Esdras 2:58 - Biblia Dc en Mixe de Quetzaltepec

⁵⁸ Ko yajmëtyoowmujkta'atë ja ja'ayëty mëti'ipë jap tuuntën ma ja tsajptëjkën ets mëti'ipë tuuntën ma ja Salomón ja tyëjkën ja y'u'unk y'okëty, jä'ä nyiwinë'ajtë, tëkëëk mëko'px ja majkta'px majkmäjtsk.

Biblia Mixe de Quetzaltepec

⁵⁸ Ko yajmëtyoowmujkta'atë ja ja'ayëty mëti'ipë jap tuuntën ma ja tsajptëjkën ets mëti'ipë tuuntën ma ja Salomón ja tyëjkën ja y'u'unk y'okëty, jä'ä nyiwinë'ajtë, tëkëëk mëko'px ja majkta'px majkmäjtsk.

Esdras 2:58 ပူးပေါင်းရင်းမြစ်များ

1 Reyes 9:20

E ja Amor ja'ayëty, Hit ja'ayëty, Jerez ja'ayëty, Heve ja'ayëty ets Jebús ja'ayëty mëti'ipë ënety të wyë'ëmtën, ka'apë y'Israel ja'ayëtyën.

1 Reyes 9:21

Jä'ä jëtu'un ja ja'ayëty ja y'u'unk y'okëty mëti'ipë ënety ka'ap ja Israel ja'ayëty të myäyëtën tyajkutëkoytyëty; Salomón ojts tuunkmo'oy ya'atë ja'ayëty mëët ja mëkëtypë ja tuunk ets tyampaat je'eyëm jëtu'un mëk tyuntë ko jam tsyëënëtë.

1 Crónicas 9:2

Ja ja'ayëty mëti'ipë ojts jatëkok wyimpitën ma ja nyaax kyajpnëtyën ets jatëkok jam tsyënaaytyaknpëjktë, jä'ä ja teetytyëjkëty, Leví jyä'äyëty ets ja mëti'ipë jap tsajptëkoty tuuntëpën.

Esdras 2:57

Sefatías, Hatil, Poquéret-hasebaím ets Amón.

Esdras 2:59

Mëti'ipë tso'ontën jam Tel-mélah, Tel-harsá, Querub, Adón ets Imer, ka'ap yajxon yajnija'awëtyë pën Israel ja'ayën jä'äjëty, jä'ä ko ka'ap tii ja nyokyëty ets ka'ap ojts maa ja xyëëw y'akëxë'ëkëtë ma jaaypyety myintën ja xyëëwëty ja mayjyä'äy, wä'änxyëp ojts je'eyë jëkäm tja'ay'atë ja Israel ja'ayëty; jä'ä xyëëwajtë:

Esdras 7:7

Babilonyë tsyo'ony mëët teetytyëjkëty, Leví ja'ayëty ets ja'ayëty mëti'ipë ëëwtëpën, mëti'ipë tsajptëjktuuntëpën ets mëti'ipë tëjk këwent'ajtëpën ma ja tsajptëjkën, kom wëxtujk jëmëjt ma ënety yajkutukyën yë Artajerjes.

Nehemías 3:26

tyimjajty jampaat ma ja nëëtëjk'aawën, mëti'ipë najts'ijxëpën matsow xëëw pyëtsimyën ets näjyëtu'un tkoj'o'oyëy ja mëjpotsy. Mëti'ipë ënety kukajpnajtëpën jam Ofel yë'ë jap tsajptëkoty mëtuuntë,

Nehemías 7:60

Ja ja'ayëty mëti'ipë timtuuntëëwtën jap ma tsajptëjkën ets mëti'ipë näjyëtu'un timtuuntëëwtën jam ma Salomón ja tyëjkën jä'ä nyiwinë'ajtë tëkëëk mëko'px ja majkta'px majkmäjtsk.

Eclesiastés 2:7

tëëjës njuy may yë tuunpë naaxwiinyëtë ja'ay to'oxytyëjk, ojts yë ntuunpës npaaty mëti'ipë jap maas yë ntëjkën të myëxu'unk'atyën, may'äämpyës yë jëyujk tsajpkaa të nmëët'aty ets kupixyny, ni'ik may këtiinëm mëti'ipë të yajkutuktë jëyëjp maas ënety ëjts ka'ap ntëkënëm yajkutujkpë yaa Jerusalén.

Josue 9:21

Paatykyëjxm ja mëjja'aytyëjkëty ojts t'ënëëmëtë ja Israel ja'ayëty ets këtii ni pën tyaj'ooktëty, je'eyë tëy tyajtuntëty, tyajja'axypyuxtëty ets tyajnëëniwitstëty, tmëtuntëty ja naax kajpn. Jëtu'un'äämpy ja mëjja'aytyëjkëty tpatuuntë ja y'aaw y'ayukëty mëti'ipë ënety të twinwanëtën.

Josue 9:23

Paaty yam n'ënëëmëtë ko miitsëty poky mwë'ëma'antë ets xëmë je'eyë mëtuntëty. Yë'ë xëmë mtuunk'atëp; yë ja'axynyipujxk ets nëëkoonk mëti'ipë tunëpën ma Wintsën yë jyëën tyëjkën.

Josue 9:27

Yë'ë ojts tuknipëky ets tuunk'atëty yë nija'axk, nëëkoonk nëëwijtsk ets tyuntëty maa ja naax kajpnën ets ma ja wintsë'këntyaknën jam ma ënety ja Wintsën të twin'ixyën. Tyampaat yë Gabaón ja'ayëty yë'ë jëtu'unpë tyuunk'ajtëp.