Efesios 6:2 - Biblia Dc en Mixe de Quetzaltepec

² Yë'ë ya'atë Dios y'ënä'ämën mëtu'ukpë mëti'ipë waantakën myëët'ajtypyën: wintsë'ëkë ja mtaak mteety,

Biblia Mixe de Quetzaltepec

² Yë'ë ya'atë Tios y'ënä'ämën mëtu'ukpë mëti'ipë waantakën myëët'ajtypyën: wintsë'ëkë ja mtaak mteety,

Efesios 6:2 ပူးပေါင်းရင်းမြစ်များ

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Proverbios 20:20

Mëti'ipë ja'ay pyojkpyën yë tyaak tyeety, kupi'its kukoots y'ooka'any ets atsë'ëk ajawë.

Jeremias 35:18

Ojts näjyëtu'un yë Jeremías t'ënëëmë yë Recab ja'ayëty: Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty mëët ko yë'ë xypyatuntë ja ënä'ämën mëti'ipë ja m'ap m'ok Jonadab ojts mtukmëwë'ëmëtën.

Jeremias 35:7

Ojts näjyëtu'un t'akajpxtuky ko ka'apës mëpaat njëën ntëjk nkojtë ets ka'apës mëpaat ni'iptë nkojtë ëkë npäntë nkojtë oynatii ujts ijxtëm yë tsatsymyën. Jëtu'un ojts xy'ënëëmëtës ko je'eyë mëpaat ëëts nnänyikämëtë, jëtu'unts jeky njuuky'atëtyës yaa naaxwiiny maas njëtitën tä jaaypyaat jaaypyo'kxyën.

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Romanos 13:7

Yaktë nijä'äjaty mëti'ipë paat'ajtëpën. Mëti'ipë mëpaat xykëpätën, yaktë ja m'ayajk m'ako'onënëty; pën jam ja këpäjtën myuky, yaktë ja mjä'äjëty; pën nitëjkëyëp yajwinkutsë'ëkëty, wiinkutsë'ëkëtë; pën paat'ajtëp mëj y'itëty, mëj yajnaxtë.

Efesios 6:3

ets akujk jotkujk jeky mjuuky'atëty naaxwiiny.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

1 Timoteo 5:4

E pën jam ja ku'ooky tyo'oxytyëjk ja y'u'unk y'ëna'k ëkë y'ok u'unk y'ok'ëna'k; yë'ë patëtëp tputëkëtëty ja tyaak ëkë ja nyanwelë, jä'ä ko yë'ë të yajyääk të yajpätëtë ma teety taak të txëëwatën. Jëtu'un ja Dios tukjotkëtä'äky.