Esdras 10:18 - Biblia Dc en Mixe de Quetzaltepec

¹⁸ Ja teetytyëjkëty mëti'ipë ënety mëët ja to'oxytyëjk të pyëktën ka'apë Wintsën t'ëwtatën jä'ä xyëëwajtëp: Ma Josué y'u'unk y'okën, Josadac yë myaank ets jyiiky myëku'uk: yë'ë ijtë yë Eliézer, Jarib ets Guedalías,

Biblia Mixe de Quetzaltepec

¹⁸ Ja teetytyëjkëty mëti'ipë ënäty mëët ja to'oxytyëjk të pyëktën ka'apë Wintsën t'ëwtatën jä'ä xyëëwajtëp: Ma Josué y'u'unk y'okën, Josadac yë myaank ets jyiiky myëku'uk: yë'ë ijtë yë Eliézer, Jarib ets Guedalías,

Esdras 10:18 ပူးပေါင်းရင်းမြစ်များ

Zacarías 3:1

Ojtsës yë Wintsën wiinkpë kuma'ay xytyuk'ixy, yë'ëjës nwin'ijxyp yë Josué, mëti'ipë nyikopk'ajtypyën yë teetytyëjkëty, mëët tyänë Wintsën tsyajpjotmëtë kukäjpxy. Jam ma Josué pya'ajën, a'oytsyow, tam tyänë tu'uk tsajpjotmëtë kukäjpxy mëti'ipë je'eyë ni'ë'ënëpën.

Hageo 1:1

Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank.

Esdras 5:2

Ënet ja Zorobabel, Salatiel myaank ets Josué, Josadac myaank tyëjkëtyë tuunpë ets jatëkok tniwa'këtyë ja tsajptëjktuunk jam Jerusalén, e ja Dios ja kyäjpxynyajxpëtëjk jä'ä jam tyimmëët'ajtyp ets tputëkë.

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Dios yë tyuunpë.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

Ezequiel 44:22

Ka'ap tjëkyepy pyëkëty mëët tu'uk yë to'oxytyëjk tëëpë kyu'ookyën ëkë mëti'ipë pëjktëkatsyën, yi'iyë mëpaat mëët pyiky tu'uk yë to'oxytyëjk mëti'ipë ka'ap ye'etyëjk tmëëtsëënënëm ëkë mëti'ipë ënety tu'uk yë teety të tku'ookyën.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Jeremias 23:11

Jëtu'un yë Wintsën y'ënä'äny: Yë'ëpaat yë käjpxynyajxpëtëjkëty ets teetytyëjkëty ka'ap të xywyintsë'ëkëtës; maas ntsajptëjkën të ntimkyupaatëtës y'ëtë'ëtstë y'ëna'antë ëxëëkjaty.

Nehemías 13:28

Ojtsës nyajke'eky tu'uk yë myaank yë Joiadá, teety kyopk Eliasib yë myaank, yë'ë myë't yë Sambalat Horonaim ja'ay.

Nehemías 12:10

Josué yë'ë y'u'unk'ajt Joiacim, Joiacim yë y'u'unk'ajt Eliasib, Eliasib yë'ë y'u'unk'ajt Joiadá,

Nehemías 8:7

Ja Leví ja'ayëty mëti'ipë xyëëwajtëpën Josué, Paní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán ets Pelaia jä'ä tyukwinmëtyaktëp ja naax kajpn wi'ix ja ënä'ämën tëyajtën yajja'akyukëja'anyën ets mayjyä'äy je'eyë tmëtoow'itë ets aak tënaaytyëp,

Nehemías 8:4

Ja yaj'ijxpëjkpë Esdras jam ojts kyuwa'akë ma tu'uk kepyën tënaaypyäjn, mëti'ipë yë'ë të tyimyajtuktsätsën. Tam ënety näjyëtu'un pya'atänëty a'oytsyow yë Matatías, Semá, Anías, Urías, Hilquías ets yu Maaseías. Tam ënety näjyëtu'un pya'atänëty y'anajny'äämpy yë Pedaías, Misael, Malquías, Hasum, Hasbadana, Zacarías ets Mesulam.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Esdras 9:2

Yë'ëjëty ets ja y'u'unk y'ëna'këty ye'etyëjkpë tëë pyëjknëtë y'uknëtë mëët ja to'oxy'ëna'këty mëti'ipë tääpë ja'ayëty nyëëx'ajtëpën; tääts jëtu'un ja nätyuktëk nätyukwa'akë y'ijnë mëët tääpë ja'ayëty ka'apë kyunaax'at kyukajpn'atën. Yë'ë jëtu'un ëtëtsnëtëp mëti'ipë ja naax kajpn nyikopk'ajtëpën, tä yë kutuunktëjkëtyën.

Esdras 10:17

E ma tyu'uk anyën ja mëët tu'uk po'opë jää ojts tyaj'o'oyëtya'atë ja jotmay mëti'ipë ënety ja ye'etyëjktëjk të pyëktën mëët ja to'oxytyëjkëty mëti'ipë ka'ap ja Wintsën t'ëwtatyën.

Hageo 1:12

Yë Zorobabel, yë Josué ets nitëkokyë ja'ayëty mëti'ipë ojts tmëtowtën wi'ix ja Wintsën y'ënä'änyën mëti'ipë ja Hageo käjpxynyajxpë nyimëtyäkpyën, ojts tsyë'ëkëtë.

Hageo 2:4

Zorobabel, jotmëk yajpaat. Josué jotmëk it, ma xynyiwintsën'atyën yë teetytyëjkëty ets nitëkokyë miitsëty kunaax kukajpnëty tuntë mëtowtë, ëjts tääjës nyajpaaty mëët miitsëty. Ëjts, mëti'ipë Wintsën'ajtpën, mëti'ipë maaytyääyëpën winë, ëjts ënaanp.

Zacarías 6:11

Myajkojëp tu'uk yë kujän, yë'ë myajtunëp ja pu'ts pujxn ets ja poop pujxn mëti'ipë ënety të xyajmukyën ets nëjkx xytyukkujeny ja teety Josué, yë Josadac yë myaank.

Esdras 2:36

Ja teetytyëjkëty, ja Jedaías ja y'u'unk y'ok, yë Josué jyä'äy, jä'ä nyiwinë'ajtë taxtujk mëko'px ja tëkë'px majktëkëëk;

Esdras 3:8

Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënety jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënety të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

Jeremias 23:10

Ujts yë naax kajpn yajpaaty mëët yë ja'ay mëti'ipë ka'ap twintsë'ëkëtën yë pëjkën ukën, yi'iyë tyuuntëp kyajpxtëp yë ëxëëkpë, je'eyë tyäty ënä'äma'antë tyäty yajkutuka'antë ets tëkatsy winë tnipaye'eytyë. Paaty ojts yë Wintsën tpoky yë naaxwiinyëtë ets ja naaxwiinyëtë tyëëtsë'ky, ojts tyëtstëkoy ja aay ujts jampë të'ëts'itjotmën.