benaías ets Eliézer, jä'ä nëjkxtëp jëjp'am xuxpë mëët ja pyujxn xuxnëty, ma jam yajmëye'eyën ja Wintsën ja kyaaxë. Yë Ebed-edom ets Jehías yë'ë y'ijx'ijtëp ja kaaxë.

1 Samuel 22:18

Paaty ja yajkutujkpë t'ënëmaay ja Doeg, ja Edom ja'ay: Doeg, yaj'ook mijts. Ënet ja Doeg tjanty yaj'o'ktaay ja teetytyëjk, jä'ä xëëw jä'ä ja teetytyëjk y'o'ktë nitëkë'px mëkoxk, aaktam tnijän'atë ja efod.

Esdras 5:16

Tä ja Sesbasar tjanty yajtso'ontäky ja tuunk, tä tnitajëy ja tsajptëjk ja nyipotsy'ëjx; tyampaat yë'ëtsën ëëts ntuunk'ajtëp, ka'anëm y'o'oyëtyä'äynyëm.

Salmos 150:5

Mmëjpëjkta'aktë mëët yë pujxn mëti'ipë ayaxpën ko yaj'awojpmuky. Mmëjpëjkta'aktë mëët yë pujxn mëti'ipë këwiipën.

Hageo 2:15

Tyam jëtu'un mmaytyëty mtajtëty naamka'anëm xykyojtso'onta'aktë ja tsajptëjk,

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Zacarías 6:12

Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

Zacarías 7:3

ets tyajtëwa'antë yë käjpxynyajxpëtëjkëty ets teetytyëjkëty mëti'ipë ënety jap tsajptëkoty tuuntëpën, ma ja Wintsën yajpaatyën mëti'ipë maaytyääyëpën winë: ¿Kopkpëky jëtää ëëtsëty je'eyëm n'ayuu'atëty ko myëkoxk po'opätëty jajëmëjt, ijxtëm ëëtsëty xëmë ntuntënë?

2 Crónicas 5:12

Tëkokyë ja Leví ja'ayëty mëti'ipë ëëwtëpën, tä ja Asaf, Hemán ets ja Jedutún, mëët ja y'u'unk y'ëna'k ets ja jyiikytyëjk myëku'uktëjk, aakjam wya'ak o'oyëtyääytyë ma ja wintsë'këntyaknën aak xoxyëty mëët ja oywyit. Aaktam tmëët'atë ja xyuxnëty, kyä'tsnëty, y'akëty ets pyujxnëty mëti'ipë yaj'ënantëpën. Nimëko'px ja i'px ënety jam näjyëtu'un ëpëky ja teetytyëjkëty mëti'ipë ja pujxnxuxn yaj'ënantëpën.

2 Crónicas 35:14

Ja Leví ja'ayëty ëpëky ja jyä'äjëty tyaj'o'oyëtë mëët ja teetytyëjkëty ja jyä'äjëty, jä'ä ko ja teetytyëjkëty, ka'ap myëtaktë kë'ëm ja jyä'ä tyaj'oyëtëty mëët ko ja tuunk mëk ojts tyuka'ajëtë; kootspaat tyuuntë ets ënu'kxë jyajtë mëët ko tyaktë ja wintsë'kën: ja tsu'utsy ets ja on ma Wintsënën. Paatykyëjxm ja Leví ja'ayëty yë'ë yaj'o'oyëtë ja kääky uuky mëti'ipë ënety ja teety ets ja Aarón ja y'u'unk y'ok patëtëpën.

Esdras 2:41

Yë ëëpëtëjkëty, Asaf y'u'unk y'ok, jä'ä nyiwinë'ajtë mëko'px ja i'pxtuktujk.